Dagblaðið Vísir - DV - 30.04.2008, Blaðsíða 12
12 MIÐVIKUDAGUR 30. APRlL 2008
ÚTGÁFUFÉLAG: Dagblaðiö-Vísir útgáfufélag ehf.
STJÖRNARFORMAÐUR: Hreinn Loftsson
FRAMKVÆMDASTJÓRI: Elln Ragnarsdóttir
RITSTJÓRAR:
Jón Trausti Reynisson, Jontrausti@dv.is
og ReynirTraustason, rt@dv.is
FULLTRÚI RITSTJÓRA:
Janus Sigurjónsson, janus@dv.is
FRÉTTASTJÓRI:
Brynjólfur Þór Guðmundsson, bryn)olfur@dv.is
AUGLÝSINGASTJÓRI:
Ásmundur Helgason, asi@birtingur.is
DREIFINGARSTJÓRI:
Jóhannes Bachmann, joib@birtingur.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSlMI: 512 7080, AUGLÝSINGAR: 512 70 40.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaösins á stafrænu
formi og í gagnabönkum án endurgjalds.
öll viötöl blaðsins eru hljóðrituð.
SANDKOKM
■ Bæjarstjóratíð Gríins Atlason-
ar í Bolungarvík endaði heldur
skyndilega þegar A-listi Önnu
G. Edvards-
dóttur sleit
samstarfi
við K-listann
og stofnaði
nýjan meiri-
hluta með
Sjálfstæð-
isflokki. At-
hafnamað-
urinn Grímur er þó ekki af baki
dottinn. Nú er komin sú saga á
kreik að Grímur sé næsti sveit-
arstjóri Súðavíkur, en Grímur
hitti fráfarandi sveitarstjóra,
Ómar Má Jónsson, á skrifstofu
sinni á dögunum.
■ Samstarfsslitin í Bolungarvík
komu mjög á óvart, og nú segir
Orðið á götunni að sjálfstæðis-
menn í bænum hafi viljað gera
allt til að letja önnu G. Edvards-
dóttur frá samstarfi. Það má
rekja til illinda sem áttu rót sína
í því að Anna varð undir Elíasi
Jónatanssyni í prófkjörsbarátt-
unni 2006. í ferskri minningu
þeirra illinda munu sjálfstæð-
ismenn hafa ákveðið að leggja
fram óraunsæjar kröfur í við-
ræðunum við Önnu, sem Anna
gleypti allar, þeim að óvörum.
■ Lögregluneminn „Stefán" lýs-
ir árás bílstjórans Ágústs Fylk-
issonar á Kirkjusandi í samtali
við fréttavefinn Vísi. Þar kemur
fram að lögregluneminn var á
sinni síðustu
vakt í starfs-
námi hjá
lögreglunni
í Reykjavík,
þegarAg-
úst réðst á
hann upp úr
þurru með
hnefahöggi.
Hann er enn illa farinn, nef-
brotinn og stífúr í hálsi. En Ág-
úst mætti hins vegar á sam-
ráðsfund vörubílstjóra hjá
Smáralindinni í fyrrakvöld. Þar
höfðu aðrir bílstjórar á orði að
best væri að eyða ekki of mikilli
athygli í hann, því hann ætti
ekki einu sinni vörubíl og kæmi
bara alltaf.
■ Nú keppast menn við að lýsa
yfir áhuga sínum á aðild að Evr-
ópusambandinu. f gær bættist
í hópinn Jón Sigurðsson, fyrr-
verandi seðlabankastjóri og
formaður
Framsókn-
arflokksins.
Þetta vekur
athygli, ekki
síst í ljósi
þess að Jón
fann upp
hugtakið
„þjóðhyggja"
þegar hann
varð formaður Framsóknar-
flokksins um skeið. f því sam-
hengi varð Jóni tíðrætt um
þjóðfrelsi, sjálfstæðisbaráttuna
og slíkt. Þótt ekki hafi verið um
einangrunarstefnu að ræða var
talið að þjóðhyggjunni hefði
verið teflt fram gegn alþjóða-
hyggju Ilalldórs Ásgrímssonar.
Umræða DV j
r ’
LEIÐARI
th.wi
Grímur og smásálirnar
REYNIR TRAUSTASON RITSTJORI SKRIFAR
Smásálirnar í Bolungarvík hafa jlæmt í burtu vinsælan bæjarstjóra.
B;
:
æjarfulltrúar A-lista og
Sjálfstæðisflokks hafa sýnt
dómgreindarbrest af versta tagi
með því að flæma í burtu Grím
Atlason, vinsælan bæjarstjóra, og hrifsa
til sín stjórnartaumana í byggðarlaginu.
