Dagblaðið Vísir - DV - 30.04.2008, Blaðsíða 19

MIÐVIKUDAGUR 30. APRÍL 2008 19

DV FERÐALÖG
UPPUHR
Magnús Bergsson er hjólreiðagarpur
mikill en hann hefur nokkrum sinnum
hjólað hringinn í kringum landið.
Hann bendir á að mikilvægt sé
að velja rétta árstímann til að
hjóla til að komast hjá mestu
umferðarþyngslunum.
NATTURUNA^H
ODRUVÍSIÁ HJOU
Magnús Bergsson situr í sjóm Landssam-
taka hjólreiðamanna en hann hefur farið í
nokkrar hjólreiðaferðirnar umhverfis landið.
„Það að hjóla hringinn er auðvitað áskorun
sem allir hjólreiðamenn verða að taka. Það er
samt bara spurning um að velja rétta árstím-
ann. Ekkert endilega vera að gera þetta í júní,
júlí eða ágúst því þá er traffíkin þyngst, þegar
bæði íslendingar og erlendir ferðamenn eru
að keyra um landið. Ég myndi helst mæla með
því að fólk hjólaði hringinn í apríl eða maí."
Aðspurður hvort það sé á allra færi að
leggja upp í slíkt ferðalag svarar Magnús: „Já,
það er algjör óþarfi að vera einhver þaulvan-
ur hjólreiðamaður. Þetta er sáraeinfalt og allt
bara spurning um að drífa sig af stað. Svo er
sniðugt að nýta sér bara bændagistinguna
er maður er í byggð en vera samt alltaf með
tjald með sér og geyma allan búnað í töskum
á hjólinu, ekki í bakpoka á bakinu. Menn eiga
að forðast það að geyma farangurinn á bakinu
alveg eins og þeir geta."
Var þrjár vikur í fyrsta skiptið
Magnús segir að hann hafi farið í sína
fyrstu hringferð fyrir rúmum tuttugu árum
og þá frekar óreyndur hjólreiðamaður. „Það
tók mig þrjár vikur að hjóla hringinn þá.
Það var líka bara svona rólyndisferð og ég
var alls ekkert á neinni hraðferð. { dag eru
menn jafnvel að fara þetta á tveimur vikum
og stundum skemur. Það eru náttúrulega
komin betri hjól og vegir í dag sem flýta fyrir
ferðinni. Vegna þungans í umferðinni hef ég
undanfarin ár hins vegar sleppt því að fara
þessa helstu þjóðvegi, allavega norður á land.
Ég hef í staðinn farið Arnarvatnsheiði og yfir
hálendið. Það er kannski frekar erfitt fyrir
óvana en þá er hægt að mæla með Kjalvegi
sem dæmi og svo er Sprengisandurinn nú
ekkert svo erfiður í sjálfu sér ef maður er bara
á þokkalega búnum hjólum," segir Magnús og
bendir á að það sé engin sérstök þörf að vera á
fjallahjóli á malbikuðum vegum.
Sniðugt að hjóla á nóttunni
„Ef fólk er eitthvað hrætt við að vera að
hjóla svona í þungri bílaumferð nær það oft
ekki jafnmiklum tengslum við umhverfi sitt
því þá getur maður farið að hugsa svo mik-
ið um hræðsluna að maður nær ekki þessum
tengslum. Þess vegna getur oft verið sniðugt ef
maður er að ferðastyfir sumartímann að hjóla
á næturnar. Þá á maður veginn alveg út af fyrir
sig og það er algjört næði. Maður upplifir nátt-
úruna að sjálfsögðu allt öðruvísi þegar maður
er hjólandi heldur en sitjandi inni í bíl."
Að lokum bendir Magnús á sniðugt
námskeið sem fjallahjólaklúbburinn stendur
fyrir í lok maí. „Það verður haldið ferðaundirbú
ningsnámskeiðhjáíslenskafjallahjólaklúbbn-
um 22. maí. 1 framhaldi af því verður hjólað á
Nesjavelli helgina 24. til 25. maí. Þarna er fólk
hvatt til að mæta sem hefur hug á því að fara í
ferðalög á reiðhjóli í sumar því á Nesjavelli fara
alltaf einhverjir vanir hjólreiðamann sem vilja
deila reynslu sinni með óvönu hjólreiðafólki."
krista@dv.ls
stiörnu ferðafrelsi
Húsbílar frá Weinsberg og Mdouis
wwwierdaval.is
FGRÐAVAL Lundi við Vesturlandsvea Sími 5Z8 5500