Glóðafeykir - 01.04.1969, Blaðsíða 43

GLÓÐAFEYKIR
43
Magnús dó ókvæntur og barnlaus. En í Nesi var sjaldan barnlaus
bær. Og slíkur var aðbúnaður barnanna af hálfu húsbænda, að flest
bundu þau varanlega tryggð við heimilið.
Páll Stefánsson, verkam. á Sauðárkróki, lézt þ. 28. júlí 1955. Hann
var fæddur á Bjarnastöðum í Blönduhlíð 14. ágúst 1890, sonur Stef-
áns bónda þar og síðar á Halldórsstöðum á Langholti Bjarnasonar,
bónda í Elivogum, Bjarnasonar, og konu
hans Aðalbjargar Magnúsdóttur bónda í
Leyningi í Eyjafirði, Torfmýri í Blöndu-
hlíð o. v., Jónssonar, og konu hans Sigur-
rósar Sigurðardóttur bónda í Æsustaða-
gerði í Eyjafirði, Stefánssonar.
Foreldrar Páls voru fátæk og áttu fjölda
barna; komust 10 til fullorðinsára. Missti
Páll föður sinn meðan hann enn var ung-
ur og innan við fermingu (1902). Fór
hann þá til Björns bónda Jónssonar á
Stóru-Seylu og var hjá honum allmörg ár,
síðan í vist á ýmsum stöðum og efnaðist
nokkuð, enda ráðdeildarmaður í bezta
lagi.
Arið 1928 gekk Páll að eiga Guðrúnu Gunnarsdóttur frá Kefla-
vík, alsystur Magnúsar í Utanverðunesi (sjá þátt hans hér á undan).
Reistu þau þegar bú að Enni í Viðvíkursveit og bjuggu þar 1928—
1929, í Ásgeirsbrekku 1930—1931, en hurfu þá til Sauðárkróks, þar
sem heimili þeirra stóð upp þaðan. Þrjú eru börn þeirra hjóna:
Sigurlaug, húsfr. á Akureyri, Aðalfríður, húsfr. í Reykjavík og Stef-
án, lögregluþjónn á Sauðárkróki.
Páll Stefánsson var meðalmaður á velli og vel vaxinn, myndar-
legur í sjón. Hann komst vel til manns sem þau systkini öll. Hann
var greindur maður og mjög söngvinn sem ættmenn hans margir;
má geta þess hér, að Stefán íslandi, hinn víðfrægi söngvari, er syst-
ursonur hans. Páll var hóglátur maður og stilltur vel, prúður í hátt-
um og barst lítt á. Hann var grandvar skapfestumaður, traustur og
trygglundaður, vinsæll og vel látinn, drengur góður.
Astvaldur Einarsson, verkam. á Sauðárkróki, lézt 23. ágúst 1955.
Hann var fæddur á Vatnsleysu í Viðvíkursveit 7. ágúst 1889, sonur
Einars Jónssonar, Kaprasíussonar, og konu hans Júlíönu Jóhanns-
Páll Stefánsson.