Morgunblaðið - 28.09.2015, Side 14

● Fjórðungsuppgjör Nike var betra
en reiknað hafði verið með og hækk-
uðu hlutabréf bandaríska íþrótta-
vöruframleiðandans um 9% á föstu-
dag. Við lokun markaða kostuðu
hlutir í Nike 125 dali og munar sára-
litlu að markaðsvirði fyrirtækisins
rjúfi 100 milljarða dala markið í
fyrsta sinn.
Er Nike nú orðið það fyrirtæki í
Dow Jones-vísitölunni sem hækkað
hefur mest það sem af er ári, að
sögn Market Watch.
Meðal gleðifrétta í fjórðungs-
uppgjörinu var að eftirspurn virtist
góð á kínverska markaðinum. Bendir
Financial Times á að sala á Nike-
skóm í Kína og Taívan jókst um 36%
Nike trónir á toppi Dow Jones-vísitölunnar
á þriggja mánaða tímabilinu sem
endaði í ágústlok. Sala á fatnaði
jókst um 22% á sama tíma.
FT segir Nike einnig njóta góðs af
vaxandi tilhneigingu bandarískra
neytenda til að klæðast íþróttafatn-
aði hversdags. Þá er pantanastaðan
góð á yfirstandandi fjórðungi.
ai@mbl.is
Tiska Velgengni Nike skýrist að hluta til af
breyttum áherslum bandarískra neytenda.
Samband Palladíum gegnir mikilvægu
hlutverki í hvarfakútum í vélum.
● Góðmálmurinn palladíum hækkaði
um 1,7% á föstudag og endaði í
667.60 dölum á únsuna. Yfir vikuna
hækkaði málmurinn um 9% og hefur
ekki hækkað svo mikið á einni viku
síðan 2011.
MarketWatch fjallar um hækkunina
og tengir hana fyrst og fremst við
Volkswagen-hneykslið, en þýski bíla-
framleiðandinn gerðist uppvís að því
að hafa átt við hugbúnaðinn í dísel-
bílum sínum til að gefa villandi nið-
urstöðu í útblástursmælingum. Virð-
ist markaðurinn reikna með að
hneykslið geri neytendur afhuga bíl-
um með díselvélar og þeir velji þá
frekar bíla með bensínvélar. Er pall-
adíum notað í hvarfakúta bensínbíla
og ætti því eftirspurn eftir málm-
inum að aukast.
Hvarfakútar fyrir díselvélar nota
aftur á móti platínu og lækkuðu
framvirkir samningar á þeim málmi
um 3,4% yfir vikuna.
ai@mbl.is
Palladíum hækkar
vegna VW-hneykslis
14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 28. SEPTEMBER 2015
FRÉTTASKÝRING
Ásgeir Ingvarsson
ai@mbl.is
Matthias Müller, sem í síðustu
viku tók við af Martin Winterkorn
sem forstjóri hjá Volkswagen AG,
vill stokka bílarisann upp og gera
ákvarðanatöku skilvirkari. Bloom-
berg hefur þetta eftir ónafngreind-
um heimildarmanni. Müller, sem
áður stýrði Porsche, hafi aðstoðað
Winterkorn við að leggja drög að
slíkri stefnubreytingu og vilji inn-
leiða ný vinnubrögð án tafar.
Á föstudag var greint frá að
Volkswagen hygðist dreifa ákvarð-
anatöku og ábyrgð betur innan
samsteypunnar og færa stjórnend-
um tiltekinna markaðssvæða og
vörumerkja aukin völd. Til þessa
hefur það þótt einkenna stjórn-
unarhætti Volkswagen að vera
handstýrt frá höfuðstöðvunum í
Wolfsburg í Þýskalandi.
Eins og Morgunblaðið greindi
frá fyrir viku varð Volkswagen
uppvíst að svindli á útblásturspróf-
unum með hugbúnaði sem gat
greint hvenær prófun átti sér stað
og breytt gangi vélarinnar á með-
an. Svindlið hefur þegar haft af-
drifaríkar afleiðingar fyrir fyrir-
tækið og í liðinni viku lækkaði
markaðsvirði Volkswagen um
rösklega 30%, að sögn FT, eða um
u.þ.b. 20 milljarða evra, jafnvirði
um 2.865 milljarða króna. Til sam-
anburðar námu útgjöld íslenska
ríkisins samtals 640 milljörðum
króna á fjárlagafrumvarpinu fyrir
árið 2015.
