Gerðir kirkjuþings - 1984, Síða 65
57
1984
15. Kirkjuþing
15. mál
Tillaga
til þingsályktunar um stuðning íslensku kirkjunnar við „Bænarskrá Vestfirðinga” til ríkis-
stjórnar íslands.
Flm. sr. Lárus Þorv. Guðmundsson.
Kirkjuþing haldið i Hallgrímskirkju 1984 lýsir stuðningi sínum við „Bænarskrá Vestfirðinga” til ríkisstjórnar íslands.
Greinargerð:
Bænarskráin er svohljóðandi:
„Samviska okkar, sem ritum nöfn okkar á þessa bænarskrá, neyðir okkur til að mótmæla framkomn-
um hugmyndum um byggingu ratsjárstöðvar á Vestfjörðum vegna þess m.a. að við erum þeirrar skoð-
unar, að þær auki á þá vígvæðingu þjóðanna, sem stefnir jarðarbyggð í geigvænlega hættu.
Við álítum að voðinn felist ekki einungis í beitingu vígbúnaðarins, heidur ali tilvist hans jafnframt á
tortryggni, ótta og hatri og við óttumst að fjárfestingar í umræddum stöðvum hér á landi kalli á fjár-
frekar mótframkvæmdir annars staðar. Slíka sjálfvirkni síaukins vigbúnaðar ber að stöðva, því verða
góðviljaðir menn nú að einsetja sér að snúa farnaði veraldar af þessari óheillabraut.
Við getum heldur ekki varið fyrir samvisku okkar, að frekara fjármagni verði varið til vígbúnaðar
meðan sultur og vannæringarsjúkdómar hrjá hálft mannkynið.
Jafnframt óttumst við að bygging þessarar umræddu stöðvar geri heimabyggð okkar að skotmarki í
hugsanlegum hernaðarátökum.
En hvað viðvíkur öryggi íslenskra loft- og sæfarenda, sem að hefur verið vikið í þessu sambandi, þá
teljum við að okkur beri sjálfum skylda til að tryggja það.
Við berum því fram þá bæn við ríkisstjórn íslands, að hún leyfi ekki uppsetningu umræddra ratsjár-
stöðva á Vestfjörðum eða annars staðar á landinu.
Að þessari bænarskrá standa menn, sem kosnir hafa verið af almenningi til hinna ýmsu trúnaðar-
starfa í félagsmálum og embættismenn ríkisins á Vestfjörðum. Undir hana hafa ritað nafn sitt m. a. for-
ystumenn verkalýðshreyfingarinnar á Vestfjörðum, læknar, skólastjórar, prestar, kennarar og forystu-
menn sveitarstjórna og félaga.
Bænarskrá þessi var afhent forsætisráðherra íslands 1. október s.l. Þeir sem að þessari bænarskrá
standa telja sig eiga bakhjarl í samþykkt Prestastefnu íslands á Hólum 1982 og þingsályktunartillögu,
sem prentuð er á bls. 101 í „Gjörðum kirkjuþings 1983.” í samþykkt þessari er lögð áhersla á stöðvun
vígbúnaðarkapphlaupsins og því beint til stjórnmálaflokkanna og ríkisstjórnarinnar að fylgja því eftir
innanlands og á alþjóðavettvangi. Þingið lýsti yfir samstöðu við þá, sem vinna að friði á grundvelli
kenninga Krists, og brýnir fyrir íslendingum að nýta frelsi sitt til að hvetja til afvopnunar og nýskipanar
efnahagsmála með jöfnun lífsgæða að markmiði.