Morgunblaðið - 28.09.2015, Síða 22

22 ÍSLENDINGAR
MORGUNBLAÐIÐ MÁNUDAGUR 28. SEPTEMBER 2015
Sandra Ýr Dungal er viðburðastjóri og framleiðandi hjá Saga-film en hún er með BA-próf í viðburðastjórnun frá Malasíuog Bretlandi.
Sandra vinnur í deild sem heitir Saga Events sem er ferðaskrif-
stofa fyrir hópa og fyrirtæki. „Við gerum í raun allt, skipuleggjum
galaferðir og -kvöldverði, árshátíðir og starfsdaga, ýmiss konar
hópefli. Ég hef einnig verið að aðstoða við kvikmyndir, sjónvarps-
þætti og auglýsingar, síðast við sjónvarpsþættina The Voice.“
Sandra er mikil útivistarkona og utan vinnu skipuleggur hún
ferðir fyrir vini sína og er mikið uppi á jöklum og fjöllum. „Ég er
með gönguhóp sem heitir Vinir Dungal og á hverju ári förum við
austur til foreldra minna og höldum upp á þakkargjörðardaginn
þar og förum svo hringinn í kringum landið og förum í náttúru-
laugar og fleira.
Sandra var um síðustu helgi uppi á Langjökli. „Ég hef samt
gengið minna í sumar en síðustu sumur því að var svo mikill snjór
á hálendinu. Í staðinn skelltum við kærastinn minn okkur út og
keyrðum gegnum Þýskaland og gistum þar í tjaldi. Við fórum í litl-
ar göngur og keyrðum einnig til Belgíu og Hollands.“
Sandra hélt heilmikið partí um helgina í stúdíói Sagafilm og var
m.a. með hoppukastala og poppvél í partíinu. Ittala og blómakrans-
ar voru afþakkaðir „Á afmælisdaginn sjálfan ætla ég að gista á
Hellu og svo getur verið að við keyrum upp í Skaftafell.“
Sambýlismaður Söndru er Unnar Ari Baldvinsson, grafískur
hönnuður hjá Sagafilm. Foreldrar hennar eru Ævar Orri Dungal
fasteignasali og Ásdís Ámundadóttir hönnuður en þau eru búsett á
Kaldá á Fljótsdalshéraði.
Jöklafarinn Sandra stödd inni í íshelli við Sólheimajökul .
Skipuleggur partí
og ferðir upp á fjöll
Sandra Ýr Dungal er þrítug í dag
I
ndriði fæddist að Eyjar-
hólum í Mýrdal 28.9. 1940
og ólst þar upp til ferming-
araldurs. Hann var í barna-
skóla sveitarinnar, var hálf-
an annan vetur í Miðbæjar-
skólanum, lauk landsprófi frá
Skógum 1956, en var í vegavinnu á
sumrin hjá Vatna-Brandi og í brú-
arvinnuflokki hjá Valmundi Björns-
syni í Vík.
Indriði lauk stúdentsprófi frá MA
vorið 1960 en á menntaskólaárum
starfaði hann á sumrin í Mjólkurbúi
Flóamanna við allt frá brúsa-
móttöku upp í ostagerð, og við
skurðgröft á Akureyri. Hann var
kennari við barna- og unglingaskóla
Bolungarvíkur í eitt ár, eyddi sumr-
inu í að gera upp við trillukarla fyr-
ir Einar Guðfinnsson stórútgerðar-
mann, stundaði nám í viðskipta-
fræði við HÍ og kenndi við
Gagnfræðaskóla Austurbæjar í for-
föllum. Hann starfaði við jarðbor-
anir víða um land, stundaði nám í
hagfræði við Freie Universität í
Vestur-Berlín frá 1963, lauk dip-
lómaprófi 1969 og var aðstoðar-
maður aðalkennara síns.
„Á Berlínarárunum gekk mikið á
í pólitík. Kennedy var fyrir nokkru
orðinn forseti Bandaríkjanna og
Willy Brandt var yfirborgarstjóri
Berlínar og fór fyrir krötum í nýrri
hugsun í alþjóðamálum, en Kristi-
legi Demókrataflokkurinn var að
mestu staðnaður í borgaralegum
gildum og vesturevrópskri sam-
vinnu. Þessir þræðir komu saman í
Rathaus Schöneberg 26.6. 1963. Af
tilviljun slóst ég í för með fjölda
fólks sem stefndi að ráðhúsinu. Þar
stigu Willy Brandt, John F. Ken-
nedy og Konrad Adenauer kanslari
út á svalir hússins og Kennedy
flutti þar fræga ræðu sem náði há-
punkti í orðum „Ich bin ein Berl-
iner“.
„Það var líka gróska í stúdenta-
pólitíkinni. Andstaða gegn stöðn-
uðum valdastrúktúr í háskólum náði
hámarki í stúdentauppreisnum 68-
kynslóðarinnar, en Berlín og París
voru þungamiðja mótmælanna.“
Indriði snéri heim 1970, starfaði í
menntamálaráðuneytinu til 1980,
sinnti launamálum og starfsmanna-
málum í fjármálaráðuneytinu og
síðan skattamálum þar, varð hag-
sýslustjóri 1988-91, varafulltrúi
Norðurlandanna í stjórn AGS í
Washington 1991, starfaði síðan í
fjármálaráðuneytinu og var ríkis-
skattstjóri 1999-2008.
Indriði H. Þorláksson, fyrrv. ríkisskattstjóri – 75 ára
Leiðsögumaðurinn Indriði fræðir áhugasama þýska ferðamenn um Alþingi og Lögberg þegar hetjur riðu um héruð.
Fyrrv. ríkisskattstjóri
orðinn leiðsögumaður
Fjölskyldan Indriði og Rakel með börnunum sínum þremur heima í stofu.
Sunnutröð, Eyjafjarðarsveit
Brynjar Nolsöe Baldursson
fæddist 21. júlí 2014 kl. 5.55.
Hann vó 3.270 g og var 48,5
cm langur. Foreldrar hans eru
Elin Nolsöe Grethardsdóttir
og Baldur Helgi Benjamíns-
son.
Nýr borgari
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinnimbl.is/islendingar
eða á islendingar@mbl.is
Á opnunni „Íslendingar“ í
Morgunblaðinu er sagt frá
merkum viðburðum í lífi
fólks, svo sem stórafmælum,
hjónavígslum, barnsfæðingum
og öðrum tímamótum.56 10 000
TAXI
BSR
Góð þjónusta
yfir 90 ár