Morgunblaðið - 28.09.2015, Side 9

FRÉTTIR 9Innlent
MORGUNBLAÐIÐ MÁNUDAGUR 28. SEPTEMBER 2015
Golfsettið ferðast frítt!
+ Skráðu þig í Icelandair Golfers á www.icelandairgolfers.is
Aðild að Icelandair Golfers er innifalin fyrir korthafa
Premium Icelandair American Express®
ÍS
L
E
N
S
K
A
S
IA
.I
S
IC
E
66
19
3
10
/1
3
SKÁK
Helgi Ólafsson
helol@simnet.is
Skákfélagið Huginn og Taflfélag
Reykjavíkur hafa algera yfirburði
yfir önnur lið í 1. deild Íslandsmóts
Skákfélaga en fimm umferðir af níu
fóru fram fyrri hluta keppninnar í
Rimaskóla frá fimmtudagskvöldi og
fram á sunnudag. Munurinn á lið-
unum er vart marktækur og skilur
aðeins ½ vinningur sveitirnar að og
þær eiga eftir að tefla saman í seinni
hlutanum sem samkvæmt hefð fer
fram í kringum Reykjavíkur-
skákmótið í marsmánuði nk. Á milli
þrjú og fjögur hundruð skákmenn
tóku þátt í Íslandsmótinu um
helgina og var teflt í fjórum deildum.
Alls tóku á fjórða hundrað skák-
menn þátt í keppninni um helgina.
Huginn tefldi fram tveim erlend-
um stórmeisturum en Taflfélag
Reykjavíkur hafði innan sinna vé-
banda eingöngu íslenska skákmenn
með Hannes Hlífar Stefánsson á 1.
borði og Margeir Pétursson á 4.
borði. Staðan í 1. deild er þessi: 1.
Huginn 32 v. 2. Taflfélag Reykjavík-
ur 31 ½ v. 3. Skákfélag Akureyrar 23
v. 4. Fjölnir 21 v. 5. Víkingaklúbb-
urinn 20 ½ v. 6. Huginn b-sveit 18 ½
v. 7. Bolungarvík 16 v. 8. 10. KR –
skákdeild, Skákfélag Akureyrar og
Taflfélag Reykjavíkur b-sveit 12 ½
v.
Nokkrir skákmenn náðu afbragðs
árangri um helgina. Hollending-
urinn Van Kampen og Þröstur Þór-
hallsson sem tefldu fyrir Skákfélagið
Huginn unnu allar fimm skákir sínar
og það gerði einnig Björn Þorfinns-
son fyrir Taflfélag Reykjavíkur.
Í keppni 2. deildar hefur Skák-
félag Reykjanesbæjar mikið forskot
með 19. vinninga af 24 mögulegum.
Þar teflir á 1. borði Björgvin Jóns-
son og vann hann allar fjórar skákir
sínar um helgina rétt eins og Hauka-
maðurinn Sverrir Þorgeirsson.
Í 3. deild leiðir Vinaskákfélagið
með Róbert Harðarson sem vann
allar skakir sínar á 1. borði og í 4.
deild eiga í harðri keppni Hrókar
alls fagnaðar með 20 vinninga en
Taflfélag Vestmannaeyja sem byrj-
aði aftur 4. deild kemur skammt á
eftir með 18 vinninga.
Mikið var um óvænt úrslit á
mótinu. Jón Kristinsson sem varð
Íslandsmeistari 1971 og aftur 74 hef-
ur lítið teflt undanfarna áratugi en
ekki er langt síðan hann vann Hen-
rik Danielsen. Á fimmtudagskvöldið
sýndi hann styrk sinn og vann stór-
meistarann Stefán Kristjánsson.
Nýr liðsmaður Skákfélags Akureyr-
ar, Björn Ívar Karlsson, vann TR-
inginn Jón Viktor
3. umferð:
Björn Ívar Karlsson (SA) – Jón
Viktor Gunnarsson (TR)
Skileyjarvörn
1. Rf3 c5 2. e4 Rc6 3. Bb5 g6 4.
Bxc6 bxc6 5. O-O Bg7 6. He1 e5 7.
b4!
Eftir að Bobby Fischer lék þess-
um skarpa leik í seinna einvíginu við
Spasskí í Sveti Stefan árið 1992 hef-
ur afbrigðið sem hefst með 6. .. e5
verið talið næstum því óteflandi fyrir
svartan.
7. … cxb4 8. a3 b3 9. Bb2 d6 10.
cxb3 Bg4?
Eftir þennan leik er svarta staðan
erfið. Hann varð að reyna að spyrna
á móti framrás d-peðsins og leika 10.
