Iðjuþjálfinn - 01.08.2011, Side 38

38 • IðjuþjálfInn 1/2011
Fjóla Eðvarðsdóttir,
listmeðferðarfræðingur og
þroskaþjálfi á Hrafnistu
Sigurbjörg Hannesdóttir,
iðjuþjálfi og deildarstjóri iðjuþjálfunar
og félagsstarfs Hrafnistu Reykjavík
Á Hrafnistu í Kópavogi og í Reykjavík er starfandi sólskinsklúbbur. Í sólskins­
klúbbnum er unnið út frá hugmyndafræði
sem heitir Lífsneistinn (Spark of life). Höf­
undur þessarar hugmyndafræði heitir Jane
Verity og er iðjuþjálfi og fjölskyldu ráðgjafi
að mennt og er auk þess með meistara­
gráðu í Neuro­Linguistic Programming
(NLP). Á Norðurlöndum er hún mentor
hugmyndafræðinnar Eden Alternative og
ber þar með ábyrgð á kennslu á henni í
þeim löndum. Lífsneistinn byggir á breyttu
viðhorfi sem færir áhersluna frá sjúkra hús­
módeli yfir í módel sem kallað er líf. Þar fær
manneskjan að vaxa og dafna í umhverfi
sem er heimili frekar en stofnun. Nálgun
Lífsneistans gerir fólki með heilabilun kleift
að vaxa og dafna, sama á hvaða stigi sjúk­
dómurinn er.
Markmiðið með
sólskinsklúbbnum er
• Að styrkja sjálfsmynd einstaklingsins
með þátttöku í klúbbastarfinu
• Að einstaklingurinn finni að hann
geri gagn og sé mikilvægur hluti af
klúbbastarfinu
• Sjálfsefling einstaklingsins, til dæmis
með vali á því sem fer fram í klúbbnum
• Að styrkja samkennd
• Að skapa vettvang fyrir umhyggjuríkt
umhverfi
Sólskinsklúbburinn hittist einu sinni í viku í
átta skipti og við erum saman í 90 mínútur.
Í hverjum klúbb eru sex heimilismenn
og tveir starfsmenn. Stjórnendur hópsins
velja í klúbbinn í samráði við deildarstjóra.
Markhópurinn er einstaklingar með
sjúkdómsgreininguna heilabilun.
Mikilvægt er að þeir séu á svipuðu stigi
í sjúkdómsferlinu. Nauðsynlegt er að
ramminn í kringum klúbbastarfið sé skýr.
Gott er að hafa rúmgott rými og aðgang að
eldhúsi. Það verður að vera pláss fyrir dans,
boltaleik og fleira. Einnig þarf rýmið að vera
þannig að hvorki sé hægt að horfa inn né
út úr því og að engin umferð sé í gegnum
það. Þetta er til að koma í veg fyrir truflanir
í klúbbastarfinu.
Starfsmenn skipta með sér verkum
frá upphafi. Annar starfsmaðurinn hefur
umsjón með að bjóða í klúbbinn og
fer til hvers og eins sérstaklega. Hinn
starfsmaðurinn hefur umsjón með að taka á
móti og bjóða alla velkomna. Mikið er lagt
upp úr sterkum litum í sólskinsklúbbnum
og starfsmenn klæðast litríkum fötum og
skreyta sig blómakransi og nafnspjaldi
klúbbsins. Eins er hengd upp stór sól sem
er tákn klúbbsins við innganginn. Hverjum
og einum er boðið við komu blómakrans
og nafnspjald, hér er lagt upp með að
einstaklingurinn velji sjálfur.
Segja má að skipulag klúbbsins sé
í fimm liðum og alltaf eins:
• Að mynda tengsl við einstaklinginn
þegar hann er sóttur og boðið í klúbbinn
• Innkoman í klúbbinn
• Leikur og gleði, hér er boðið upp á ýmsa
leiki, söng og dans
• Kaffiboð, þar sem boðið er til veislu.
Lögð er áhersla á að borðið sé fallega
skreytt og aðlaðandi og veitingar góðar
• Heimfylgd og kveðja
Tilgangur klúbbsins er að mynda tengsl
á forsendum einstaklingsins, að kveikja á
lífsneista hans í gegnum gleði og leik og rjúfa
einangrun, að auka samskipti og tjáningu
á forsendum einstaklingsins, yrt og óyrt,
og að laða fram færni. En megintilgangur
klúbbsins er að skapa gleðistund, algerlega
á forsendum hvers og eins. Það eru engin
árangurstengd verkefni né nein hegðun
leiðrétt. Allt er rétt og ekkert er rangt! Lögð
er áhersla á núið og að umræðan sé á því
stigi að einstaklingurinn ráði alltaf við hana,
og að laða fram það besta í fólki og finna
lífsneistann. Hvað kveikir gleði? Samskiptin
eru margs konar í klúbbastarfinu og því
Lífsneistinn á Hrafnistu