Ritröð Guðfræðistofnunar - 01.09.2006, Síða 55

þriðjungur taldi trú hafa lítil eða engin áhrif á líf sitt. Sum þeirra gáfu þó
í skyn að eitthvað yfirnáttúrlegt kynni að vera til en áhrif trúar á líf þeirra
væru þó í lágmarki. Hún er því takmarkaður þáttur í lífsviðhorfi þeirra
og sjálfsmynd og virðist ekki hafa þýðingu þegar kemur að tilvistartúlkun
þeirra.
Guðsmynd þess hluta unglinganna sem treysti sér til að lýsa hugmynd-
um sínum er á vissan hátt nokkuð hefðbundin í íslensku samhengi. Um
helmingur hópsins talaði um Guð sem góðan anda, miskunnsaman og
hjálpsaman. Guð fylgist með eða vakir yfir okkur, það er gott að leita til
hans ef eitthvað bjátar á. Drengur í sjávarþorpi segir: „Ég hugsa að hann sé
góður andi sem sér um okkur eftir dauðann, “ en stúlka í Reykjavík talar um
að að hann sé „andi sem fylgist með okkur eða eitthvað. “ Hér er sem sé á ferð
jákvæð guðsmynd sem reiknar með Guði í glímunni við lífið og dauðann.
Nokkur bregða fyrir sig manngerðum hugmyndum án þess að fram komi
hvort slík guðsmynd feli í sér einhver sérstök áhrif Guðs á líf eða tilvist-
artúlkun viðkomandi. Þriðjungur gerir sér hins vegar litlar eða óljósar hug-
myndir um Guð eða efast um og hafnar tilvist hans. Fram kemur í viðtöl-
unum að stúlkurnar í hópnum virðast almennt gera sér skýrari hugmyndir
um Guð og eiga auðveldar með að lýsa þeim. Margt í þessum niðurstöðum
svipar til þess sem Gunnar J. Gunnarsson komst að í rannsókn sinni við lok
síðustu aldar.30
Svör við spurningum um bæn og bænaiðkun árétta ennfrekar áhrif trúar
í lífi unglinganna en mikill meiri hluti taldi bæn hafa eitthvert gildi. Það er
einnig í samræmi við niðurstöður Gunnars J. Gunnarssonar.31 Þegar ungl-
ingarnir voru beðnir að skýra betur hvaða gildi bænin hefur kom í ljós að
flest töldu það felast í einhvers konar sálrænum áhrifum og þeirri hjálp sem
30 Gunnar J. Gunnarsson 2001.
31 GunnarJ. Gunnarsson 1999a.
53