Gerðir kirkjuþings - 1984, Side 83

75
1984
15. Kirkjuþing
30. mál
Tillaga
til þingsályktunar um könnun á skráningu manna í trúfélög.
Flm. sr. Birgir Snæbjörnsson
Gunnlaugur P. Kristinsson
Kirkjuþing felur Kirkjuráði að hlutast til um að könnuð verði skráning manna í trúfélög, þar sem komið hefur í ljós að þjóð-
kirkjufólk hefur verið skráð í önnur trúfélög.
Greinargerð
Nokkuð bar á því í síðustu prestskosningu í Akureyrar- og Glerárprestaköllum að fólk sem bæði var
skírt og fermt í þjóðkirkjunni, hafði starfað þar og notið allrar kirkjulegrar þjónustu, var þar ekki á skrá
og hafði því ekki kosningarétt. Olli þetta furðu og miklum sárindum. Skýringar voru oft þær að faðir
eða móðir, afi eða amma voru í öðrum trúfélögum. Þrátt fyrir tilkynningar frá þjóðkirkjuprestum um
skírn og fermingu viðkomandi hafði engu verið breytt í þjóðskrá.
Vísað til allsherjarnefndar, er leggur til eftirfarandi samþykkt tillögunnar. (Frsm. sr. Lárus Þorvaldur
Guðmundsson)
Kirkjuþing 1984 ályktar að fela Kirkjuráði að taka til athugunar og endurskoðunar þau ákvæði laga
um trúfélög er snerta skráningu skírðra í trúfélög.
Endurskoðunin miði að því, að auðvelda fólki að fylgjast með því hvar í trúfélagi það er skráð.
Samþykkt samhljóða.