Gerðir kirkjuþings - 1984, Blaðsíða 49
41
íslands hefur samráð og samstarf við hina biskupana um ákvörðun mála og getur falið þeim að koma
fram fyrir hönd kirkjunnar.
Biskupar fara hver með sérmál biskupsdæmis síns. Biskup íslands sker úr vafaatriðum þar að lútandi.
Þeir vígja presta og kirkjur og hafa tilsjón með kristnihaldi hver í sínu biskupsdæmi, hafa yfirumsjón
með öllu kirkjulegu starfi þar og setja fram tillögur, umsagnir og álitsgjörðir um mál, er varða biskups-
dæmi þeirra sérstaklega. Þeir setja próföstum, prestum og sóknarnefndum erindisbréf. Þeir vísitera
kirkjur, presta og söfnuði biskupsdæmis síns eigi sjaldnar en á fimm ára fresti.
42. gr.
Biskupsstofa skal vera í Reykjavík. Þar hafa kirkjuþing og Kirkjuráð einnig aðsetur. Biskupsstofa
annast afgreiðslu sameiginlegra mála kirkjunnar, einnig mál kirkjuþings og Kirkjuráðs svo og sérmála
Reykjavíkurbiskupsdæmis. Skálholts- og Hólabiskupum er heimilt að ráða sér fulltrúa. Biskup hefur
forræði á dómkirkju biskupsdæmis síns og ber ábyrgð á helgihaldi í henni.
Eignir og sjóðir, sem bundnir eru ákveðnu biskupsdæmi, heyra undir biskup þess, en Biskupsstofa
annast vörslu og reikningshald annarra eigna. Kirkjuþing ræður kirkjueignum þeim, sem hér um ræðir,
enda mæli lög, skipulagsskrár og aðrir löggerningar því eigi í gegn.
43. gr.
Þegar biskup vígir kirkju, setur hann henni máldaga, þar sem lýst er kirkjunni og getið gripa hennar,
eigna og réttinda. Þar skal þess og getið, hversu mikilli þjónustu kirkjan á rétt á árlega, svo og hver
sóknarmörk eru. Kirkjumáldaga skal rita í sérstaka bók, er varðveitist við biskupsembættið. Þá leggur
biskup hverri kirkju til sérstaka bók, kirkjubók, sem í verði færðar allar athafnir, sem framkvæmdar
eru í kirkjunni. Verði ágreiningur um fornar eignir og réttindi kirkna, skulu eftirtaldar skrár taldar
áreiðanlegar og löggildar kirkjuskrár og máldagabækur:
1. Vilchins biskups frá 1397.
2. Auðunar biskups frá 1318.
3. Jóns biskups Eiríkssonar frá 1360.
4. Péturs biskups Þorsteinssonar frá 1394.
5. Ólafs biskups Rögnvaldssonar frá 1461 og síðar.
6. Sigurðarregistur frá um 1525 og síðar.
7. Gísla biskups Jónssonar frá um 1570.
44. gr.
Biskupar skulu vandlega gæta þess, að eigi veljist aðrir til prestsþjónustu í þjóðkirkjunni, en þeir, sem
til þess eru hæfir að framkvæma prestslegt embætti og annast sálgæslu sóknarbarna sinna. Er engum
óvígðum guðfræðingi heimilt að sækja um prestsstarf í þjónustu kirkjunnar, nema hann hafi áður feng-
ið vottorð biskups um, að hann fullnægi þeim kröfum, sem gjörðar eru til prestvígslu.
45. gr.
Biskup íslands situr í forsæti á kirkjuþingi auk þess sem hann er oddviti Kirkjuráðs. Biskupar eiga all-
ir sæti á kirkjuþingi með málfrelsi og tillögurétti.
46. gr.
Biskup íslands boðar prestastefnu og leikmannastefnu.
Á prestastefnu hafa atkvæðisrétt allir starfandi þjóðkirkjuprestar og fastir kennarar guðfræðideildar
Háskóla Islands með guðfræðimenntun. Aðrir prestar og guðfræðingar eiga rétt til fundarsetu með mál-
frelsi og tillögurétti. Á leikmannastefnu eiga sæti einn fulltrúi frá hverju prófastsdæmi en þó tveir frá
Reykjavíkurprófastsdæmi, kjörnir af leikmönnum á héraðsfundi, og einn fulltrúi fyrir hver
landssamtök kristilegra félaga, sem starfa á kenningargrundvelli þjóðkirkjunnar svo og kennarar Guð-
fræðideildar Háskóla íslands, sem ekki eru guðfræðingar.
Prestastefna og leikmannastefna geta lagt mál fyrir Kirkjuráð til flutnings á kirkjuþingi.