Morgunblaðið - 28.09.2015, Síða 18

18 UMRÆÐAN
MORGUNBLAÐIÐ MÁNUDAGUR 28. SEPTEMBER 2015
1. Notandi þarf að vera með fulla áskrift og
skráður á mbl.is
2. Það er gert á forsíðu mbl.is, efst í vinstra
horninu (Innskráning · nýskráning)
3. Þú færð Morgunblaðs-appið á App Store og
Play Store
4. Kennitala er skráð sem notandanafn
5. Lykilorð er það sama og á mbl.is
SVONA SKRÁIR ÞÚ ÞIG
Ef þú þarft frekari aðstoð hafðu þá samband
við okkur í síma 569 1100
VIÐBÓT FYRIR ÁSKRIFENDUR
v
Fáðu Moggann þinn hvar sem er og hvenær sem er
Nú fylgir Morgunblaðið í rafrænni útgáfu fyrir spjaldtölvur og snjallsíma
MOGGINN
ÁSKRIFENDUR ATHUGIÐ
*RAFRÆN ÚTGÁFA MORGUNBLAÐSINS, E-MOGGINN, FÆST BÆÐI FYRIR
IPAD OG ANDROID 2.2. OG NÝRRI ÚTGÁFUR.
**GILDIR FYRIR ÞÁ SEM ERU MEÐ FULLA ÁSKRIFT.
*
**
Viktor Orban, for-
sætisráðherra Ung-
verjalands, hvetur
Evrópusambandið til
að styrkja uppbygg-
ingu fyrir flóttafólk í
nágrannaríkjum Sýr-
lands. Í viðtali við
þýzka blaðið Bild legg-
ur hann til framlag til
þess um 450 milljarða
króna, ekki dugi minna
til að stemma stigu við straumi
sýrlenzks flóttafólks til Evrópu.
Þetta er ánægjuleg uppástunga
forsætisráðherrans ungverska, sem
glíma hefur þurft við gríðarlegan
straum flóttamanna og farandfólks
í gegnum landið á síðustu vikum.
Hann vill að stuðningurinn renni til
Tyrklands, Jórdaníu og Líbanons;
þar dvelja milljónir Sýrlendinga í
flóttamannabúðum við lakan kost
og versnandi. Styrkinn eigi að nýta
til að bæta kjör flóttafólks, svo að
það freistist síður til þess að halda
för sinni áfram til Evrópu. Hvert
ESB-land þurfi að borga 1% meira
en það gerir í dag í sameiginlega
sjóði sambandsins til að fjármagna
þessa áætlun, segir Orban. Dugi
það ekki, beri að hækka fjárstuðn-
inginn „unz flóttamannastraum-
urinn fjarar út“.
Þetta er jákvæðara framlag til
lausnar stærstu vandamála en sú
róttæka tillaga varakanzlarans
þýzka, Sigmars Gabriel, að tekin
verði inn hálf milljón flóttamanna á
þessu ári og meira í framhaldinu.
Takið einnig eftir þessu viðhorfi
Viktors Orban:
„Fólk sem kemur frá Tyrklandi,
Líbanon og Jórdaníu er ekki að
flýja lífshættu, að hans sögn, það
sé þegar komið í skjól. Það haldi
ekki til Evrópu í leit að öryggi,
heldur betra lífi, þýzku lífi eða
kannski sænsku. Fólk eigi hins
vegar enga grundvallarkröfu til
betra lífs, aðeins til þess að lifa við
öryggi og mannlega reisn.“ (Rúv
sagði frá.)
Það skyldi þó ekki
verða svo, að sá evr-
ópski stjórnmála-
maður, sem hvað
mest hefur verið
skammaður fyrir
hörku í garð innflytj-
enda á liðnum vikum,
reynist, þegar upp er
staðið, hinn nýtasti
tillögumaður og
hreinn bjarghringur
fyrir Evrópusam-
bandið, sem er komið
í algert klúður í sín-
um flóttamannamálum?
Athyglisvert var að heyra frétta-
flutning Ingólfs Bjarna Sigfússonar
í hádegisútvarpi Rúv 12. þ.m. Þar
kom m.a. fram, að farið er að
flokka flóttafólkið gróft séð í „tvær
þvögur fólks“, og er önnur fjöl-
skyldufólk, en hin ungir karlmenn,
og er sú þvagan mun stærri! Og
þetta eru karlmenn á her-
skyldualdri, menn frá átakalandinu
Sýrlandi, en einnig að hluta frá
Pakistan, Afganistan, Sómalíu og
Erítreu.
