Glóðafeykir - 01.12.1969, Qupperneq 76

76
GLÓÐAFEYKIR
Hannes óx upp með foreldrum sínum, fluttist með þeirn misserís-
gamall að Sólheimum í Blönduhlíð, vestur yfir aftur 1908 og þá að
Daufá. Þar stóð heimili hans æ síðan unz hann, ári fyrir andlát sitt,
varð að flytja til Sauðárkróks, þá farlama
sjúklingur. Hann tók við búi á Daufá 1918
og bjó þar síðan og lengstum með ráðskonu,
Þórunni Jóhannsdóttur, mætiskonu. Móður
sína missti hann 1927, en föður sinn 1931.
Hannes bjó snotru búi en ekki stóru.
Hann var gróandans maður og- gróðurunn-
andi, hóf ræktun fyrr en margir aðrir og
beitti fágætri vandvirkni, svo að til fyrir-
myndar mátti telja. Eigi var hann rnikill að-
fararmaður, en þrifnaður og snyrtimennska
var honum eðlisgróin og mótaði öll hans
störf.
Hannes á Daufá var góður meðalmaður á vöxt og vel á sig kont-
inn; bjartur á yfirbragð, fríðleiksmaður og unglegur ásýndum alla
ævi. Hann var vel greindur, prúður í háttum, hlýr og glaður í við-
móti, öðlingsmaður, sem öllum vildi vel.
Hann kvæntist ekki né átti börn.
Brynleifur Tobiasson, áfengisvarnaráðunautur, lézt þ. 27. febrúar
1958. Hann var fæddur að Geldingaholti 20. apríl 1890. Foreldrar:
Tobías bóndi í Geldingaholti Eiríksson, bónda á Syðra-Skörðugili
o. v., Jónssonar bónda þar, Jónssonar, og
kona hans Sigþrúður Helgadóttir bónda á
Syðra-Skörðugili, Jónssonar bónda á Hryggj-
um, Jónssonar, og konu hans Margrétar
Jónsdóttur bónda á Varmalandi í Sæmund-
arhlíð, Þórðarsonar.
Brynleifur ólst upp í Geldingaholti. Lauk
búfræðiprófi á Hólum 1907 og kennaraprófi
í Reykjavík 1909. Stundaði næstu vetur
barna- og unglingakennslu bæði hér í Skaga-
firði og í Reykjavík, en verkstjórn vor og
haust við Reykjarhólsgarða; var og fonnað-
ur Garðyrkjufélags Seyluhrepps 1912—1914.
Bjó sig jafnframt kennslunni nndir menntaskólanám, lauk gagn-
fræðaprófi 1915 og stúdentsprófi 1918. Gerðist að þ\ í búnu kenn-
Biynleifur Tobiasson.
Hannes Hannesson.