Gerðir kirkjuþings - 1984, Qupperneq 19
11
32. mál. Um þá vá, sem íslensku þjóðinni er búin af eiturlyfjasmygli.
Áskorun þingsins um að vera á verði í þessu efni var send til samtaka farmanna í lofti og á legi, eins og
tillagan gerði ráð fyrir. Samtökin voru hvött til þess að taka öflugan þátt í allri viðleitni til varnar því, að
ungir sem eldri verði þeirri vá að bráð.
33., 34. og 35. mál. Tillögurnar fjölluðu allar um friðarmál.
Kirkjuþing afgreiddi tillögurnar sameiginlega með áskorun til íslendinga og allra þjóða um að vinna
að friði í heiminum, stöðvun vígbúnaðarkapphlaups og útrýmingu gjöreyðingavopna. Allmiklar um-
ræður urðu um þetta mál og kirkjuþing bar gæfu til að samþykkja tillöguna samhljóða og í anda þeirrar
ályktunar um friðarmálin, sem prestastefnan á Hólum í Hjaltadal 1982 lét frá sér fara. Tel ég mjög brýnt
að rödd kirkjunnar heyrist í þessu máli sem öðrum.
36. mál. Um heimild til að ráða tvo farpresta
Samþykkt var frumvarp til breytinga á 2. mgr. 6. gr. laga um skipan prestakalla og prófastsdæma.
Breytingin, er hlaut samþykki Alþingis er sú, að í staðinn fyrir einn farprest koma tveir. Frumvarpið
fékk greiðan gang á Alþingi ekki síst vegna þess að hér var í raun og veru aðeins verið að nýta stöðugildi
annars sóknarprests í Ofanleitisprestakalli í Vestmannaeyjum, sem söfnuðurinn þar hafði óskað að
leggja niður, en yrði þó nýttur á annan hátt. Séra Guðmundur Örn Ragnarsson sóknarprestur á
Raufarhöfn var ráðinn í þetta nýja farprestsembætti.
37. mál. Að 400 ára afmæli Guðbrandsbiblíu verði þjóðinni hvatning til þess að auka útbreiðslu og
lestur Biblíunnar
Fullyrða má, að Biblíuárið hafi gefið hinni helgu bók byrsæld og brautargengi í augum margra íslend-
inga. Tímamótanna hefir verið minnst með mörgu móti, bæði af kirkjunnar hálfu og félagasamtaka inn-
an hennar og annarra trúfélaga. Stjórn Hins íslenska Biblíufélags skipulagði margt af því, sem fram hef-
ir farið í útbreiðslu og boðunarstarfi á Biblíuárinu. Þótt árið líði í aldanna skaut er tillaga þessi áfram í
fullu gildi. Boðun orðsins er vissulega kjarni hvers máls, sem við flytjum.
38. mál. Um sóknargjöld
Frumvarp kirkjuþings 1982 um sóknargjöld var lagt fram á síðasta Alþingi, en fékk eigi afgreiðslu.
Það hefir að nýju verið lagt fram á því Alþingi, sem nú situr. Vonir standa til að frumvarpið komi til
umræðu hið fyrsta og verði að lögum. Til þess að tryggja framgang málsins fór kirkjumálaráðherra
fram á að tekið yrði úr frumvarpinu ákvæðið um, að leggja mætti á þrefalt sóknargjald vegna kirkju-
bygginga, (III. kafli 6. gr.) Ástæðan var afstaða ríkisstjórnarinnar um að hækka ekki skatta eða álögur
á almenning. - Rétt þótti að verða við þessum tilmælum, einkanlega þar sem í kirkjubyggingafrumvarp-
inu er ákvæði um mikinn fjárstuðning við byggingu kirkna, - eins og áður er getið. Það er stórmál fyrir
kirkjuna að frumvarpið um sóknargjöld verði að lögum.
39. mál. Yfirlýsing um stuðning við störf Umferðarráðs á norrænu umferðarári að vinna að
fyrirbyggingu slysa í umferðinni
Tímabær ályktun og í ævarandi gildi - líkt og markmið Biblíuársins.
40 mál. Um nefndaskipan og nefndastörf.
Kirkjuþing 1982 kaus 3ja manna nefnd, séra Braga Friðriksson prófast, séra Halldór Gunnarsson
og séra Jón Bjarman, til þess að gera könnun á allri nefndaskipan og nefndastarfi kirkjunnar, að gera til-
lögur og samræmingu á skipulagi nefndanna og gera tillögur um almenna skipan starfshátta kirkjunnar.
Nefndin skilaði umfangsmikilli skýrslu og greinargerð um þetta mál, er birt var í Gerðum kirkjuþings í
fyrra og er skýrslan um leið gott heimildarrit um nefndir innan kirkjunnar. Skýrslunni fylgdi viðamikil
gagnasöfnun um nefndastörf til margra ára. Kirkjuráð ræddi þessi mál og á fundi þess í ársbyrjun var
skipuð nefnd 3ja manna til þess að yfirfara álitsgerðina um starfsskipulag kirkjunnar. Skipaðir voru séra
Magnús Guðjónsson, biskupsritari, séra Halldór Gunnarsson og Guðmundur Einarsson framkvæmda-
stjóri. Nefndin hefir skilað áliti sínu, sem nú er lagt fyrir kirkjuþing. Ég tel að sú könnun, sem hér hefir