Gerðir kirkjuþings - 1984, Síða 14

6
1984
15. Kirkjuþing
1. mál
Skýrsla Kirkjuráðs
flm. herra Pétur Sigurgeirsson, biskup
Kirkjuráð hélt 7 fundi á liðnu starfsári. Enn fjölgar fundum ráðsins frá því sem áður var. Stafar það
einkum af því, að nú er kirkjuþing á hverju ári. Eitt af meginverkefnum Kirkjuráðs er að fara með fram-
kvæmd þeirra erinda, sem vísað er til þess af hálfu kirkjuþings.
Á fyrsta fundi sínum, strax að loknu kirkjuþingi í fyrra, voru tekin til umræðu þau mál, sem kirkjuþing
hafði sérstaklega vísað til ráðsins, og hefir Kirkjuráð reynt eftir megni að láta þau ná fram að ganga. Á
dagskrá kirkjuþings í fyrra voru 40 mál, tillögur, ályktanir, fyrirspurnir og frumvörp, eins og fram kem-
ur í Gerðum kirkjuþings 1983.
Ég mun nú með nokkrum orðum rekja gang þessara mála fyrir hönd Kirkjuráðs. Eins og jafnan gerist
er árangurinn misjafn og fer að nokkru eftir eðli og umfangi hinna einstöku mála, er voru á dagskrá
kirkjuþings.
Frumvarp til laga um starfsmenn Þjóðkirkju íslands var eitt af höfuð viðfangsefnum Kirkjuráðs og
annarra kirkjulegra aðila og hefir fengið nákvæma athugun. Það hefir leitt til nokkurra breytinga á
frumvarpinu. Þar sem frumvarpið er nú aftur lagt fyrir kirkjuþing, mun eg eigi fjalla um það nánar í
þessari greinargerð.
3. mál. Stofnun sérstaks kirkjumálaráðuneytis.
Það er í annað sinn, sem fram kemur ósk á kirkjuþingi um stofnun þessa ráðuneytis. Málið hefir enn
ekki fengið undirtektir stjórnvalda. Ærnar ástæður liggja til þess að kirkjumálin séu falin sérstöku ráðu-
neyti. Sú skipan hefir verið í Danmörku síðan 1916 og gefist mjög vel.
Ástæðan fyrir þessari ósk kirkjuþings er ört vaxandi starfsemi kirkjunnar og sú eðlilega ráðstöfun, að
öll kirkjunnar mál heyri undir eitt og sama ráðuneyti, en svo er ekki eins og sakir standa. Kirkjueignir
heyra ekki undir dóms- og kirkjumálaráðuneytið, en meðferð þeirra hefir með ákvæðum Kristnisjóðs
lögfestan tilgang í þjónustu kirkjunnar. Á meðan ekki kemur sérstakt ráðuneyti ætti sá fulltrúi í ráðu-
neytinu, sem sérstaklega hefir kirkjumálin með höndum, eigi að sinna öðrum málaflokkum til þess að
geta gefið sig óskiptan að verkefnum kirkjunnar og annarra trúfélaga í landinu.
4. og 5. mál. Reglugerð við lög um kirkjuþing og Kirkjuráð.
Það voru tilmæli kirkjuþings, að reglugerðin fengi lögfræðilega athugun, og í því skyni sendi Kirkju-
ráð hana til dóms- og kirkjumálaráðuneytisins. Eftir þá athugun kemur reglugerðin aftur í hendur
kirkjuþingsmanna. Þingsköpin koma hér einnig til kirkjuþingsmanna, — eins og þau voru samþykkt á
síðasta kirkjuþingi.
6. mál. Að gjafir til kirkna og safnaða verði skattfrjálsar.
Ríkisskattstjóri hefir gefið þær upplýsingar, að eigi þurfi lengur að sækja um leyfi til þess að gjafir til
kirkna verði frádráttarbærar frá skatti. En áður þurfti að sækja árlega fyrir hverja kirkju og söfnuð, að
gjafir einstaklinga, félaga og stofnana til kirkjulegrar starfsemi væru skattfrjálsar. Ríkisskattstjóri vill
hins vegar brýna það fyrir þeim, sem veita gjöfum viðtöku til kirkju sinnar, að gefa kvittun fyrir gjöfinni
í tvíriti, til þess að gefandinn geti sent annað eintakið til skattstjóra með skattaframtali sínu.
7. mál. Reglur um notkun safnaðarheimila.
Þessar reglur liggja nú fyrir eins og nefndin, sem Kirkjuráð kaus til að semja þær, gekk endanlega frá
þeim, og þær voru samþykktar á síðasta kirkjuþingi. Þær verða nú sendar öllum sóknarprestum og for-