Tölvumál - 01.01.2007, Blaðsíða 17

T Ö LV U M Á L | 1 7
liggi ekki fyrir. ,,Meðhöndlun reiknings kostar frá 200 – 5.000 kr. Mat
fjársýslunnar er nálægt neðri mörkunum. Ríkið fær um 600.000 – 1.000.000
reikninga á ári svo það er auðvelt að reikna sig upp í háar tölur,” segir hann.
Sé miðað við að það kosti 200 krónur að meðhöndla hvern reikning þá er
árlegur heildarkostnaður ríkisins við meðhöndlun reikninga um 120 milljónir
króna.
Örn bendir á reynslu Dana af innleiðingu rafrænna reikninga ,,Danir eru um 5
milljónir og um 15 milljón reikningsfærslur ríkisins sem áður bárust bréflega,
berast nú rafrænt. Þetta telja þeir að hafi sparað þeim um 100 milljón Evrur
eða um 9 milljarða íslenskra króna fram að þessu.”
Bergþór segir að það verði að hafa í huga að þessar tölur segi ekkert um
hvað Íslenska ríkið geti sparað mikið. ,,Það er spurning um breytingastjórnun
og pólitískan vilja. Mín skoðun er að það á að nýta tæknina til að minnka
kostnað, auka gæði og bæta þjónustu. Við eigum ekki bara að horfa á
mögulegan sparnað, en hann er nægur til að réttlæta verkefnið.”
Kostnaðurinn við innleiðingu á rafrænum reikningum hjá sendendum og
móttakendum rafrænna reikninga er óþekktur að sögn Bergþórs. ,,Fjársýslan
þarf að byrja frá grunni en margir birgjar eru í dag að vinna með EDIFACT
skeyti. “Það er mikilvægt að benda á að þó ríkið muni pressa á notkun
XML, munu þeir sem eru að nota EDIFACT í dag ekki hætta því strax. Það
eru ýmsar aðstæður og viðskiptaþarfir sem ráða því og reikna má með að
EDIFACT verði áfram í notkun. Notendur EDIFACT munu frekar láta varpa
reikningum fyrir sig yfir í XML til að byrja með. Ný verkefni og aukin virkni
verður innleidd í XML og aðilar færa virkni sína yfir í XML þegar það hefur
sannað sig í Íslensku viðskiptaumhverfi. Draumurinn er að í framtíðinni muni
allt niður í smæstu fyrirtæki hafa aðgang að hagkvæmum XML lausnum.”
Bergþór bætir því við að sparnaðurinn muni liggja í ýmsum þáttum, bæði hjá
sendendum reikninga og móttakanda. Tilvikum þar sem mannshöndin kemur
að máli fækkar, minni þörf verður á innslætti upplýsinga, villuhætta minnkar,
upplýsingar verða meiri og betri og hægt verður að para saman pantanir og
reikninga með skilvirkari og sjálfvirkari hætti en áður. ,,Afgreiðsluhraði eykst,
vaxtakostnaður minnkar þar sem reikningar týnast síður og stjórnendur hjá
ríkinu munu hafa betri yfirlit yfir skuldbindingar hjá sinni einingu”, bætir hann
við.
Að mati Arnar mun innleiðing rafrænna reikninga fela í sér meiri netvæðingu
og bætta viðskiptahætti ,,Upphafsgögn varðveitast og ekki þarf að endurskrá
þau, skráningarvillum fækkar. Reikningavinnslan gengur hraðar og menn fá
greitt fyrr“, segir hann.
Miðlun rafrænna reikninga
Mörgum spurningum er enn ósvarað í innleiðingu og notkun rafrænna
reikninga. Miðlun þeirra er eitt dæmi. Bergþór segir að stærri aðilar munu
geta sent reikninga beint til ríkisins. Aðrir geta nýtt sér þjónustu fluningsaðila
Bergþór Skúlason Örn Kaldalóns
2.tbl-31.arg.indd 14.1.2007, 22:3317