Tölvumál - 01.01.2007, Blaðsíða 16

1 6 | T Ö LV U M Á L
Staðallinn tilbúinn í árslok 2006
ICEPRO hefur tekið þátt í vinnu með hinum Norðurlöndunum um gerð
samnorræns staðals um rafræna reikninga sem byggi á UBL XML staðalinn
frá OASIS stofnunni. Bretar taka einnig þátt í þessari vinnu og er verkefnið því
Norður Evrópskt. ICEPRO hefur ráðið til sín starfsmann vegna verkefnisins
og hafa hagsmunaaðilar tekið virkan þátt í því.
Auðveldar alþjóðleg samskipti og viðskipti
Markmið verkefnisins er að ná samkomulagi milli ríkis og atvinnulífs um val á
XML stöðlum fyrir rafræn viðskipti á Íslandi.
Að sögn Arnar gengur verkefnið út á að fella sér-íslenskar kröfur að
staðlinum UBL 2.0 ,,Staðallinn mun ekki breytast né heldur íslenskar
kröfur til hans. Staðallinn og kröfur okkar og annarra landa fá
“viðhaldsendurskoðun” fram eftir næsta ári, en engin áætlun liggur fyrir
um það.” Meðan að samráðsnefndin er að stilla upp leiðbeiningum um
notkun staðalsins á Norðurlöndun er tækninefnd ICEPRO að vinna að
gerð leiðbeiningahandbókar um innleiðingu þeirra hér á landi. Stór hluti
vinnunnar er fólginn í að leita uppi og gæta sérhagsmuna íslands sem geta
verið fólgnir í íslenskri löggjöf eða viðskiptavenjum. Bergþór segir að þessi
fyrsti áfangi taki ekki bara á reikningum, heldur einföldum pöntunum sem er
svipað ferli og EDIFACT dekkar. Næstu áfangar eru t.d. afhendingarskeyti,
vörulistaskeyti, flóknari innkaup og tollafgreiðsla.
Áfram heldur Norður Evrópskt verkefni um að staðla rafræna reikninga og hefur ICEPRO
forgöngu um verkefnið fyrir hönd Íslands. Tölvumál ræddi við Örn Kaldalóns framkvæmdastjóra
ICEPRO og Bergþór Skúlason hjá Fjársýslu Ríksins. Bergþór hefur stýrt vinnu tækninefndar
ICEPRO sem leitt hefur aðkomu Íslands að verkefninu. Bergþór segir að Fjársýslan og
Fjármálaráðuneytið stefni að því að íslenska ríkið taki einungis við rafrænum reikningum á
næstu tveimur eða þremur árum eða svo.
Allir reikningar til íslenska ríkisins líklega rafrænir innan nokkurra ára
Verkefnið mun liðka fyrir viðskiptum milli landa en að sögn Bergþórs mun
ekki reyna á það fyrr en á næsta ári hversu vel tekst til. ,,Það eru aðrar reglur
sem gilda í viðskiptum innan landa en í millilandaviðskiptum. Til dæmis skiptir
virðisaukaskattur ekki máli í viðskiptum á milli landa en þar skipta tollflokkar
máli. Við viljum sjá tilraunaverkefni á þessu sviði sem fyrst. “
Betri nýting á fjárhagskerfi ríksins
Íslenska ríkið hefur innleitt nýtt fjárhags og launakerfi í Oracle e-business
suite. Fjármálaráðuneytið leiðir heildarstefnumótun fyrir rafræna
innkaupastefnu ríkisins. Þar fellur undir samræming ytra umhverfis sem
tekur m.a. á XML stöðlum og innleiðing rafrænna reikninga hjá Fjársýslu
ríkisins. Ráðuneytið ákvað að móta stefnu um staðla fyrir rafræna reikninga
í samráði við atvinnulífið og því er þetta verkefni komið til ICEPRO að sögn
Bergþórs. ,,Við viljum nýta okkar kerfi betur með rafrænum viðskiptum,” segir
Bergþór. Hann bætir því við að Fjársýslan álíti það sitt hlutverk að drífa áfram
notkun rafrænna reikninga enda sé íslenska ríkið stærsti kaupandi vöru og
þjónustu hér á landi.
”Íslenska ríkið var að leita að XML staðli fyrir bókhaldskerfi sitt og eðlilegt var
að skoða hvað Danir eru að gera”. Danska ríkið ákvað að frá og með febrúar
2005 skyldu allir skila reikningum til danska ríkisins á rafrænu formi. Danir
völdu XML UBL staðalinn eins og nánar verður komið að hér á eftir.
Ávinningur og kostnaður við rafræna reikninga
Bergþór segir að fjárhagslegur ávinningur af innleiðingu rafænna reikninga
Stöðlun
í Norður Evrópu
Viðtal: Jón Heiðar Þorsteinsson
2.tbl-31.arg.indd 14.1.2007, 22:3316