Gerðir kirkjuþings - 1997, Side 35

1997
AUKA-KIRKJUÞING
1. mál
fót sérstök nefncL úrskurðamefnd, sem fjalli um mál af þessu tagi. Greinin skýrir sig
að öðru leyti sjálf.
Um 12. gr.
Ákvæði þetta er nýmæli. Hér er lagt til að niðurstöðu úrskurðamefndar skv.
11. gr. megi skjóta til áfrýjunamefndar með þeim hætti sem nánar er lýst í ákvæðinu.
Mikilvægt er að kveðið sé á um nokkur meginatriði íslensks stjómsýsluréttar í
ákvæðinu en jafnframt lagt til að kirkjuþing setji nánari ákvæði í starfsreglur, sbr. 60.
gr. frumvarpsins.
Um 13. gr.
Ákvæði þetta er nýmæli. Hér er lagt til að sett verði á fót kenningamefnd sem
fjalli um kenningarleg málefni. Hlutverk hennar verður að fjalla um kenningarleg
málefni og fella úrskurði í kenningarlegum atriðum ef þörf krefur.
Um 14. gr.
Greinin er efnislega samhljóða 41. gr. laga nr. 62/1990, að öðm leyti en því að
ráðherra er bundinn af því að kveðja til í forföllum biskups þann vígslubiskup sem
eldri er að biskupsvígslu.
Um 15. - 17. gr.
Greinamar samsvara að mestu ákvæðum VII. kafla laga nr. 62/1990. í 3. mgr.
17. gr. er gert ráð fýrir því að kirkjuþing geti ákveðið aðra skipan
vígslubiskupsumdæma, samþykki tvö kirkjuþing slíka tillögu óbreytta. Til að taka af
öll tvímæli skal tekið fram að slík tillaga öðlast því aðeins gildi að hún hafi verið
samþykkt á óbreytt á tveimur þingum, með kirkjuþingskosningum á milli.
Um 18. gr.
Ákvæði þetta er nýmæli. Mikilvægt er að komið sé á samstarfsgrundvelli milli
biskups Islands og vígslubiskupanna, svo sem hér er lagt til.
Um 19. gr.
Um meginhugmyndir þær, sem liggja að baki ákvæði þessarar greinar, vísast
til þess sem fram kom í hinum almenna hluta þessarar greinargerðar. Lögð er áhersla á
að marka kirkjuþingi stöðu sem æðsta stjómvaldi innan íslensku þjóðkirkjunnar og
valdsvið þess aukið ffá því sem nú er. Kirkjuþingi er þó eigi ætlað alræðisvald, sbr.
m.a. það ákvæði greinarinnar, að prestastefna skuli fjalla um reglur er varða
kirkjulegar athafnir er hafa trúarlegt gildi áður en þær verði samþykktar á kirkjuþingi.
Um 20. gr.
Hér er um nokkrar breytingar að ræða ffá því sem nú er. Meginbreytingin felst
í því að fulltrúar leikmanna em fleiri en fulltrúar presta. Leikmenn em tólf og prestar
9, samtals 21 fulltrúi.
í ffumvarpi þessu er gert ráð fýrir því að Biskup íslands, vígslubiskupar,
kirkjuráðsmenn, kennara guðffæðideildar og kirkjumálaráðherra eigi seturétt á
kirkjuþingi og hafi jafnffamt málffelsi og tillögurétt, en atkvæðisrétt hafi þeir eigi. Er
hér um að ræða breytingu ffá fyrri skipan. Þá er gert ráð fýrir því að kirkjuþing kjósi
þingforseta úr sínum röðum.
29