Dagblaðið Vísir - DV - 21.11.2007, Blaðsíða 15
PV Sport
MIÐVIKUDAGUR 21. NÓVEMBER 2007 15
KRTAPAÐI FYRIR TYRKNESKA LIÐINU BANVIT 79-96
DONNELL HARVEY SETTI UPP SÝNINGU í SÍÐARI HÁLFLEIK FYRIR BANVIT. BLS. 18
/Jpl m 1 \ X mmSZÍMW*m . * W
A* - 3 * Æk,
Birgir Leifur Hafþórsson komst á Evrópumótaröðina í golfi eftir úrtökumót á Spáni:
ÁKVAÐ AÐ KLÁRA ÞETTA MEÐ STÆL
„Þetta var afar ljúft. Það er eng-
in spurning. Það voru allar taugar
þandar. Þetta var bara spurning
um að taka ákvörðun og negla á
þetta í lokin. Ég hugsaði með sjálf-
um mér að ég væri búinn að æfa
vel og hefði engu að tapa," sagði
Birgir Leifur Hafþórsson að loknu
úrtökumót Evrópumótaraðarinnar
sem fram hefur farið í San Roque á
Spáni undanfarna sex daga. Birgir
Leifur lék á pari í gær og var alls á
5 höggum undir pari. Undir lok-
in þurfti hann á fuglum að halda
og fékk tvo á síðustu þremur hol-
unum. Glæsilegur endasprettur
Birgis skilaði honum í 11. til 15.
sæti á mótinu. Birgir var að vonum
ánægður í mótslok.
„Það var brjálað veður í dag og
stutt í alls konar skor. Það má segja
að það hafi verið ekta Suðurnesja-
rok hérna. Ég spilaði mjög vel þrátt
fyrir rokið."
Birgir Leifur fékk skramba á 7.
holu, hvernig atvikaðist það? „Ég
sló í vatn og þrípúttaði svo og það
var ekki alveg besta tilfinningin.
En ég var ákveðinn eftir það og
hélt mínu striki. Ég var ánægður
með það hvernig mér tókst að ýta
þessari holu frá mér."
Birgir fékk skolla á 14. holu og
var þá samtals á þremur undir pari.
Þá var ekki víst hvort það myndi
duga honum áfram. Því þurfti
aukatak til þess að tryggja sætið á
Evrópumótaröðinni.
„Eg sá það á töflunni að ef ég
væri þremur undir í lokin væri ég
alveg á mörkunum með að kom-
ast áfram. Þá hugsaði ég með mér
að það þýddi ekkert annað en að
klára þetta með stæl og maður
þyrfti að ná í það minnsta einum
fugli. Ég fékk tvo og það var sterkt
sérstaklega þar sem mikill vind-
ur setti svip sinn á lokaholurnar
og menn voru að fá alls kyns skor
á þeim." Birgir hélt einbeitingunni
alveg fram að síðasta höggi. „18.
holan er mjög erfið og ég var mjög
einbeittur og staðráðinn í að klára
þetta með stæl. Það var mikill létt-
ir að koma í hús. Það sem eftir er
af degi notar maður í að slaka á og
fagna með sínum. Ég er afar sáttur
enda er þetta búin að vera gríðar-
lega erfið törn," segir Birgir Leifur
að lokum. vidar@dv.is
■’r'sJi
Leik lokið Birgir Leifur Hafþórsson náði
þeim frábæra árangri að komast inn á
Evrópumótaröðina í golfi öðru sinni.