Glóðafeykir - 01.12.1969, Page 48

48
GLÓÐAFEYKIR
Rangur dómur.
Fyrir að ræna fátækan
var fanturinn heiðri sæmdur.
Fyrir að segja sannleikann
var saklaus maður dæmdur.
í varnarstöðu á Húnavöku.
Skýrir þykjast Skagfirðingar,
skemmtilegt er þeirra vit.
Held ég þó að Húnvetningar
hafi meira sjálfsálit.
Á norðurleið.
Gott er að vera suður með sjó
sumar, haust og vetur.
Á Norðurlandi nýt ég þó
náttúrunnar betur.
Á barnum.
Þessi kjáni þykist maður,
þó held ég hann sé það ekki.
Hann er ekkert ósvipaður
öðrum kjána, sem ég þekki.
Villtur.
Þessi hríð er hræðileg,
liér er ég að tryllast.
Hvaðan fór ég? Hvar er ég?
Hvert er ég að villast?
o