Sér það ekki hver maður með
vitglóru í kollinum, að þarna hefur
róttækum samtökum islamista ge-
fizt tækifæri til að lauma til Evr-
ópu sínum útsendurum, sem síðan
fá búsetu í hverju landinu á eftir
öðru? Hvar er eftirlitið og öryggið,
sem Schengen-samkomulagið átti
að tryggja?! Schengen hefur í
reynd verið varpað fyrir róða – öllu
heldur fyrir múslimska hálfmán-
ann!
Það er nákvæmlega ekkert
ómannúðlegt við þá tillögu Viktors
Orban, að byggð verði upp góð að-
staða fyrir flóttafólk í nágranna-
ríkjum Sýrlands. Tómt mál er að
tala um uppbyggingu í Sýrlandi
sjálfu í bili, þótt taka megi undir þá
tillögu háttsetts manns hjá SÞ, að
stórveldin geri allt hvað þau geti til
að enda stríðið, það eigi að geta
tekizt á einum mánuði. En þvert
gegn því eru Bandaríkjamenn,
Bretar og Frakkar annars vegar og
Rússar hins vegar að stefna þar að
enn meiri átökum með virkri að-
stoð við gagnstæða stríðsaðila.
Í nágrannaríkjum Sýrlands er
töluð sama arabískan og flestir
Sýrlendingar tala, ennfremur er
þar sama trúin að mestu og gagn-
kvæm aðlögun því auðveldari en í
Norðurálfunni. Verði þessum 450
milljörðum króna (og helzt meira)
varið til að byggja upp atvinnu-
tækifæri, veita fólki húsaskjól og
virðingarverða neyðarhjálp á með-
an, auk skólahalds fyrir börnin, þá
gæfust þarna tækifæri til að grafa
brunna, hefja áveitur, rækta upp
eyðilönd og ýta úr vör blómlegu at-
hafnalífi fyrir þetta stríðshrjáða
fólk … og atvinnulausa.
Styrkurinn (sem myndi raunar
borga sig afar vel fyrir ESB sjálft
og fyrir friðarhorfur framtíðar)
gæti þannig auðgað móttökulöndin
að nýjum efnahagshvata og öflugu
framlagi nýrra ríkisborgara til upp-
byggingar betra samfélags, jafnvel
framhaldsskóla allt upp í háskóla.
Og það er engin ástæða til að und-
anskilja lönd eins og Jórdaníu og
Saudi-Arabíu frá aðstoðinni. Og
sérstök ástæða væri fyrir Ísrael til
að sýna nú lit á því að leggja fram
skerf til þessara mála líka.
Þetta gæti orðið bezta leiðin til
að vestræn menning og miðaust-
urlenzk nái saman um það sem já-
kvætt er og gefandi, í stað alls þess
haturs og árekstra, allra þessara
uppreisna, borgarastyrjalda og inn-
rása, sem hafa verið einkennandi
fyrir samskipti ríkja Mið-Austur-
landa og annarra utanaðkomandi
frá því seint á síðustu öld. Því ber
að fagna þessu góða framtaki Vikt-
ors Orban.
Frábær ungversk lausn
á flóttamannavanda
Eftir Jón Val
Jensson » Þetta gæti orðið
bezta leiðin til að
vestræn menning og
miðausturlenzk nái
saman um það sem já-
kvætt er og gefandi.
Jón Valur Jensson
Höfundur er guðfræðingur,
ættfræðingur og prófarkalesari.
Fátt er meira rætt
en húsnæðisleysi
ungra Íslendinga sem
vart komast heiman
frá foreldrum sínum til
að leigja eða kaupa
íbúð á sanngjörnu
verði. Eins á fjöl-
skyldufólk og þeir sem
eldri eru margir hverj-
ir í erfiðleikum með að
halda húsnæði sínu
eða finna nýtt.
Gæti þéttur kjarni smáhýsa svar-
að kalli þessa fólks? Horfum til
breytinga í örugg, falleg og þægileg
bjálka- eða timburhús í burstabæj-
arstíl. Staðsetning slíkrar smáhýsa-
byggðar gæti verið víða, ég nefni
Álftanes í Garðabæ og Geldinganes í
Reykjavík. Margir aðrir staðir koma
til greina.
Hagur margra
Smáhýsabyggð er góður val-
kostur fyrir Reykjavíkurborg og ná-
grannasveitarfélög sem gætu lækk-
að kostnað nýbygginga á höfuð-
borgarsvæðinu. Margir tækju því
fagnandi að fá tækifæri til að festa
kaup á eða leigja smáhýsi í bursta-
bæjarstíl á fallegum stað við strönd-
ina.
Fýsilegur kaupendahópur eru Ís-
lendingar heima og erlendis, hót-
eleigendur og viðskiptamenn sem
gætu séð sér hag í því að fjárfesta í
slíkri byggð.
Borgarhlið
Reisulegt borgarhlið stendur við
smáhýsabyggðina sem skartar há-
reistum þökum og gefur henni fal-
legt og tignarlegt yfirbragð. Í borg-
arhliðinu er aðstaða fyrir starfs-
menn sem sjá um öryggismál og
rekstur svæðisins.
