Dagblaðið Vísir - DV - 07.10.2014, Blaðsíða 3

Fréttir 3Vikublað 7.–9. október 2014
Íslenskt tal leiðbeinir
notanda um allar aðgerðir
Nú þegar eru fjöldi Íslendinga í fullu
fjöri sem startað hefur verið í gang
með hjartastuðtækjum frá Donnu.
Samaritan PAD
hjartastuðtæki
kosta aðeins frá
kr. 199.600 m/vsk.
Starfsmönnum boðið á lystiskip
n Stefnir, dótturfélag Arion banka, í New York n Segja kostnaði haldið í hófi
H
elgina 26. til 28. september
fór meirihluti starfsmanna
sjóðastýringarfyrirtækisins
Stefnis í boðsferð til New
York. Stefnir er dótturfyrir­
tæki Arion banka sem er svo aftur í
eigu íslenska ríkisins og kröfuhafa.
Að sögn Flóka Halldórssonar, fram­
kvæmdastjóra Stefnis, var reynt að
halda kostnaði í lágmarki.
Þrátt fyrir það var bæði hótel­
gisting í þrjár nætur og flug til
Bandaríkjanna í boði sjóðsins.
Starfsmönnum var enn fremur
boðið í kvöldverð á lystiskipi sem
sigldi suður fyrir Manhattan. Flóki
segir að fleiri en starfsmenn Stefn­
is hafi verið um borð í lystiskipinu.
Heildarfjöldi starfsmanna Stefnis er
rúmlega tuttugu manns. Flóki vildi
ekki skýra hvað ferðin kostaði en
ætla má að heildarkostnaður hafi
verið vel á aðra milljón króna.
Sjóðurinn aðskilinn bankanum
Bæði Flóki og Haraldur Guðni Eiðs­
son, forstöðumaður samskiptasviðs
Arion banka, leggja mikla áherslu,
í samtali við DV, á að sjóðurinn og
bankinn séu aðskildir. „Stefnir er
sjálfstætt starfandi sjóðastýringar­
fyrirtæki. Sú sjóðastýring sem Stefn­
ir sinnir er lögum samkvæmt að­
skilin frá starfsemi Arion banka og
er meirihluti stjórnarmanna Stefn­
is óháður bankanum,“ segir Har­
aldur í tölvupósti til DV. Stefnir er
fyrrverandi rekstrarfélag Kaupþings
banka hf. sem fékk nýtt nafn árið
2009 og samkvæmt heimasíðu „rek­
ur verðbréfasjóði, fjárfestingarsjóði
og fagfjárfestasjóði“.
Bjuggust við gagnrýni
Flóki hafnar því að um skemmti­
ferð hafi verið að ræða. „Þetta var
náms­ og vinnuferð. Við fórum út
á fimmtudegi og heimsóttum þrjú
fyrirtæki í okkar bransa á föstu­
degi og komum heim á sunnudegi,“
segir Flóki. Fyrirtækin þrjú sem
Flóki nefnir voru fjárfestingafyrir­
tækin Blackstone og Bloomberg og
kauphöll New York.
Makar starfsmanna voru með
í för en Flóki hafnar því að þeim
hafi verið boðið, þeir hafi þurft að
borga eigið flug. Makar fengu þó
fría gistingu þar sem hótelherbergi
voru í boði sjóðsins. Flóki segist
hafa búist fyrirfram við gagnrýni
og því var að hans sögn sérstak­
lega passað upp á að ferðin stæðist
skoðun. n
Hjálmar Friðriksson
hjalmar@dv.is
„Þetta
var
náms- og
vinnuferð
Arion banki Stefnir er fyrrverandi rekstrarfélag Kaup-þings banka og er dótturfélag Arion banka.
Fallegt Siglt við
Manhattan. Mynd er
úr safni. Mynd ReuteRS
H
jólreiðafólki á höfuðborgar­
svæðinu hefur fjölgað um
þriðjung frá síðasta ári,
samkvæmt mælingum Um­
hverfis­ og samgöngusviðs Reykja­
víkurborgar. Fjórum sinnum á ári
eru settir upp mælar á átta stöð­
um á höfuðborgarsvæðinu og um­
ferð hjólandi vegfarenda mæld í
þrjá tíma fyrir hádegi og í þrjá eft­
ir hádegi. Að sögn Bjargar Helga­
dóttur, sem umsjón hefur með
talningunni, er þróunin einkar
ánægjuleg. „Við mælum á þessum
átta stöðum í mars, júní, septem­
ber og í desember. Núna í septem­
ber voru 2.872 sem hjóluðu fram
hjá talningarstöðum en í septem­
ber í fyrra var fjöldinn 1.965 svo
þetta er fjölgun um þriðjung,“ segir
hún.
Þann tíma sem mælingar
fóru fram voru flestir hjólreiða­
menn sem hjóluðu yfir gatna­
mót Njarðargötu og Hringbrautar.
Þann dag sem talið var í september
voru 558 þar á ferð. Við gatnamót
Miklubrautar og Lönguhlíðar er
einnig mælt og var 491 sem hjólaði
þar yfir. Þegar fjöldi hjólreiða­
manna um Borgartún var mældur
í september í fyrra voru 49 sem þar
fóru þar um hjólandi en í septem­
ber nú í ár var fjöldinn 266. Allan
ársins hring er mælir við Suður­
landsbraut og hafa 89.995 hjólað
þar framhjá það sem af er árinu. n
dagny@dv.is
Hjólreiðafólki hefur
fjölgað um þriðjung
89.995 hafa hjólað við Suðurlandsbraut
Hjólreiðamönnum fjölgar Þann tíma sem mælingar fóru fram voru flestir hjólreiða-
menn sem hjóluðu yfir gatnamót Njarðargötu og Hringbrautar. Mynd SigtRygguR ARi