Iðjuþjálfinn - 01.05.2007, Síða 4

Nú er hið frábæra 30 ára afmælis­ár að baki og við taka önnur en ekki síður spennandi verk­
efni. Allir atburðir afmælisársins tókust
einstaklega vel, jafnt málþingin, sem
skólatöskudagar og ekki síst ráðstefnan
í lok september og glæsilegt afmælishóf
í lok hennar. Þetta er einungis mögu­
legt vegna þess að félagsmenn eru virk­
ir, bæði í að leggja fram efni sem og að
mæta og taka þátt í umræðum. Á ráð­
stefnunni kynntu 80 iðjuþjálfar rann­
sóknir sínar í erindum og á veggspjöld­
um. Geri aðrir betur í 189 manna
félagi.
Mikil aukning hefur orðið á um­
fjöllun um iðjuþjálfun í fjölmiðlum á
undanförnum árum. Þetta hefur skilað
sér í því að fleiri landsmenn þekkja
hvaða þjónustu iðjuþjálfar veita og
eftirspurn eftir þjónustu iðjuþjálfa
hefur aukist. Fólk sem þarf á þjónustu
heilbrigðiskerfisins að halda, gerir kröf­
ur um að njóta þjónustu iðjuþjálfa en
því miður er hún allt of víða af skorn­
um skammti. Dæmi um það er mann­
ekla á stærsta sjúkrahúsi landsins, Land­
spítala Háskólasjúkrahúsi en þar eru
yfir 10 stöður iðjuþjálfa ómannaðar á
öllum deildum spítalans. Sömu sögu er
að segja um fleiri staði. Það liggur í
augum uppi að eftirspurn eftir þjónustu
iðjuþjálfa er langt umfram framboð.
Þrátt fyrir mikla fjölgun í stéttinni með
tilkomu námsbrautar í iðjuþjálfun við
Háskólann á Akureyri næst engan veg­
inn að anna eftirspurn, útskrifa þarf
fleiri iðjuþjálfa. Á nýafstöðnum aðal­
fundi Iðjuþjálfafélags Íslands kynnti
Guðrún Pálmadóttir, brautarstjóri í
iðjuþjálfun við Háskólann á Akureyri,
tölulegar upplýsingar um nýliðun í
stéttinni út frá brautskráningu frá
Háskólanum á Akureyri. Frá fyrstu
brautskráningu árið 2001 hafa 77 iðju­
þjálfar lokið námi eða að meðaltali 13
á ári. Fyrstu 2 árin sem námsbrautin
starfaði var fjöldatakmörkun 15 nem­
endur á ári en 1999 var hún hækkuð í
18. Af þessum 77 iðjuþjálfum sem hafa
brautskráðst eru 33 búsettir á Norður­
landi eystra, 30 á höfuðborgarsvæðinu,
8 annars staðar á landinu og 6 eru
búsettir utan Íslands. Alltaf eru ein­
hverjir sem kjósa að fara til náms í
öðrum löndum og teljast þeir ekki með
í þessum upplýsingum.
Það er vissulega ánægjulegt hversu
margir iðjuþjálfar eru starfandi á lands­
byggðinni og hversu fjölbreyttum störf­
um þeir sinna en það er nokkurt
áhyggjuefni ef ekki tekst að manna
stöður á höfðuðborgarsvæðinu.
Það er ljóst að eitt af megin verk­
efnum stjórnar IÞÍ á næstu árum er að
stuðla að fjölgun í stéttinni með öllum
ráðum. Það er einnig mikilvægt að allir
félagsmenn taki þátt í að kynna
iðjuþjálfun ekki síst fyrir ungu fólki
sem er að velta fyrir sér framtíðarstarfi.
Haldið áfram því góða starfi sem þið
vinnið því þau eru mikilvægsta auglýs­
ingin.
Lilja Ingvarsson formaður
Pistill formanns
■ Lilja Ingvarsson, formaður IÞÍ
 • IÐJUÞJÁLFINN 1 / 2007