Dagblaðið Vísir - DV - 12.11.2007, Blaðsíða 9
DV Umræöa
MÁNUDAGUR 12. NÓVEMBER 2007 9
ÚTGÁFUFÉLAG: Dagblaðið-Vísir útgáfufélag ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Elín Ragnarsdóttir
RITSTJÓRAR:
ReynirTraustason og Sigurjón M. Egilsson ábm.
FULLTRÚI RITSTJÓRA: Janus Sigurjónsson
FRÉTTASTJÓRI: Brynjólfur Þór Guðmundsson
AUGLÝSINGASTJÓRI: Ásmundur Helgason
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
öll viötöl blaðsins eru hljóðrituð.
AÐALNÚMER 512 7000, RITSTJÓRN 512 7010,
ÁSKRIFTARSlMI 512 7080, AUGLÝSINGAR 512 7040.
SWÐKOKX
■ Mikið líf er í menningar-
málum í Árneshreppi þar
sem Elín Agla Briem er
skólastjóri á Finnbogastöð-
um. Hún og maður hennar,
Hrafn Jökulsson, halda uppi
öflugum netfréttum þar sem
fréttir eru vinklaðar með
sérstæðum hætti. Þar er
meðal annars sagt frá því að
enga fressketti er að finna
í Árneshreppi samkvæmt
niðurstöðum rannsókn-
ar tveggja stúlkna. Á dv.is
var fréttin sögð undir fyrir-
sögninni „Skírlífar læður á
Ströndum".
■ Fréttablaðið með þá Jón
Kaldal og Þorstein Pálsson
á ritstjórastólum má fara að
vara sig í
samkepn-
inni við
24 stund-
ir sem er á
hraðri sigl-
ingu upp á
við og um
það bil að
éta Mogg-
ann upp til agna. Ritstjórn 24
er ekki með eins mikla yfir-
byggingu og Fréttablaðið sem
er hrjáð af innanfitu þar sem
hver silkihúfan trónir upp af
annarri og færri eru á gólfinu
en í brúnni.
■ Sálfræðingurinn skeleggi
Hafrún ICristjánsdóttir
stendur ekki síður dyggan
vörð um athafnafrelsi
einstaklinganna en stóri
bróðir hennar, alþingis-
maðurinn
Sigurður
Kári
Kristjáns-
son. Á
meðan
stóri bróðir
berst á
Alþingi fyrir
greiðara
aðgengi fólks að áfengi sendir
Hafrún nýjum meirihluta
í borgarstjórn Reykjavíkur
tóninn í pistli í nýjasta hefti
Mannlífs. Ástæðan er að
meirihlutinn hefur nýlega
komið í veg fyrir að Hafrún og
hver annar sem kærir sig um
geti drýgt tekjur sínar með því
að fækka fötum í súludansi.
„Það mun því ekki nokkur
sála lauma 500 króna seðli í
g-strenginn minn á meðan
Dagur, Svandís og Sóley
Tómasar eru við stjórn," segir
Hafrún í Mannlífi.
■ Útvarpsmaðurinn Hall-
grímur Thorsteinsson sem
vann sér hylli í árdaga á
Bylgjunni fór þaðan á Sögu
en það-
an á NFS
áður en
leið hans
lá á Eyjuna
til Péturs
Gunnars-
sonar. Nú
er hann
enn að
söðla um
og að þessu sinni liggur leið
hans á RÚV þar sem hann
mun stýra þættinum í viku-
lokin. Það má því segja að
hann hafi lokað hringnum.
Kyndarar
LEIÐARI
SIGURJÓN M. EGILSS0N RITSTJORISKRIFAR.
Davíð Oddsson, formælandi Seðlabankans, á það
sameiginlegt með Árna M. Mathiesen fjármála-
ráðherra og Geir H. Haarde efnahagsmálaráðherra
að kynda undir verðbólgubálinu. Allir hafa þeir
tök á að draga úr verðbólgunni, en nota samt
tækifærið til að kynda undir henni. Halda
má að það sé eindreginn vilji þeirra að hafa
verðbólgu. Þar með aukast skuldir borgaranna
óheyrilega, dag eftir dag.