… c5 t.d. 11. b4 Hb8 o.s.frv.
11. d4! exd4 12. Bxd4 Bxf3 13.
gxf3 Dg5+ 14. Kf1 Be5 15. Bxe5
dxe5 16. Rd2!
Skeytir engu um h2-peðið, ridd-
arinn er á leiðinni til c4.
16. … Dxh2 17. Rc4 Hd8 18. Dd4
f6 19. Had1 Df4 20. Rxd6 + Kf8
21. Dxa7!
Vinningsleikurinn.
21. … Hxd6 22. Db8+ Kg7
Jón sá að léki hann 22. .. Ke7
kæmi 23. e5! Hxd1 24. exf6+ Kf7 25.
Dxf4 með auðunnu tafli. En nú er
eftirleikurinn auðveldur.
23. Dxd6 Dxf3 24. Dc7+ Kh6 25.
Dh2+ Kg5 26. Hd8 Rh6 27. Hxh8
Rg4 28. Dg2
– og svartur gafst upp.
Morgunblaðið/Golli
Að tafli Keppendurnir á Íslandsmóti skákfélaga voru á ýmsum aldri.
Hörkubarátta Hugins og TR
á Íslandsmóti skákfélaga
Anna Lilja Þórisdóttir
annalilja@mbl.is
Þeim starfsmönnum leikskólanna
sem eru með leikskólakennara-
menntun hefur fækkað, þrátt fyrir að
störfum á leikskólum hafi fjölgað.
Þeir eru nú um
þriðjungur starfs-
fólks við uppeldi
og menntun leik-
skólabarna. Ung-
um leikskólakenn-
urum fækkar á
milli ára, en þeim
eldri fjölgar.
Þetta sýna nýjar
tölur Hagstofu Ís-
lands. Formaður
Félags leikskólakennara segir þetta
vera áhyggjuefni.
Á tölunum, sem voru birtar fyrir
helgi, má m.a. sjá að í desember í fyrra
störfuðu 6.019 á leikskólum landsins.
Þar af voru 1.836 menntaðir leikskóla-
kennarar og hafði þeim þá fækkað um
124, eða 6,3 % frá árinu á undan þegar
þeir voru 1.960. Hlutfallslega varð
mesta fækkunin í hópi yngstu leik-
skólakennaranna, eða 20%.
Af þessum 1.836 leikskólakenn-
urum voru flestir, 617 kennarar, í ald-
urshópnum 40-49 ára og næstflestir
eða 499 voru 50-59 ára. 432 leikskóla-
kennarar voru 30-39 ára, 162 voru 60-
66 ára, 14 voru 67 ára og eldri og í
yngsta aldurshópnum, 20-29 ára,
voru 112 leikskólakennarar.
Haraldur Freyr Gíslason, formað-
ur Félags leikskólakennara, segist
ekki vita hvers vegna þróunin hafi
orðið á þann hátt að leikskólakenn-
urum hafi bæði fækkað og að með-
alaldur í stéttinni hafi hækkað. „Auð-
vitað er þetta áhyggjuefni. Við
myndum gjarnan vilja sjá lægri með-
alaldur. En ég bendi á að við erum
samt yngsta kennarastéttin innan
Kennarsambandsins,“ segir Har-
aldur.
„Leikskólastigið hefur þróast mjög
hratt og við höfum ekki náð að fjölga
leikskólakennurum nægilega mikið í
takt við þróunina.“
Ná ekki viðmiðinu á næstunni
Samkvæmt lögum um leikskóla
eiga tveir þriðju hlutar starfsmanna
að vera menntaðir leikskólakennarar.
Töluvert vantar upp á að það náist.
„Sum sveitarfélög hafa reyndar náð
þessu takmarki, Akranes og Ak-
ureyri, og ég hvet öll sveitarfélög á
landinu til að gera allt sem þau geta
til að fjölga leikskólakennurum og
keppast við að verða þriðja sveitarfé-
lagið í hópnum,“ segir Haraldur sem
segist skynja mikinn vilja hjá sveit-
arfélögunum til að fjölga leik-
skólakennurum.
Hann segir að bætt kjör leikskóla-
kennara hljóti á endanum að leiða til
þess að fjölgi í stéttinni. „En það tek-
ur tíma og það er ljóst að við náum
ekki tveimur/þriðju-viðmiðinu á
næstunni.“
Morgunblaðið/Þórður
Á leikskóla Leikskólakennurum fækkar og meðalaldur í stéttinni hækkar.
Eldri og færri
leikskólakennarar
Haraldur Freyr
Gíslason