Gerðir kirkjuþings - 1984, Blaðsíða 41

33
Eignir og sjóðir, sem bundnir eru ákveðnu biskupsdæmi, heyra undir biskup þess, en Biskupsstofa í Reykjavík annast vörslu
og reikningshald annarra eigna og sjóða. Kirkjuþing ráðstafar fé úr sjóðum þessum og kveður á um ráðstafanir kirkjueigna
þeirra, sem hér um ræðir, enda mæli lög, skipulagsskrár og aðrir löggerningar því eigi í gegn.
Kirkjuráð telur 5. gr. í frumvarpi til laga um biskupa og biskupsdæmi íslensku þjóðkirkjunnar á kirkjuþingi 1978 skýrari og
vísar því 41. gr. til kirkjuþings.
5. gr. 1978. Biskupsstofa skal vera í Reykjavík. Þar hafa kirkjuþing og Kirkjuráð einnig aðsetur. Biskupsstofa annast afgreiðslu
sameiginlegra mála kirkjunnar, einnig mál kirkjuþings og Kirkjuráða svo og sérmála Reykjavíkurbiskupsdæmis. Skálhoits- og
Hólabiskupum er heimilt að ráða sér fulltrúa. Biskup hefur forræði á dómkirkju biskupsdæmis síns og ber ábyrgð á helgihaldi í
henni.
Eignir og sjóðir, sem bundnir eru ákveðnu biskupsdæmi, heyra undir biskup þess, en Biskupsstofa annast vörslu og reiknings-
hald annarra eigna. Kirkjuþing ræður kirkjueignum þeim, sem hér um ræðir, enda mæli lög, skipulagsskrár og aðrir löggern-
ingar þvi eigi í gegn.
42. gr.
Þegar biskup vígir kirkju, setur hann henni máldaga, þar sem lýst er kirkjunni og getið gripa hennar, eigna og réttinda. Þar
skal þess og getið, hversu mikilli þjónustu kirkjan á rétt á árlega, svo og hver sóknarmörk eru. Kirkjumáldaga skal rita í sér-
staka bók, kirkjubók, sem í verði færðar allar athafnir, sem framkvæmdar eru í kirkjunni. Verði ágreiningur um fornar eignir
og réttindi kirkna, skulu eftirtaldar skrár taldar áreiðanlegar og löggildar kirkjuskrár og máldagabækur:
1. Vilchins biskups frá 1397.
2. Auðunar biskups frá 1318.
3. Jóns biskups Eiríkssonar frá 1360.
4. Péturs biskups Þorsteinssonar frá 1394.
5. Ólafs biskups Rögnvaldssonar frá 1461 og síðar.
6. Sigurðarregistur frá um 1525 og síðar.
7. Gísla biskups Jónssonar frá um 1570.
43. gr.
Biskupar skulu vandlega gæta þess, að eigi veljist aðrir til prestsþjónustu í þjóðkirkjunni, en þeir, sem til þess eru hæfir að
framkvæma prestlegt embætti og annast sálgæslu sóknarbama sinna. Er engum óvígðum guðfræðingi heimilt að sækja um
prestsstarf i þjónustu kirkjunnar, nema hann hafi áður fengið vottorð biskups um, að hann fullnægi þeim kröfum, sem gjörðar
eru til prestsvígslu. Nú synjar biskup um slíkt vottorð, og er þá þeim, sem synjað er, rétt að leita úrskurðar kirkjudóms.
44. gr.
Biskup íslands situr í forsæti á kirkjuþingi auk þess sem hann er oddviti Kirkjuráðs. Biskupar eiga allir sæti á kirkjuþingi og í
Kirkjuráði.
Kirkjuráð visar 44. gr. til kirkjuþings.
45. gr.
Biskup íslands boðar prestastefnu og leikmannastefnu annaðhvert ár.
Á prestastefnu hafa atkvæðisrétt allir starfandi þjóðkirkjuprestar og fastir kennarar guðfræðideildar Háskóla íslands með
guðfræðimenntun. Aðrir prestar og guðfræðingar eiga rétt til fundarsetu með málfrelsi og tillögurétti. Á leikmannastefnu eiga
sæti, einn fulltrúi frá hverju prófastsdæmi, kjörinn af leikmönnum á héraðsfundi, og einn fuiltrúi fyrir hver landssamtök kristi-
legra félaga, sem starfa á kenningargrundvelli þjóðkirkjunnar.
46. gr.
Biskup íslands boðar biskupafund eigi sjaldnar en einu sinni á ári. Biskupafundur getur lagt mál fyrir kirkjuþing.
47. gr.
Biskupum séu lagðir til embættisbústaðir.
48. gr.
Við visitasíur skal biskup kynna sér kirkjulegt og kristilegt starf í sóknunum, sambúð prests og sóknarfólks, ásigkomulag
kirkju og prestsseturs og annað það, er varðar hag sóknar og prests. Skal hann gjöra tillögur til úrbóta, þar sem þurfa þykir.
Sóknarpresti og sóknamefnd er skylt að koma til vísitasíu biskups og vera honum til aðstoðar og láta honum í té þær upplýsing-
ar, sem leitað er eftir. Þeir skulu undirrita vísitasiugjörðina ásamt biskupi, en heimilt er þeim að láta bóka þar ágreining, ef um
slíkt er að ræða. Þyki biskupi í einhverju áfátt um búnað kirkju eða viðhald hennar, störf sóknamefndar, framkomu prests og
embættisstörf eða það, hvernig hann situr staðinn, skal hann vanda um við hlutaðeigendur. Ennfremur getur hann í visitasíu
bókað ákveðnar kröfur sínar í þessum efnum. Prófastur skal fylgja biskupi á vísitasíum og hlutast til um, að ákvörðunum vísi-
tasíu sé fylgt eftir.