Gerðir kirkjuþings - 1984, Qupperneq 11

3
mál. Ennfremur hafa nefndarmenn, sérstaklega formaðurinn, unnið þar geysimikið starf.
Það var merkur áfangi í starfi kirkjunnar, þegar nú nýlega voru fest kaup á húsi í Suðurgötu hér í
Reykjavík, Kirkjuhúsinu, sem Kristnisjóður mun eignast með aðstoð ríkisins. Þakka ég öllum þeim, sem
unnið hafa að undirbúningi þess máls og óska þess að það verði íslensku kirkjunni til blessunar. En um-
fjöllun um eignir kirkjunnar er all tímafrekt starf í ráðuneytinu, þar sem ýmis vandamál hafa risið upp í
því sambandi. Tekist hefur að leiða sum þeirra farsællega til lykta, en að öðrum er unnið. Má þar sér-
staklega nefna framtíðarskipun mála í Reykholti, sem unnt virðist að ganga frá ákveðnum samningum
um innan skamms.
í þessum mánuði barst mér beiðni frá Kirkjuráði, um að skipa nefnd til að endurskoða lögin um
„Skipun prestakalla og prófastsdæma og um Kristnisjóð,” þar sem aðstæður hafa breyst í þjóðfélaginu
síðan þau voru sett. Er nú verið að undirbúa þessa nefndarskipun.
Fyrir starfsmenn kirkjunnar hefur orðið árangur af starfi nefndar á vegum ráðuneytisins, sem hefur
athugað starfskjör presta, m.a. hefur ráðuneytið sett nýjar reglur um greiðslu starfskostnaðar á þessu
ári.
Að loknu Kirkjuþingi mun Kirkjumálaráðuneytið taka til athugunar, á hvern hátt það getur greitt
götu þeirra mála, sem hér verður fjallað um á næstu dögum.
Ykkur er öllum kunnugt um hvernig staða okkar þjóðarbús er um þessar mundir, þannig að þungt er
fyrir fæti við framkvæmd þeirra mála, sem kalla á aukin útgjöld. En ýmsu er hægt að þoka til betri veg-
ar án þess að slíks sé þörf, enda er það ekki kenning kirkjunnar, að fjármagnið sé afl þeirra hluta sem
gera skal.
Vissulega er æskilegt fyrir kirkjuna að hafa sem flesta góða starfsmenn í þjónustu sinni og skapa þarf
þeim sem besta starfsaðstöðu. Mestu máli skiptir þó, að kirkjan verði sem sterkast afl og aflvaki í
íslensku þjóðfélagL Að þjóðin fái þá tilfinningu og skilning að kenning kirkjunnar er okkur leiðarljós á
brautinni til betra mannlífs. Þannig að í stað þess að nú er kallað á meiri löggæslu og fleiri hæli fyrir þá,
sem lent hafa á margvíslegum villigötum, þá komi margfalt sterkari krafan um að fá fleiri til starfa við
hina jákvæðu þjónustu kirkjunnar.
Ég óska þess að þessu Kirkjuþingi, sem nú er að hefja störf, megi auðnast að benda á leiðir að því
marki.