Gerðir kirkjuþings - 1984, Qupperneq 37
29
1984
15. Kirkjuþing
2. mál
Frumvarp
til laga um starfsmenn Þjóðkirkju Islands.
Flutt af Kirkjuráði.
Frsm. herra Pétur Sigurgeirsson, biskup
sr. Jónas Gíslason, dósent.
I. kafli
Um presta
1. gr.
Kirkjumálaráðherra skipar sóknarpresta í embætti, nema annan veg sé mælt í lögum.
Biskup gerir tillögur til kirkjumálaráðherra um skipun eða setningu í embætti.
2. gr.
Almenn skilyrði til skipunar eða setningar í embætti sóknarprests eru þessi:
1. 25 ára aldur. Kirkjumálaráðherra getur þó að tillögu biskups veitt undanþágu frá því ákvæði.
2. Embættispróf frá guðfræðideild Háskóla íslands eða frá viðurkenndri guðfræðideild eða guðfræðiskóla, og skal biskup um
hið síðarnefnda atriði leita umsagnar guðfræðideildar Háskóla íslands.
3. Áður en kandidat hlýtur vígslu skal hann hafa starfað með sóknarpresti eigi skemur en 3 mánuði undir eftirliti prófasts. Um
framkvæmd og eftirlit þessa skal nánar kveðið á í reglugerð. Að öðru leyti fer um nám í kennimannlegri guðfræði svo sem
segir í reglugerð um nám í Háskóla íslands.
4. Aðili hafi ekki gerst sekur um athæfi, sem ætla má að rýri álit hans og sé ósamboðið manni i prestsstarfi. Ágreiningi þar um
má skjóta til kirkjudóms. Um uppreisn æru fer samkvæmt gildandi lögum.
5. Að öðru leyti verður maður að fullnægja almennum skilyrðum 3. gr. laga nr. 38/1954 um skyldur og réttindi starfsmanna
ríkisins.
3. gr.
Sóknarprestar og aðrir starfsmenn þjóðkirkjunnar, sem lög þessi taka til, eru opinberir starfsmenn og njóta lögkjara og bera
skyldur samkvæmt því, sbr. lög nr. 38/1954.
4. gr.
Skylt er sóknarpresti að taka við embætti sínu jafnskjótt og föng eru á, eftir að hann hefur hlotið setningu eða skipun. Ráð-
herra getur þó, samkvæmt tillögu biskups, veitt presti frest til næstu fardaga til að taka við embættinu, sbr. tilskipun frá 6. jan.
1847.
5. gr.
Kirkjumálaráðherra skal láta byggja og halda við prestssetrum og hlutast til um, að fé fáist til þess á fjárlögum, sbr. lög nr.
63/1970 um skipan opinberra framkvæmda. Ráðherra felur sérfróðum mönnum, þegar eftir að lög þessi taka gildi, að vinna í
samstarfi við biskup og fulltrúa Prestafélags íslands að samningu samfelldrar áætlunar um byggingu og viðhald prestssetra
næstu tiu ár.
6. gr.
Sóknarprestar skulu hafa prestssetur til umráða. Óheimilt er, að ráðstafa með kaupum, sölu, leigu eða með öðrum hætti rétt-
indum og eignum prestssetra (beneficia), nema til komi samþykki biskups, að fenginni umsögn viðkomandi prófasts, héraðs-
fundar og sóknarnefnda í hlutaðeigandi prestakalli, og skal þá ennfremur liggja fyrir samþykki sóknarprests þess, er veitingu
hefur fyrir viðkomandi brauði. Eigi má ráðstafa prestssetrum (beneficia), gögnum þeirra og gæðum, er óveitt standa, með öðr-
um hætti en þeim, er greinir í tilskipun frá 24. júlí 1789.
7. gr.
Prestur, sem veitingu hefur fyrir brauði, hefur óskoraðan rétt til prestsseturs þess, sem því fylgir, með öllum gögnum þess og
gæðum svo sem landsvenja er til. En vegna prestssetursjarðarinnar skal honum reiknað tillegg þess er hann bætir, en álag þess
er úr sér gengur, og skal kirkjustjórnin ábyrgjast, að fjármunir þessir nýtist prestssetrinu. Allar framkvæmdir á prestssetrinu