Bolungarvík befur átt undir högg að
sækja eins og mörg önnur byggðarlög á
landsbyggðinni. Barlómur hefúr gjarnan
einkennt málflutning forsvarsmanna og
fátt jákvætt hefúr heyrst frá sumum þessara
staða.Eftirsíðustusveitarstjórnarkosningar
kvað við nýjan tón þegar nýir forsvarsmenn
Bolvíkinga komu fram. Grímur Atlason, ný-
ráðinn bæjarstjóri, hafði uppi allt annan
málflutning en þeir kollegar hans sem
leggjast í vol og vfl til að betla málstað sínum
fylgi. Bjartsýni Gríms og festa í málflutningi
vakti athygli um ailt land. Og það er óhætt
að segja að bæjarstjóri Bolvfldnga hafi
komið byggðarlagi hans rækilega á kortið.
Þegar Grímur talaði frá Bolungarvík hlustaði þjóðin og dáðist
að þeirri bjartsýni og dug sem birtist í málflutningi hans. En
Grímur gerði sér ekki grein fyrir því að ekki
áttu allar hans skoðanir upp á pallborð
bæjarfulltrúa í Bolungarvík. Hann lét í ljósi
eindregna andstöðu við olíuhreinsistöð
á Vestfjörðum sem leiddi til þess að
smásáiir fóru á flug. Fulltrúi A-listans í
meirihluta bæjarstjórnar Bolungarvíkur
sleit samstarfi við K-lista og gekk til liðs við
Sjálfstæðisflokkinn sem sami bæjarfulltrúi
hafði áður úthúðað sem ósamstarfshæfum.
Fyrsta verk nýs meirililuta var að reka
Grím bæjarstjóra og þagga niður í röddinni
sem boðaði Vestfirðingum bjartsýni og
trú á eigin framúð. Engin haldbær skýring
hefur fengist á meirihlutaslitunum. Ekkert
í starfi bæjarstjórans hefur verið gagnrýnt.
Sama ruglið er í gangi í Bolungarvflc og í
Reykjavík þar sem kjörnir vesalingar kunna
ekki fótum sínum forráð. Smásálirnar í
Bolungarvík hafa flæmt í burtu vinsælan
bæjarstjóra. Þetta eru svik við bæjarbúa og
vont fyrir alla Vestfirðinga sem hafa misst öflugan talsmann en
fengið barlóm í staðinn.
GLYSOGGLERHJÚPUR
SVARTHÖFÐI
*
Ifréttum í gær mátti heyra af
komu fyrstu Kínverjanna af
hundrað, sem fengnir verða
til að byggja glerhjúp utan um
tónlistarhúsið í Reykjavík. Það
verður fyrir jól á næsta ári sem
tónlistarhúsið í allri sinni dýrð
verður tilbúið. Húsið verður eins
og ofvaxinn demantshringur
á krumpaðri hönd frökenar
Reykjavíkur, minning um trúlofun
okkar við góðærið sem aldrei
varð fullkomnað með giftingu.
Það verður án efa í stórbrotnu
samhengi við bárujárnsstílinn og 19.
aldar götumyndina sem nú nýtur
ofverndunar borgaryfirvalda.
Glerhjúpurinn utan um
tónlistarhúsið er listaverk,
hannað af Ólafi Elíassyni,
stolti íslenskrar nútímalistar.
Ákveðið var að leggja tvo milljarða
króna aðeins í þennan glæsilega
hjúp. Til að setja þá upphæð í
samhengi er vert að ryfja upp
háskólahúsnæðið Öskju, sem dr.
Maggi Jónsson hannaði. Styr stóð
um byggingu þess húss og ekki
síst kostnaðinn, sem var á þriðja
milljarð króna, eða nokkru meira en
glerhjúpurinn einn og sér.
Glysgirni Islendinga stórjókst
í lánagóðærinu ffá 2004
til 2008. Það sást á fjölgun
svartra Range Rover jeppa, á öllum
heimilistækjunum úr burstuðu stáli
og á því að höfúðstöðvar fýrirtækja
|p$PiSw
voru hannaðar til að
minna á fjögurra stjörnu
hótel.
A m
As:
merískir rapparar eru
þekktir fýrir að skreyta
sig með dýru skarti, sem er
í stílískri mótsögn við almúgalegar
hettupeysur þeirra og pokabuxur.
Skartið nefna þeir einmitt „bling".
