Gerðir kirkjuþings - 1984, Síða 16
8
haustverk ekki almennt hafin. Þá var einnig minnst á, að héraðsfundardagur rækist ekki á hin fjöl-
mennu söngnámskeið í Skálholti.
15. mál. Stuðningur við kirkjur, þar sem prestaköll voru lögð niður með lögum 1970.
Kirkjuráð hefir lengi haft þann sið við úthlutun úr Kristnisjóði, að veita upphæð til þessara kirkna,
sem síðan deilist niður á þessar kirkjur. í fyrra var styrkur þessi 80 þúsund, en á fjárhagsáætlun í ár er
hann hækkaður í 250 þúsund.
16. mál. Könnun á fjárhagsstöðu og fjárþörf hjá einstaka kirkjum og sóknum innan þjóðkirkjunnar.
Kirkjuþing fól Kirkjuráði þetta mál og ráðið kaus Kristján Þorgeirsson og Ottó A. Michelsen kirkju-
þingsmenn til þess að hanna spurningalista þar sem fram skyldi koma óhjákvæmilegur rekstrarkostnað-
ur kirknanna, tekjur þeirra og gjöld. Listi þessi verður sendur próföstum til fyrirgreiðslu við fyrstu
hentugleika. Eg hefi rætt töluvert um útgjöld þeirra kirkna sem ég hefi vísiterað undanfarin sumur og
komist að raun um gífurlegan orkukostnað og umkvartanir af þeim sökum. Um það mál hefi ég rætt við
rafmagnsveitustjóra ríkisins og aðra þá, sem með þau mál hafa að gera, án þess að ná tilætluðum ár-
angri.
17. mál. Eðlileg skilyrði til þess að hljóta prestsvígslu.
Þau eru: 1. Að guðfræðikandidat sé ráðinn, settur eða skipaður í prestakall, til safnaðar, til stofnana
eða samtaka samkvæmt lögum eða eins og tíðkast hefur löngum það sem af er þessari öld. 2. Að kandi-
dat sé orðinn 25 ára. (Fengist hefur undanþága frá þessu ákvæði). 3. Og loks, eins og segir í lögum frá
1746: ,,Skal þess vandlega gætt, að prestaköllin séu veitt mönnum, sem til þeirra séu hæfir, bæði að lær-
dómi og líferni.” 34. gr. laga 1. júlí 1746. Segja má, að prestvígsluskilyrðin hafi alfarið verið í höndum
biskupanna, á þeirri tíð er þeir héldu skóla á biskupsstólunum. Nú annast guðfræðideild Háskólans
menntun og próf guðfræðinemans. Eftir er þá að kanna líferni hans og hæfni til starfsins að öðru leyti.
Hvernig það skilyrði er uppfyllt, hlýtur að koma meira eða minna í Ijós meðan á náminu stendur. Þegar
guðfræðinemi hefir lokið embættisprófi gerir starfsmannafrumvarpið ráð fyrir því, að kandidatinn
starfi í prestakalli hjá sóknarpresti og undir eftirliti prófasts eigi skemur en þrjá mánuði. Með því er ver-
ið að gefa guðfræðingnum tækifæri til þess að kynnast prestsstarfinu, og mun þá um leið hæfni hans
koma í ljós. Þá hefir sú hugmynd komið fram að skipa vígsluráð, er sé skipað þeim mönnum er gerst
þekkja kandidatinn í námi og að starfi. Að fengnu áliti ráðsins fái síðan kandidatinn vígslu, sé hann álit-
inn hæfur til starfsins.
18. mál. „Vídeó” — tækni í þjónustu kirkjunnar.
Kirkjufræðslunefnd var falinn framgangur þessa máls, og hefir nefndin tekið það upp sem eitt af
verkefnum sinum. Kirkjuráð átti þátt í því, að tveir nefndarmanna gátu sótt norræna ráðstefnu, sem
„Internasjonalt masse-media institutt” hélt um kristna „vídeó-væðingu” í Danviklýðháskólanum í
Drammen í Noregi. Þar fór fram fræðileg umræða um myndbönd og gafst þátttakendum kostur á að
sjá ýmislegt af því sem hæst ber á kristilegum myndbandamarkaði í svip. Á síðustu prestastefnu kynnti
nefndin árangur af þessari ferð og sýndi nokkur myndbönd. Nefndin hefur átt samvinnu við Skálholts-
útgáfuna og falið henni að koma á fót útleigu með kristilegum myndböndum og framleiðslu myndbanda
með efni sem nefndin mælir með. Skálholtsútgáfan hefir því látið þetta mál til sín taka og framleitt
fyrstu vídeó-spóluna, þar sem um er að ræða kristilegt efni af ýmsu tagi fyrir börn og unglinga og meira
efni er í vinnslu.
19. mál. Að athugað verði hvort tUtækilegt sé að taka aftur upp hefðbundna fallbeygingu á orðinu Jesús
í útgáfum Biblíunnar og við endurútgáfu sálmabókar og handbókar íslensku kirkjunnar.
Um mál þetta var fjallað í Kirkjuráði og í stjórn Hins íslenska Biblíufélags. Það var sameiginlegt álit
beggja aðila, að ekki væri gerlegt að ráðast í þá framkvæmd, — a.m.k. ekki að svo komnu máli. Bent
var á þann kostnað, sem af þeirri breytingu myndi leiða, og erfitt að sjá hann fyrir. Þá var bent á hug-
myndina, sem fram er komin, að gefa út nýja heildarþýðingu Biblíunnar árið 2000. Aðeins 16 ár eru til
þeirra tímamóta. Ef af þeirri útgáfu verður, þarf að vinda bráðan bug að undirbúningi. Þá mun þetta