Smáhýsabyggðin sam-
anstendur ekki ein-
ungis af íbúðarhúsum
heldur er þar ýmis
þjónusta eins og mat-
vöruverslun, kaffihús
og banki.
Markaðstorg sjávar
og sveita
Nálægð við sjóinn
býður upp á marg-
víslega möguleika með
góðri aðkomu báta að
svæðinu. Björgunarsveitir gætu haft
hag af siglingum til og frá byggðinni.
Miðað við staðsetningu slíkrar
byggðar við ströndina er tilvalið að
hafa opið svæði sem hægt er að nýta
til ýmissa uppákoma árið um kring.
Má þar nefna markaðstorg þar sem
íslenskar afurðir eru kynntar og
seldar gestum og gangandi. Fjöldi
Íslendinga, ásamt straumi ferða-
manna, kæmi á slíkan stað.
Fyrstu skrefin
Smáhýsabyggð við sjávarsíðuna
með fegurð sólseturs og fjallasýnar
verður seint metin til fjár. Þarna
verður eftirsótt að búa fyrir fólk á
öllum aldri. Garðabær eða Geldinga-
nes gætu orðið fyrstu staðirnir þar
sem farið yrði í að reisa slíka byggð
smáhýsa, öllum til góðs. Margir
gætu fylgt á eftir.
Garðabær eða
Geldinganes
Eftir Gísli
Holgersson
Gísli Holgersson
» Smáhýsabyggð við
sjávarsíðuna með
fegurð sólseturs og
fjallasýnar verður seint
metin til fjár.
Höfundur er kaupmaður.
Það að vera á móti
eða hafa efasemdir
um sniðgöngu Reykja-
víkurborgar á ísr-
aelskum vörum hefur
ekkert með ást eða
hatur á mannrétt-
indum að gera.
Fyrir það fyrsta þá
er það nánast öruggt
að ákvörðun borg-
arinnar er brot á
stjórnarskrá sem
bannar mismunun á grundvelli
þjóðernis, trúarbragða, litarháttar
og þess háttar atriða.
Svo má benda á ýmsar skuld-
bindingar sem Íslendingar hafa
gengist undir á alþjóðavettvangi
sem hreinlega ganga gegn slíkri
sniðgöngu.
Ákvörðun borgarinnar hefur akk-
úrat ekkert lögformlegt gildi, held-
ur má frekar líta á hana sem van-
hugsaða yfirlýsingu sem skaðað
gæti bæði alþjóðlega og viðskipta-
lega hagsmuni Íslendinga.
Þegar þetta er skrifað hafa borist
fréttir af því að víða hafi erlendir
birgjar afþakkað íslenskar vörur,
annríki verið í mörgum sendiráðum
okkar og afpantanir ferðamanna á
ferðum hingað stóraukist. Allt
vegna þessa fádæmalausa kjána-
skapar borgarstjórnarmeirihlutans.
Það sýnir kannski best sjálf-
hverfu meirihlutans að hann telur
aðgerðirnar í lagi, þar sem þær
skaði ekki borgina beint. Það að
meirihlutinn hafi nánast talið þessa
sniðgöngu sitt einkamál og varla
meira en góða kveðju-
gjöf til fráfarandi borg-
arfulltrúa setur sjálf-
hverfu meirihlutans í
meistaraflokk og má
meirihlutinn eflaust
vænta doktorsgráðu
eða Nóbelsverðlauna
fyrir sjálfhverfu.
Ég tel að ríkisstjórn
Íslands verði að taka af
skarið og fordæma
þennan kjánaskap
borgarstjórnarmeiri-
hlutans og beita meiri-
hlutann þrýstingi til þess að falla
frá þessari ákvörðun sinni, sem
valdið getur margfalt meiri skaða
fyrir þjóðarbúið en nokkur getur
ímyndað sér. Hann er bara ekki í
boði lengur sá valkvæði misskiln-
ingur meirihlutans að telja starfs-
svið sitt allt annað en lög gera ráð
fyrir.
Það er bara engan veginn í lagi
að brjóta lög og ganga gegn alþjóð-
legum skuldbindingum okkar, þótt
okkur finnist einhverjir ein-
staklingar eða þjóðir brjóta lög eða
mannréttindi.
Doktorsgráða
í sjálfhverfu
Eftir Kristin Karl
Brynjarsson
Kristinn Karl
Brynjarsson
» Það er bara ekki í
boði lengur sá val-
kvæði misskilningur
meirihlutans að telja
starfssvið sitt allt annað
en lög gera ráð fyrir.
Höfundur er annar varaformaður
verkalýðsráðs Sjálfstæðisflokksins.