Gerðir kirkjuþings - 1984, Blaðsíða 18

10
svo, eru orð hans í fullu gildi, og þau vekja til vitundar hvaða skyldum löggjafarvaldið hefír að gegna
við kirkjuna eftir anda og efni stjórnarskrárinnar.
25. mál. Um sögulega sýningu í Skálholti.
Mál þetta var rætt við þjóðminjavörð en fékk ekki nægilegar undirtektir hans til þess að hægt væri að
betrumbæta og auka safnið, sem fyrir er í kjallara Skálholtskirkju. Þó að það safn sé ekki mikið að
vöxtum, geymir það eigi að síður einn mesta sögulega dýrgrip kirkjunnar, sem er síeinkista Páls biskups
Jónssonar, sem dó í Skálholti 1211. — í sambandi við þessa tillögu er þess að geta, að á vesturvegginn í
Skálholtskirkju hafa verið settar upp tvær töflur með nöfnum allra biskupa og vígslubiskupa Skálholts-
biskupsdæmis og biskupa eftir að landið varð eitt biskupsdæmi. Verkið var unnið í umsjá Harðar
Bjarnasonar fyrrv. húsameistara ríkisins. Skrá þessi hefir mikið sögulegt gildi.
26. mál. Um aukið fjármagn yfirstjórnar þjóðkirkjunnar.
Eins og áður hefir fram komið í þessari skýrslu, er kirkjunni afar þröngur stakkur skorinn til þess að
geta starfað með eðlilegum hætti. Kirkjueignanefndin var stofnuð m.a. til þess að fá úr því skorið, hvar
kirkjan stendur eignalega séð, — og þá vænti ég þess, að einnig komi í ljós, hvernig tryggð verði aukin
fjárframlög, er kirkjan þarf á að halda. Kirkjueignanefnd er það langt komin með könnun sína, að hún
mun skila áliti sínu um áramót.
27. mál. Um prestsverk unnin af öðrum en sóknarprestum.
Mál þetta hefir verið rætt við fulltrúa dóms- og kirkjumálaráðuneytisins út frá fenginni reynslu og
fyrirmælum laga um einstök atriði í framkvæmd prestsverka. Prófastafundur fjallaði ítarlega um málið.
Reglugerð sú, sem hér liggur fyrir, er byggð á þeirri athugun, sem fram hefir farið.
28. mál. Hvort ekki muni tiltækilegt að nýta kirkjuskip Hallgrímskirkju sem tónlistarhús í Reykjavík.
í greinargerð kom fram að með slíku samstarfi við tónlistarunnendur, sem hyggja á tónlistarhús,
mætti e.t.v. takast að flýta fyrir byggingu Hallgrímskirkju á Skólavörðuhæð. Tillagan var góðra gjalda
verð, en í ljós komu ýmis vandkvæði á því að starfrækja tónlistarhús og kirkju í einni og sömu bygg-
ingu, t.d. vegna stöðugra æfinga. Þess má vænta, að Hallgrímskirkja verði vel hæf til tónlistarflutnings,
og þar verði flutt hin sígildu trúarlegu tónverk, eins og víða á sér stað í helgidómum utan lands sem
innan.
29. mál. Að hlutaðeigandi kirkjugarðasjóðir greiði húsaleigu vegna afnota af kirkjuhúsi við útfarir.
Tillagan fól í sér, að mál þetta yrði tekið upp á héraðsfundum, og því var það á dagskrá síðasta pró-
fastafundar. Þar kom fram, að stjórn kirkjugarða innir af hendi útfararkostnað á sumum stöðum, eink-
um í þéttbýli, en þó í misjafnlega ríkum mæli. Einnig var bent á að kirkjugarðar hafa fjárhagslega ólíka
aðstöðu, sumir eru tekjuháir, aðrir með litlar tekjur. Víða koma sjóðir kirkjugarða kirkjunum til
hjálpar, þar sem kirkjugjöldin hrökkva ekki til viðhalds eða framkvæmda við kirkjubyggingar. Sú að-
stoð kirkjugarðssjóða var talin eðlileg. Prófastar voru sammála um efni tillögunnar. Skildur fjárhagur
var talinn æskilegur milli kirkju og kirkjugarðs, og að í því efni væri þörf breytinga á lögunum. Einnig
kom fram tillaga um jöfnunarsjóð kirkjugarða.
30. mál. Um ritun sögu Skálholtsstaðar.
Hér er eitt af þeim verkefnum, er hafa þarf í huga við undirbúning 1000 ára afmælis kristnitökunnar
árið 2000. Þegar undirbúningur þeirra merku tímamóta hefst hlýtur ritun á sögu kirkjunnar og þar með
fornu biskupsstólanna að vera með því fyrsta, sem tekið er á dagskrá.
31. mál. Endurskoðun á lögum um skipan prestakalla og prófastsdæma með hliðsjón af landfræðilegum
og félagslegum aðstæðum.
Ljóst er að þessi lög þurfa endurskoðunar við, en fyrst þarf að fara fram ítarleg athugun, hvar breyt-
inga er þörf. Með þá forvinnu í huga hefir Kirkjuráð farið þess á leit við kirkjumálaráðherra, að skipuð
verði nefnd til að gera könnun á þessu sviði.