Skólavarðan - 01.09.2007, Síða 26

26
FRÉTTIR OG TILKYNNINGAR
SKÓLAVARÐAN 6.TBL. 7. ÁRG. 2007
Dagana 18. og 19. október verður haldið
árlegt málþing Kennaraháskóla Íslands.
Málþingið ber yfirskriftina Maður brýnir
mann: Samskipti, umhyggja, samábyrgð.
Málþingið er vettvangur þeirra sem vilja
koma rannsóknum og þróunar- og
nýbreytnistarfi á framfæri til fagstétta
sem starfa við menntun og þjálfun.
Aðalfyrirlesari í ár er dr. Ingólfur Ásgeir
Jóhannesson, prófessor við Háskólann
á Akureyri. Fyrirlesturinn nefnir hann
Umhyggjan á heima í öllum skólum: Hlut-
verk, viðfangsefni og sjálfsmynd kennara á
21. öld.
Þetta er gífurlega spennandi og víð-
feðmt viðfangsefni og gaman að heyra
hvað um það verður í meðförum jafn
fjölhæfs og skemmtilegs fræðimanns
og Ingólfur er. Hann hyggst fara yfir
breytingar á kröfum og viðhorfum til
kennara og heldur því fram að umhyggja
í starfi kennara sé fremur faglegt gildi
en persónulegur eiginleiki einstaklinga.
Hann segir meðal annars frá kenningum
bandaríska heimspekingsins Jane Roland
Martin um að umhyggja, áhugi og tengsl
(care, concern, connection) séu hluti
menningararfsins.
Ingólfur veltir líka fyrir sér ólíkum
kröfum til karla og kvenna í kennslu-
störfum og áhrifum hnattvæðingar og
breytinga á fjölskyldugerð á hlutverk
og viðfangsefni kennara. Þá ræðir
hann möguleika á því að skólakerfi og
samfélag breyti rótgrónum hugmyndum
um námsárangur þannig að þær rúmi
umhyggju sem kjarna skólastarfsins.
Fyrirlestur Ingólfs er kl. 14:40 – 15:30 á
fimmtudeginum 18. október. Dagskráin í
heild er á www.khi.is
eTwinningvikur
17. september til
19. október!
eTwinning, menntaáætlun ESB um
rafrænt skólasamstarf, er nú komin í
fullan gang við upphaf nýs skólaárs.
eTwinning er einföld, óformleg en
gagnleg leið til að virkja nemendur,
auka vægi upplýsingatækni og styrkja
alþjóðatengsl kennara og skóla.
eTwinningvikur standa nú yfir og fram
til og 19. október. Íslenskir kennarar sem
skrá sig í eTwinning fara í lukkupott og
fá tveir þeirra iPod nano af nýrri kynslóð
í vinning. Einnig verður tveimur þeirra
kennara sem skrá sig í verkefni boðið á
stórhátíð eTwinning í Evrópu sem haldin
verður í ársbyrjun. Frekari upplýsingar á
www.etwinning.is
Með þátttöku í eTwinning fá kennarar
aðgang að eigin vefsvæði sem auðveldar
leit að samstarfsaðilum og greiðir fyrir
samskiptum. Þegar samstarfsverkefni er
komið á laggirnar opnast aðgangur að
öruggri vefkennslustofu sem auðveldar
verkefnavinnuna. Aðgangur að þessum
vefsvæðum kostar ekkert. Jafnframt býður
eTwinning upp á stuðning og ráðgjöf
endurgjaldslaust.
Íslenskir skólar hafa verið virkir
þátttakendur síðan áætluninni var hleypt
af stokkunum í byrjun árs 2005. eTwinning
er smátt og smátt að festa sig í sessi og í
lok síðasta skólaárs hafði um fjórðungur
grunn- og framhaldsskóla skráð sig.
Í fyrra var landskeppni eTwinning haldin
í fyrsta skipti. Veitt voru glæsileg verðlaun
bæði í flokki grunn- og framhaldsskóla.
Sigurvegarar voru Síðuskóli, Fjölbrautaskóli
Norðurlands vestra, Varmárskóli og
Verslunarskólinn. Í ljósi þess hve vel tókst
til verður leikurinn endurtekinn á þessu
skólaári.
Landskrifstofa eTwinning er
Alþjóðaskrifstofa háskólastigsins.
www.etwinning.is
Maður brýnir mann Ingólfur Ásgeir með heitan fyrirlestur á málþingi KHÍ 18. og 19. október