Þegar tónlistarhúsið loksins rís •
verður Reykjavík eins og skítugur
rappari með bling. Það verður ekki
í stii við neitt annað í borginni,
nema hitt blingið, Perluna. Þetta
er jafnsmekklaust og að reisa
glerviðbyggingu við bárujárnshúsið
Iðnó.
Bíðum við, það var líka gert.
Islensk byggingarlist verður að
teljast fjarska framúrstefnuleg.
Stærsta verslunarmiðstöðin var
þannig reist, með miklu stolti,
að hún var í laginu eins og reður.
Eftir gólfunum voru
málaðar hlykkjóttar
línur sem enduðu í
punkti, sem minntu ekki
á annað en sáðfrumur.
Hús verslunarinnar, hið mikla
stórvirki nýju miðborgarinnar,
mótar fullkomið „fokkmerki".
0‘
:
. kkur finnst agalega smart að
I sveipa hús bárujárni. Svona
r eins og þegar lágstéttarfólk í
Suðurríkjum Bandaríkjanna hengir
járnrusl, sem það finnur á víðavangi,
á veröndina sína. Bárujárnið nýtur
hvergi viðlíka hylli og hér. Það var
fyrst og fremst notað á útjöðrum
breska heimsveldisins, til dæmis
utan á herbragga sem kastað var
upp. En hér þykir þetta hin mesta
prýði.
mekkvísi okkar er miklum vafa
undirorpin. Borgarstjóranum
finnst eðlilegt að kaupa lítil og
illa farin kofaræksni fyrir svipaða
upphæð og hann selur glæsilegt
hús í klassískum stíl við Fríkirkjuveg
11. Verðandi og fyrrverandi
borgarstjórinn kom fram í beinni
útsendingu í miklu losti, yfir því
að skemmtístaðurinn Pravda
væri að brenna, og hann hét því
að endurreisa hann í upphaflegri
mynd, mun lágreistari en næstu
byggingar. Skemmtístaðurinn var
þekktastur fyrir blautbolakeppnir
og slagsmál, en á daginn var
þar álíka lífleg stemning og í
austurrískum kjallara. En hann
þurfti að endurreisa vegna þess að
þar hafði eitt sinn aðsetur maður,
sem gekk undir hallærislegasta
nafhi norðan Alpafjalla: Jörundur
Hundadagakonungur.
Smekkleysan í Reykjavík
minnkar alls ekkert þótt 100
Kínverjar reisi glerhjúp í
bárujárnshverfi.
DÓMSTÓLL GÖTUIVNAR
HEFUR ÞIJ ÁHYGGJUR AF VERÐBÓLGUNNI?
„Já, hafa það ekki allir? Staðan er langt
(frá að vera góð. Verðbólgan er farin að
hafa áhrif á mína hagi, launin rýrna,
bensínið og maturinn hækkar og
húsnæðið líka, og það segir sig sjálft að
ríkisstjórnin verður að fara að gera
eitthvað i málunum. Mér finnst
aðgerðaleysi hennar mjög skrítið því
verðbólgan hefur jafnt og þétt farið
versnandi."
Agnes Sigurðardóttir,
29 ára ræstitæknir
„Sem stendur eru frekar lítil umsvif hjá
mér en (sjálfu sér líst mér ekki vel á
hina háu verðbólgu. Ég sé það í
kringum mig að hún erfarin að hafa
áhrif á fólk og finn það einnig sjálfur.
Ríkisstjórnir undanfarinna ára hafa
bókstaflega ekki gert neitt til hjálpar
og núverandi ríkisstjórn situr
aðgerðalaus."
Smári Wium,
70 ára ellilífeyrisþegi.
„Já, ég hef áhyggjur af henni. Há
verðbólga er farin að hafa bein áhrif á
mína afkomu, það er alveg Ijóst.
Ríkisstjórnin og Seðlabankinn hafa
ekki staðið vaktina vel og þjóðfélagið
allt hefur verið að bruðla."
Hilmar Harðarson,
47 ára atvinnurekandi.
„Að sjálfsögðu hef ég áhyggjur af
henni. Verðbólgan er komin upp úr
öllu valdi og maður finnur það sjálfur á
hinu háa verðlagi sem orðið er.
Afborganirá húsnæðislánum hafa
hækkað rosalega mikið og mér finnst
að ríkisstjórnin og Seðlabankinn,
sjálfur Davíð Oddsson, hefði átt að
grípa mun fyrr í taumana."
Jón Aðalsteinsson,
26 ára matreiðslumaður.