Skólavarðan - 01.03.2001, Blaðsíða 5

Ásókn í orlofshúsin var gífurleg fyrir pásk-
ana og að sögn Hilmars er hún alltaf að
aukast. „Áður en frestur rann út sóttu 120
manns um hús og fjölmargir bættust í hóp-
inn eftir á. Til úthlutunar voru 34 leiguein-
ingar á Flúðum, í Kjarnaskógi og á Sóleyj-
argötu í Reykjavík. Það er því ljóst að þörf
er fyrir aukið húsnæði.“
Ferðablað Orlofssjóðs KÍ 2001 er ný-
komið út. Hilmar segir að enn sé að bætast
við framboð á orlofshúsnæði. „Sumarið
2000 voru 780 leiguvikur til umráða fyrir
félagsmenn en sýnt er að þær verða fleiri en
800 á komandi sumri.“ Hilmar bendir á að
leiguverð orlofshúsa KÍ sé afar hagstætt og
einnig er það til hagsbóta fyrir félagsmenn
að leiga er mishá eftir því hversu stór og vel
búin húsin eru. „25% af tekjum Orlofs-
sjóðs, eða ríflega sex miljónir, eru notaðar
til að niðurgreiða leigu í sumarúthlutun.
Hæsta vikuleiga hjá okkur er 16 þúsund
krónur, en til samanburðar má nefna að
verð á almennum markaði er 35-40 þúsund.
Vegna þess að við leigjum húsin allt sumar-
ið næst leiga nokkuð niður og til viðbótar
kemur okkar niðurgreiðsla.“
Þann 24. febrúar sl. var tekin fyrsta
skóflustunga að nýjum orlofshúsum við
Háumóa í Heiðarbyggð sem er í landi Ása-
túns í Hrunamannahreppi. Síðastliðið haust
fór fram forval um smíði nýrra orlofshúsa í
Heiðarbyggð. Stefnt er að því að byggja
sautján hús á svæðinu en í fyrsta áfanga er
gert ráð fyrir að byggja sex. Um er að ræða
timburhús á steyptum grunni, klædd með
aluzinc að utan. Húsin eru 87,1 m2 að flat-
armáli (rúmmál 313 m3) og við hvert þeirra
verður um það bil 30 fermetra verönd með
setlaug. Stefnt er að því að taka fyrstu húsin
í notkun sumarið 2002.
„Reynslan sýnir að það vantar hús sem
geta hýst tvær fjölskyldur,“ segir Hilmar.
„Þess vegna var tekin ákvörðun um að
byggja svona stór hús. Albína Thordarson
arkitekt var fengin til að teikna þau, hún er
svolítið framúrstefnuleg og með skemmti-
legar hugmyndir. Þetta eru vönduð hús og
þurfa lítið viðhald. Þau verða búin leður-
húsgögnum og öllum helstu heimilistækj-
um, þ.m.t. uppþvottavél. Þetta eru glæsileg
og falleg hús þar sem aðbúnaður er eins og
hann getur bestur orðið.“
Pöntunarþjónusta á netinu
Kennarasamband Íslands er fyrsta
stéttarfélagið sem tekur upp þá ný-
breytni að bjóða pantanir á netinu.
„Veflausnir er sú leið sem almennt er
farin í ferðageiranum og við ætlum að
fara hana líka,“ segir Hilmar. „Okkar
markmið er að bæta þjónustu við
félaga og gera rekstur hagkvæmari. Í
tengslum við þetta erum við að breyta
greiðslufyrirkomulagi og taka upp staðfest-
ingargjald frá og með 1. júní. Öll leiga er
greidd við úthlutun eða pöntun ef ljóst er
að húsin eru laus. Hluti leiguverðs er stað-
festingargjald þannig að ef fólk afpantar
með minna en tveggja vikna fyrirvara er
20% leiguverðs haldið eftir, en sé afpantað
með lengri fyrirvara er öll leiguupphæðin
endurgreidd. Endurgreiðsla verður reikni-
færð í banka og þetta sparar mikið í sím-
hringingum og viðtölum.“
Í framtíðinni mun fólk geta pantað og
borgað á netinu en enn um sinn er einungis
pöntunarþjónustan í boði. „Þegar fram í
sækir verða lausar vikur settar beint inn á
vefinn og fólk getur fest sér þær og borgað
um leið. Sumar- og páskaleiga er eftir sem
áður háð úthlutun, en að vetri til og þegar
einhver afpantar að sumri eða um páska
verður semsagt hægt að gera þetta svona ef
fólk vill. Að sjálfsögðu verður gamla leiðin
samt enn fær,“ segir Hilmar og brosir,
„enda ekki allir með kort eða á netinu.“
Fleira á döfinni
Ýmislegt fleira er á döfinni hjá orlofs-
nefnd. Meðal annars er verið að athuga
með kaup á húsi í Reykjavík og öðru á Ak-
ureyri. „Við höfum gert tilboð í nokkur hús
í Reykjavík en það hefur ekki skilað ár-
angri,“ segir Hilmar. „Ekki stendur til að
selja á Sóleyjargötunni en það kom þó til
álita þegar boðið var í mjög stórt hús á
Túngötu. Það mál er ekki frágengið, en
markmiðið er að tvöfalda framboð í
Reykjavík. Við vitum þó ekki nákvæmlega
hver þörfin er vegna þess að fólk skráir sig
ekki á biðlista. Ef það kemur til Reykjavíkur
og fær ekki inni á Sóleyjargötu fer það til
vina og ættingja.
Einnig er í athugun að kaupa hús á Akur-
eyri en þar er mikil eftirspurn. Jafnframt
höfum við kannað uppbyggingu á Steins-
stöðum í Skagafirði þar sem sveitarfélagið
bauð okkur land, en það mál er í biðstöðu,“
segir Hilmar að lokum.
keg
Viðta l
6
„Í páskaúthlutun er einungis ráðstaf-
að þeim leigueiningum sem Kennara-
sambandið á,“ segir Hilmar Ingólfs-
son stjórnarformaður Orlofssjóðs. „Á
sumrin höfum við hins vegar mun
fleiri einingar til ráðstöfunar vegna
þess að þá framleigjum við fullt af
íbúðum og sumarhúsum. Í sumar mun-
um við nánast anna eftirspurn á þenn-
an hátt, með framleigu húsnæðis.“
Ástæðan? Gífurleg eftirspurn
Allir vilja
Færri fá