Vissu að eitthvað var í ólagi
Í vikunni hefur fleira komið í
ljós um útblásturssvindlið. Þýska
dagblaðið Frankfurter Allgemeine
Sonntagszeitung greindi frá því á
sunnudag að tæknimenn Volks-
wagen hefðu uppgötvað svindlhug-
búnaðinn árið 2011 en stjórnendur
ekkert aðhafst. Jafnframt greindi
Bild am Sonntag frá því á sunnu-
dag að Bosch, sem býr til vél-
arhluti fyrir Volkswagen, hefði
þegar árið 2007 varað við þeim
möguleika að hægt væri að nota
hugbúnað Bosch til ólöglegra
verka.
Reuters segir að í dag séu í
notkun um 11 milljón díselbílar frá
Volkswagen, þar af 2,8 milljónir í
Þýskalandi, sem losa meira af
mengandi efnum en útblásturs-
prófanir gáfu til kynna. Hafa þýsk
stjórnvöld gefið bílaframleiðand-
anum frest til 7. október til að
gera áætlun sem miðar að því að
ná útblásturstölum díselvéla undir
þau mörk sem lög kveða á um.
Á sunnudag tilkynnti Evrópski
seðlabankinn (ECB) að bankinn
myndi gera tímabundið hlé á kaup-
um á skuldabréfum sem gefin hafa
verið út af Volkswagen, á meðan
lagt er mat á áhrif útblásturs-
hneykslisins. Er Volkswagen AG
einn stærsti útgefandi skuldabréfa
í Evrópu.
Müller vill breyta stjórnun-
arháttum hjá Volkswagen
 Þýskir fjölmiðlar segja tæknimenn hafa uppgötvað svindlhugbúnaðinn árið 2011
AFP
Þungi Nýr forstjóri Volkswagen AG, Matthias Müller á blaðamannafundi á föstudag. Samsteypan hefur lengi haft á
sér það orðspor að stjórnunarhættir séu óskilvirkir. Til stendur að gera ákvarðanatöku dreifðari.
Stjórn fjarskipta-
fyrirtækisins
Símans hf. hefur
óskað eftir því við
Nasdaq Iceland
að hlutabréf fé-
lagsins verði tek-
in til viðskipta á
aðalmarkaði.
Kemur þetta
fram í tilkynn-
ingu sem send var fjölmiðlum á
föstudagskvöld. Væntir Síminn þess
að viðskipti geti hafist 15. október.
Í aðdraganda skráningar á mark-
að mun fara fram almennt útboð á
hlutabréfum í Símanum. Dagana 5.
til 7. október mun Arion banki hf.
bjóða til sölu 18-21% eignarhlut í fé-
laginu. Mun stærð útboðsins nema á
bilinu 4,7 til 5,5 milljörðum króna
miðað við lágmarksgengi 2,7 krónur
á hlut. Myndi það samsvara því að
markaðsvirði alls hlutafjár í Síman-
um væri 26 milljarðar.
Verða tvær tilboðsbækur í boði
fyrir fjárfesta. Tilboðsbók A er fyrir
kaup að andvirði á bilinu 100 þúsund
upp í 10 milljónir króna. Verður þar
tekið við áskriftum á verðbilinu 2,7
til 3,1 krónur á hlut en endanlegt út-
boðsgengi ákvarðað af seljanda í lok
útboðs. Tilboðsbók B er fyrir áskrift-
ir að andvirði 10 milljónir króna og
meira, og lágmarksverð þar 2,7
krónur á hlut en ekkert hámarks-
verð. Verður eitt endanlegt útboðs-
gengi í tilboðsbók B ákvarðað af selj-
anda í lok útboðs, jafnt eða hærra en
útboðsgengi tilboðsbókar A.
Í tilkynningu er haft eftir Orra
Haukssyni forstjóra Símans að
skráning félagsins í kauphöll sé mik-
ilvægt skref. „Við teljum að félagið
sé vel í stakk búið til skráningar og
undirbúið fyrir þær áskoranir og að-
hald sem skráningu fylgir.“
ai@mbl.is
Síminn á
markað í
október
 Arion banki hyggst
selja 18-21% eignarhlut
Orri Hauksson