Seðlabankinn hækkaði stýrivexti. Helstu
áhrifin eru þau að vextir hækka á aðeins um
tíunda hluta útlána bankanna og vextir í
vöruskiptum milli framleiðenda og innflytjenda og þeirra sem
eiga viðskipti við þá hækka. Þar með hækkar vöruverð í landinu.
Varan kostar meira og hefur þar með áhrif til hækkunar á
verðbólgu og skuldaáþján fólks eykst. Þannig er Seðlabankinn
búinn að ná góðu gripi á eigin rófu og neitar að sleppa. Það
væri í lagi ef vitleysan hefði ekki eins vond áhrif á fólk og raun
er. Fjármálaráðherra sýnir engan vilja til að draga úr álögum
ríkisins á olíu þrátt fyrir að verð á heimsmarkaði hækld og
hækki. Álögurnar eru sennilega hvergi meiri en hér á landi.
Fastatök fjármálaráðherra á bensínsköttum auka verðbólguna.
Vísitalan hækkar, lánin hækka, afborganir aukast, fólk sligast
Kyndararnir keppast vid og bdlid vex.
undan en á sama tíma er ríkissjóður við það að springa undan
peningum. Það flóir út úr. Kyndararnir nota allir hvert tækifæri
til að benda hver á annan.
Ef farið væri að ráði flestra þjóða og húsnæðiskostnaður væri
ekki reiknaður í vísitöluna væri hér viðráðanleg
verðbólga. Svo ekki sé talað um ef orkuverðið
væri utan vísitölu, eins og þekkist annars staðar.
Þá væri hér lítil verðbólga. En svo er ekki.
Kyndararnir keppast við og bálið vex. Hvernig má
það vera að þjóðinni sé boðið upp á þessi ósköp
ár eftir ár? Það er sama hvað Seðiabankinn gerir,
aðrir gagnrýna hann og spara sig hvergi. Þegar
formælandi bankans talar setur hann út á allt og alla. Það er
ætlast til þess af þeim sem stjórna peningamálum þjóðarinnar
að þeir vinni saman og leysi þann vanda sem hér er. Sem
virðist að mestu heimatilbúinn þar sem helstu gerendur tala í
austur og vestur og haga sér samkvæmt því. Með stórkostlegum
afleiðingum fyrir þjóðina. Með háttalagi sínu sjá kyndararnir til
þess að vöruverð hækkar, greiðslubyrði eykst, lán fólks hækka
og hækka og allur ávinningur af kjarabótum brennur upp.
Það er mál að linni. Getí þeir eldd, sem hafa fengið verkefnið,
lagað það sem þeir hafa skemmt verða aðrir að taka við. Önnur
leið er ekki fær.
DAVIÐISV0RTUL0FTUM
Innan Sjálfstæðisflokksins ríkir
eindrægni og samhugur sem
aldrei fyrr. í gegnum erfiða
tíma hafa flokksmenn þjappað sér
saman um leiðtoga sinn Geir H.
Haarde og allir leggjast á eitt um að
ná sátt við umhverfi sem er mótað
af hamförum undanfarinna vikna.
Svarthöfði þekkir vel til innviða
Sjálfstæðisflokksins sem óbreyttur
liðsmaður með þó þeirri upphefð
að hafa eitt sinn náð kjöri í ftilltrúa-
ráð flokksins.
