Jökull - 01.12.1973, Page 68

ur og aurborinn mjög, en þar næst á bak við
er jökullinn nokkru lægri.“
Fjallsjökull
Varðandi Fjallsjökul tekur Flosi fram: „Við
jökulmerki 137 er dálítið lón, vera má að jökul-
tungan, sem mælt er í, sé á floti. Austan lónsins
er jökullinn 10—20 metrum innar, og víðast
hvar mun Fjallsjökull hafa hopað.
Breiðamerkurjökull
Um jöklana í heild segir Flosi í bréfinu:
„Um jöklana hér í grennd er fátt að segja til
viðbótar við mælingarnar. Eins og þær bera
með sér, hafa þeir hopað tiltölulega lítið, og
á tveimur stöðum skriðið fram. Hins vegar
virðist útlit þeirra að vísu ekki bera þess vott,
að gangur sé i þeim að neinu ráði. Þeir eru
sléttari og jafnari yfir að líta en í fyrra haust.
Við Breiðamerkurjökul, merki nr. 142 (Ný-
græðubakki), þar sem jökullinn hefur skriðið
fram, hefur hann þó hopað lítið eitt frá því,
er hann hefur skriðið lengst fram, eftir að mælt
var í fyrra haust. Virðist jökullinn heldur að
sléttast aftur þarna upp af.
Lón eru við merki M 133 og M 143 og því
ekki unnt að mæla, en Ijóst er, að jökullinn
hefur ekki gengið fram á þessum stöðum."
Eyjabakkajökull
Samkvæmt bréfum frá Gunnsteini Stefánssyni
á Egilsstöðum:
Hinn 14. april 1973 kemur Völundur Jóhann-
esson að jöklinum. Jökullinn er þá enn á sýni-
legri hreyfingu og telur Völundur, að hann
muni hafa skriðið fram frá 22. okt. 1972 eitt-
hvað nálægt 250 metrum. Hinn 16. sept. 1973
mælir Gunpsteinn stöðu jökulsins, og hefur
hann þá skriðið fram um 620 m frá 22. okt.
1972, framskriði er augsýnilega lokið.
Hlaup í Hafursá
Úr bréfi frá Einari H. Einarssyni, Skamma-
dalshóli, til Sigurðar Þórarinssonar, dags. 8.
nóv. 1973:
„Líklega aðfaranótt 9. okt. gerðist sá einstæði
atburður, að jökulhlaup kom í Hafursá; hafði
það komið fram úr gilinu vestan við Gvendar-
fell. Vatnsrennslið hefur orðið nokkru meira en
í mestu rigningum. Þar sem dálítið þrengir að
henni í Hólsgili hefur vatnsborðið hækkað um
1 metra, gæti trúað, að það samsvaraði um 75
cm hækkun undir allri brúnni, svo þú sérð, að
þetta hefur verið ekki svo lítið vatn, en eftir
því hvað aurarnir, sem það fór yfir í gilinu,
hafa tekið litlum breytingum virðist hlaupið
hafa varað stuttan tíma, enda er sennilegt, að
það hafi komið úr stífluðu lóni ofan við gil-
botninn vestur af Gvendarfelli, og varla er
hægt að hugsa sér, að þar getið verið um stóran
geymi að ræða. Allmikil jakaferð hefur orðið í
ánni. Fyrir innan þrengslin við innri Einstig-
ana voru jakahrannir beggja vegna við ána og
jakahröngl á víð og dreif niður alla aura allt
að þjóðvegi
Alldrjúg breyting hefur orðið á jöklinum í
lægðinni vestan við Gvendarfellsbunguna, þar
er hann nú orðinn mjög sprunginn, nærri upp
á hábungu, og virðist hafa sigið mikið niður,
svo lægðin virðist hafa dýpkað mjög mikið langt
upp eftir, en ofan við gilbotninn hefur hlaðizt
upp geypi hár og mikið sprunginn isveggur.
Þetta er áberandi, ef horft er í vel björtu til
jökulsins af veginum á hæðinni innan við Graf-
arhólinn. Skriðjökullinn austan við Gvendar-
fellið hefur ekki gengið teljandi fram síðan í
fyrra.“
JÖKULL 23. ÁR
66