Ritröð Guðfræðistofnunar - 01.09.2006, Qupperneq 62

skylduna og verða meira sjálfstæður einstaklingur og það skapar ákveðið
öryggisleysi. Að síðustu er það þriðji hópurinn þar sem fram kemur að þau
eru lítið hamingjusöm og eru stundum þunglynd. Þetta er fámennur hópur
og það er greinilegt að þessum einstaklingum líður ekki vel.
Þegar þau voru spurð að því hvað geri þau hamingjusöm svaraði rúm-
lega helmingur því til að það sé að vera með vinum. Þarna skiptast kynin til
helminga og er því ekki um neinn kynbundin mun að ræða í því efni. Það er
hins vegar mimunandi hvað þau nefna að geri þau hamingjusöm. Drengur
úr Reykjavík orðar t.d. svar sitt svo: „... þegar við erum saman strákarnir.
Stundum eru við í bílskúrnum að setja saman tölvur ogförum í tölvuleiki. “
Síðan nefndu nokkur fjölskylduna. Það sem gerir stúlku úr Reykjavík ham-
ingjusama er: „Að vera bara með vinum eða fjölskyldu.u Drengur úr sjáv-
arþorpi tengir hamingjuna við: „Gott ástand á heimili og góða vini.“ Hér
staðfestist því enn að það eru vinirnir og fjölskyldan sem skipta mestu máli
og eiga þátt í að gera þau hamingjusöm. Annað sem þau nefna og gerir þau
hamingjusöm eru samskipti við systkini sín, hrós, að líða vel, íþróttir, dans
og gott líf.
Þegar rætt var áfram um hvað þau geri þegar þau eru glöð nefndu þau
margt eins og eðlilegt er. Fram kom að flest af þeim vilja vera með vinunum
sínum og gera eitthvað skemmtilegt. Drengur úr sjávarþorpi orðar svar sitt
svo: „Erum saman vinirnir. Förum í sjoppuna." Síðan nefna þau þætti eins
og að hlusta á tónlist og dansa, horfa á myndbönd, stunda íþróttir og borða
góðan mat. Stúlka í Reykjavík lýsir hugarástandi sínu þegar hún er glöð á
eftirfarandi hátt: „Gœti oft öskrað en reyni að halda því inni í mér. Svo fer
þetta, er bara stutta stund. “ Strákur í sjávarþorpi horfir út fyrir sig sjálfan
og segir: „Ég lœt öðrum líða vel og leyfi þeim að taka þátt í gleðinni. “ Þetta
síðasta svar er athyglisvert því það er ekki eins sjálflægt og mörg önnur svör
hér að ofan.
Þegar kom að mótlæti, sorg og dauða og viðmælendur voru spurðir um
60
J