Dagblaðið Vísir - DV - 30.04.2008, Blaðsíða 15

DV Sport
MIÐVIKUDAGUR 30. APR(L 2008 15
Miðvikudagur 30. apríl 2008
Guðmundur Jónsson á leið frá körfuknattleiksliði Njarðvíkur:
ENN KVARNAST ÚR NJARÐVÍK
Guðmundur Jónsson, bakvörður
úr körfuknattleiksliði Njarðvíkur,
er á leið frá félaginu og að ganga til
liðs við Þór Akureyri. Guðmundur
er þriðji maðurinn sem yfirgefur
Njarðvík á skömmum tíma en áður
var Teitur Örlygsson rekinn frá
félaginu og Brenton Birmingham
ákvað að ganga til liðs við Grindavík.
Guðmundur segir helstu ástæðu
þess að hann sé að yfirgefa Njarðvík
vera þá að hann vanti nýja áskorun.
„Mig vantaði að prófa eitthvað nýtt.
Mig hefur lengi langað að gera þetta
því mig vantar nýtt umhverfi og að
hafa gaman af körfu aftur. Síðustu tvö
ár hafa verið ansi leiðinleg. Ég ætíaði
að breyta til í fyrra en ákvað að taka
eitt ár í viðbót úr því Teitur ætíaði að
vera með okkur.
Mér lýst vel á Akureyri, Þórsarar
höfðu samband við mig fyrir
skömmu og gerðu mér tilboð og mér
líst bara vel á að prófa þetta" segir
Guðmundur
„Það kom mér á óvart að Teitur
var látinn fara því allir í Iiðinu héldu
að hann yrði áfram. Ákvörðun mín
kom brotthvarfi Teits ekki við. Ég var
ekki sáttur við frammistöðu mína
í vetur og var löngu búinn að taka
þessa ákvörðun," segir Guðmundur.
Guðmundur spilaði 21 af 22
ieikjum Njarðvíkur í vetur, spilaði
ríflega 14 mínútur í leik, skoraði 3,8
stig að meðaltali og tók þrjú fráköst
Þórsarar eru þessa dagana að
safna liði en þrír leikmenn liðsins
eru á förum eða þegar farnir frá
félaginu. Magnús Helgason fer til
náms í Englandi en hann gerði 8
stig að meðaltali í 22 leikjum í vetur.
Einnig eru þeir Birkir Heimisson og
Þorsteinn Gunnlaugsson að fara í
nám til Reykjavíkur. Birkir skoraði 1,7
stig að meðaltali í leik en Þorsteinn
skoraði 5,4 stig að meðaltali.
vldar@dv.is
Guðmundur Jónsson Versthér
Tyson Patterson, leikmanni KR.