Gerðir kirkjuþings - 1984, Side 96

88
Heilagt orð segir: ,,Halt þér fast við Drottin, og slepp honum eigi, svo að þú vaxir að visku um síðir.
Jesús bað fyrir lærisveinum sínum: ,,Allir séu þeir eitt, eins og þú faðir ert eitt í mér, til þess að heimur-
inn trúi að þú hafir sent mig.”
Eg var minntur á þetta í Vancouver á þingi Alkirkjuráðsins, þegar hin mikla fjölbreytni kynþátta og
kirkjudeilda var saman komin.
Og það var sérstaklega þegar allir lásu saman þetta í Nikeujátningunni í samfundatjaldinu: ,,Hann
mun koma aftur í dýrð, — mér fannst hann þá þegar kominn, og þá á hann líka eftir að birtast endan-
lega í þeirri dýrð, að allur heimurinn votti. Og nú bið ég þess, að Drottinn megi varðveita inngöngu
okkar og útgöngu héðan í frá og að eilífu.