Gerðir kirkjuþings - 1984, Page 54

46
1984
15. Kirkjuþing
5. mál
Frumvarp
til laga um breytingu á lögum nr. 21/1963 um kirkjugarða
Flutt af Kirkjuráði
Frsm. Kristján Þorgeirsson
1. gr.
6. og 7. mgr. orðist þannig:
Eindagi kirkjugarðsgjalda er hinn sami sem á útsvörum. Er innheimtumönnum rikissjóðs í kaupstöðum og oddvitum eða
innheimtumönnum sveitarsjóða skylt að innheimta þau gegn 1% innheimtulaunum, ef kirkjugarðsstjórn óskar. Ella gerir hún
það sjálf gegn sömu þóknun.
Lögtaksréttur fylgir gjöldum þeim, sem mælt er fyrir um í lögum þessum. Skil á innheimtum kirkjugarðsgjöldum skulu gerð
eigi sjaldnar en ársfjórðungslega.
Lög þessi öðlast gildi 1. janúar 1985.
2.gr.
Greinargerð
í gildandi lögum um innheimtu kirkjugarðsgjalda er kveðið svo á, að innheimtumenn skuli hafa 6°7o
innheimtulaun. Lengi hefur fjárhaldsmönnum kirkjugarða þótt innheimtulaun þessi óhófleg. Hvergi er í
gildandi lögum öðrum svo há innheimtuprósenta nefnd sem hér, því verður ekki annað sagt en að hér
sé um óeðlilega há innheimtulaun að ræða. Því er þetta réttlætismál.
Um síðustu áramót fékk dómprófasturinn í Reykjavík því framgengt, að borgarstjórinn í Reykjavík og
fjármálaráðherra samþykktu, að Gjaldheimtan í Reykjavík tæki 1% innheimtuþóknun fyrir innheimtu
kirkjugarðsgjalda. Segja má, að þar hafi nokkur staðfesting fengist á, að l°7o þóknun sé eðlileg og að
eðlilegt sé að þessi innheimtuþóknun sé í nokkru samræmi við hliðstæðar innheimtur.
Þá er lagt til að skil á innheimtum gjöldum verði eigi sjaldnar en ársfjórðungslega, en á því vill verða
allnokkur misbrestur.
Málinu vísað til löggjafarnefndar er ákvað að vísa því til Kirkjuráðs til umfjöllunar og samninga við
innheimtumenn. (Frsm. sr. Jónas Gíslason).