Gerðir kirkjuþings - 1984, Blaðsíða 82

74
1984
15. Kirkjuþing
29. mál
Tillaga
til þingsályktunar um BIBLÍUNA og aukinn lestur hennar.
Flm. herra Pétur Sigurgeirsson, biskup
sr. Jónas Gíslason, Hermann Þorsteinsson
Frsm. Hermann Þorsteinsson
KIRKJUÞING 1984 fagnar mikilli útbreiðslu og víðtækri kynningu BIBLÍUNNAR, sem íslenska kirkjan og margir aðrir
aðilar hafa gengist fyrir á yfirstandandi Biblíuári í tilefni þess, að 400 ár eru liðin frá útkomu Guðbrandsbiblíu og 444 ár frá út-
komu Nýja testamentis Odds Gottskálkssonar.
KIRKJUÞING hvetur alla landsmenn til í vaxandi mæli, að gefa gaum hinu ritaða Orði Guðs og láta það í raun verða leiðar-
ljós í daglegu lífi.
Greinargerð
íslendingar syngja í sálmum sínum:
,,Þitt orð er, Guð, vort erfðafé,
þann arf vér bestan fengum...”
,,...Sé Guði lof, sem gaf mér þig,
þú gersemin hin dýrsta mín”
,,...Guðs orð fær sýnt og sannað,
hvað sé þér leyft eða bannað;
það skal þitt leiðarljós”
Á Biblíuárinu var gerð svofelld samþykkt:
„Aðalfundur Hins ísl. Biblíufélags haldinn 11. og 12. ágúst 1984 að Hólum í Hjaltadal fagnar því að
sameiginlegur biblíulestur hefur aukist í söfnuðum landsins. Hvetur Biblíufélagið til þess að allir söfnuð-
ir efli þennan þátt í starfi sínu.”
Á sama fundi var rætt um efnið: BIBLÍAN og fermingarbörnin. Þar voru menn einnig sammála um
,,að mikilvægt væri að fermingarbörnin fengju sjálf sína Biblíu í hendur og væri leiðbeint við notkun
hennar — sérstaklega á undirbúningstímanum fyrir ferminguna. ”
,,HVORT SKILUR ÞÚ ÞAÐ SEM ÞÚ ERT AÐ LESA? — HVERNIG ÆTTI ÉG AÐ GETA
ÞAÐ, EF ENGINN LEIÐBEINIR MÉR?” (Post. 8,30—31)
Það er kirkjunnar, og presta hennar sérstaklega, að leiðbeina, ekki síst hinum ungu.
Brautryðjendur ísl. Biblíuútgáfu voru mótaðir af þeirri hugsjón evangelískrar siðbótar, að gera menn
læsa á Heilaga ritningu sjálfa og handgengna henni.
Höldum því verki áfram og vinnum af alhug.
Vísað til allsherjarnefndar.
Sjá afgreiðslu 20. máls.