Jökull - 01.12.1986, Síða 92
leið. Síðastliðinn vetur (84/85) lá snjór nokkuð lengi
hér á Kvískerjasvæðinu og grennd, að vísu var snjór
grunnur á láglendi. Uppi í fjöllum virðist snjór hafa
verið með meira móti. Snjó tók seint upp og raunar
ekki allsstaðar. Hér hefur sumarveðráttan verið mjög
á annan veg en í fyrrasumar (1984). Nú 1985 var
lengst af fremur kalt og sólarlítið, oft dumbungur í
lofti, en hinsvegar frekar hægviðrasamt. Tilvitnun Iýk-
ur.
Eg fæ ekki betur séð en einmitt oft áður hafi snjór
verið með meira móti á Kvískerjahálendi á vetrum
sem landsmenn yfirleitt kalla hlýja og snjólausa.
Breiðamerkurjökull E (þ.e.a.s. austan Jökulsár). í
bréfi með mælingaskyrslum segir Steinn á Breiðabóls-
stað m.a. á þessa leið: Við Jökulsárlón hjá mælistað
nr. 144 hefur jökuljaðar lækkað mikið. Lítur helst út
fyrir að jökullinn sé að síga niður af brattri öldu e.t.v.
malarhrygg. Bilið milli Jökulsárlóns og Stemmulóns
styttist stöðugt.
Við Fellsfjall hefur jökullinn gengið mikið til baka
eða hopað, sem kallað er, samanber skýrsluna. Jaðar-
inn hefur lækkað og hopað á öllu svæðinu milli mæli-
staðanna, mun það vera hið mesta síðan ég hóf mæl-
ingu.
Veturinn 84/85 var mjög mildur. Hér festi vart snjó
á láglendi nema nokkra daga í senn, en í fjöll snjóaði.
Vorið var sæmilega hlýtt. Sumarið fremur kalt, hér
ríkti norðaustanátt, skúrasamt var og sólarlítið.
Breytingar eru ærið stórstígar og hraðar. Lónsstæðið
í Veðurárdal hefur verið þurrt undanfarin ár þar til í
sumar, að vatn tók á ný að safnast í það. Á árinu 1980
mun hafa hætt að safnast í lónið, samanber Jökul 34.
ár bls. 178.
Suðursveitarjöklar sjá Jökull 34. ár.
Hoffellsjökull W og E. Þ.e.a.s. vestri og eystri.
Vestri jökullinn inn á Öldutanga inn af Svínafellsgelti
hefur jafnframt því að hopa um 30 m lækkað allur
mjög mikið. Aftur á móti er ekki unnt að skilgreina
hop í Hoffellsjökli E, tekur Þrúðmar Sigurðsson fram.
Smávegis jakahröngl er á skeifulaga lóninu og ís nem-
ur venjulegast við ölduna sunnan lónsins. Mikill aur
berst í lónið að innan. Lónið grynnkar. Nú er aur inn
með Geitafelli og orðið þurrt að hluta leiðar. Fyrir 20
árum var þar milli 5 og 10 metra dýpi, á stöku stað
enn dýpra. Tvennt hefur gerst og er að gerast. Aur sest
í lónið, en jafnframt sker útfallið (Hornafjarðarfljót
eystra vatnið) sig niður, breikkar til austurs. Þau hafa
skorið sig niður um eina 3 metra á efstu 2 km á síðast-
liðnum 20 árum. Nú er útfallið orðið mjög stórgrýtt,
þar mun vart grafast lengra niður.
Eyjabakkajökull. Gunnsteinn tekur fram á mæl-
ingaskýrslunni. Jökullinn hefur bæði lækkað og hop-
að. Hann er orðinn greinilegur hopjökull. Háöldulón
er tómt. Kunnugir staðháttum auk Hallgríms Kjart-
anssonar eru Davíð Br. Guðnason og Bjarni Bjarna-
son.
Kverkjökull. Gunnsteinn tekur fram á mælinga-
skýrslunni: Sjáanlegar breytingar á s.l. tveimur árum
eru, að jökullinn hefur lækkað, einnig hefur ísþekjan
yfir hellinum þynnst verulega og nú er krap 1 hellin-
um. í dældum á jöklinum má fínna fannir frá síðasta
vetri. Frá merki nr. 125, sem er næst jökli eru 90
metrar.
Sigurjón Rist
90