Aróðursmenn á borð við Guð-
mund Ólafsson hagfræðing
halda því ff am að flokkur
Svarthöfða sé klofinn og sá sem
leiðir uppreisnarmenn sé Davíð
Oddsson, seðlabankastjóri í Svörtu-
loftum. Guðmundur
hefur grunsam-
lega lítið vit á
efnahags-
málum og
hann benti
á það í Silfri
Egils í gær að
verðbólgan væri
eng- inn draugur eins
og Davíð heldur fram. Hann
segir að hækkun stýrivaxta
sem skellur á almenningi
af fullum þunga sé einung-
is gerð til að koma höggi á
Geir Haarde forsætisráðherra
og Árna Mathiesen fjármála-
ráðherra. Davíð í Svörtuloftum noti
þannig stýrivexti sem tæki til að
pönkast á valdaklíku Sjálfstæðis-
flokksins. Þetta er auðvitað fráleitt
því í Sjálfstæðisflokknum ríkir ein-
ing og það er illgirnislegur áróð-
ur að halda öðru fram. Þótt Davíð
Oddsson geri opinberlega gys að
ríkisstjórninni er það aðeins arfur
frá þeim tíma að hann starfaði sem
grínisti og alls ekki illa meint. Hver
man ekki brandarann um Berm-
údaskálina?
Sumir halda því
fram að Björn
Bjarnason dóms-
málaráðherra hræri í
pottunum til að valda
ólgu í flokknum og noti
lærisvein sinn Gísla
Martein Baldursson til
að kynda eldana. Og því er
staðfastlega haldið fram að arm-
ur ráðherrans og Davíðs í Svörtu-
loftum hafi viljað henda Fram-
sóknarflokknum út úr borgarstjórn
og ganga til liðs við vinstri græna.
Þetta er auðvitað hrein firra því allir
vita að Björn dómsmálaráðherra
er sérstakur aðdáandi Framsókn-
arflokksins og sérstaklega Björns
Inga Hrafnssonar, leiðtoga í borg-
arstjórn. Sami armur er sagður hafa
viljað stofna til ríkisstjórnar
með vinstri grænum. Aft-
ur kemur að þversögn því
Björn og Ingibjörg Sólrún
Gísladóttir, leiðtogi Sam-
fylkingar, eru einstaklega
náin í pólitískum skilningi.
Svarthöfði íhugar að boða
til morgunverðarfundar í
Valhöll og ræða þar þessa
stöðu sem upp er komin þar sem
heilsteyptur flokkur er borinn
þeim óhróðri að vera klofinn.
Vandinn er nefnilega sá að ekkert
er að í flokknum en málefnaþurrð
andstæðinganna er slík að þeir
halda úti grófu klofningstali. Meira
að segja hefur því verið haldið
fram að Sjálfstæðisflokknum
hafi verið fleygt út úr meirihluta
borgarstjórnar. Þetta er auðvitað
alrangt. Borgarstjórnarflokkurinn
var einfaldlega orðinn
þreyttur á því að stjórna
og tók þá ákvörðun að
axla lýðræðislega ábyrgð
með því að setjast í
minnihluta. Og það voru
aldrei send nein SMS þar
sem stóð „Til í allt, án Villa".
Ef einhver trúir öðru ber
hann einfaldlega ekkert skynbragð
á pólitík. Loks má nefna að Davíð
Oddsson var ráðinn faglega til að
gegna stöðu seðlabankastjóra. Sá
sem heldur öðru fram er fífl.
SVARTHÖFÐI
DÓMSTÓLL GÖTUNIVAR
EIGA AFNOTAGIÖLD RÚV RÉTT A SÉR?
„Nei, mér finnst að það ætti að afnema
þau. Mér finnst þau ósanngjörn
gagnvart neytendum og það ætti
frekar að rukka þau sem hluta af
almennum skatti."
Hildur Hinriksdóttir, 36 ára,
hönnuður
„Já, mér finnst það alveg tvímælalaust.
Það mætti jafnvel hækka þau til að fá
betra innlent efni."
Steinunn Pálsdóttir, 62 ára,
kennari
„Nei, af því að fólk á að geta haft val.
Sumir vilja bara sjá Stöð 2 en ekki Stöð
1. Fólk á að geta valið um það en ekki
borga fyrir það sem það vill ekki."
Fannar Eyfjörð, 49 ára, leigubíl-
stjóri
„Já, mér finnst það. Ég hlusta og horfi á
RÚV og mér finnst alveg sjálfsagt að
borga fyrir það. Maður borgar hvort
sem er alltaf fyrir það á endanum."
Hreinn Óskarsson, 36 ára,
skógarvörður