Skólavarðan - 01.03.2001, Blaðsíða 23

Frá skólamálaráði
25
Í skólamálaráði KÍ sitja allir fulltrúar í
skólamálanefndum félaga innan KÍ ásamt
formanni skólamálaráðs, samtals 27 manns.
Mesta faglega starfið innan KÍ fer fram í
skólamálanefndum félaganna. Skólamálaráð
hittist einu sinni á ári en á milli ársfunda
starfar framkvæmdastjórn þess sem í sitja
formenn skólamálanefnda félaga og for-
maður skólamálaráðs.
Hlutverk skólamálaráðs er að fjalla um
uppeldis- og skólamál á hverjum tíma, vera
stjórn KÍ til ráðuneytis um stefnumörkun í
skólamálum, fjalla um mál sem tengjast fag-
legri menntun félagsmanna, halda ráð-
stefnu eða þing á hverju kjörtímabili
og fjalla um skólastefnu Kennarasambands
Íslands.
Ársfundur 2000 — kennaramenntun
Ársfundur skólamálaráðs KÍ var haldinn
á Grand Hóteli þann 22. september 2000.
Þar hittust fulltrúar í skólamálaráði ásamt
gestum fundarins, sem voru formenn aðild-
arfélaga KÍ, og Eiríkur Jónsson formaður
KÍ sem flutti ávarp í upphafi fundarins.
Fundarstjóri var Bjarni Ólafsson. Megin-
viðfangsefnið var kennaramenntun á Ís-
landi, bæði grunn- og endurmenntun.
Breytingar á grunnmenntun
Auður Torfadóttir deildarforseti grunn-
deildar KHÍ, Guðmundur Heiðar Frí-
mannsson forstöðumaður kennaradeildar
HA og Hafdís Ingvarsdóttir lektor við
félagsvísindadeild HÍ fluttu erindi um
grunnmenntun kennara.
Auður fjallaði um breytingar á grunn-
námi fyrir grunnskólakennara í kjölfar sam-
einingar fjögurra menntunarstofnana í einn
Kennaraháskóla Íslands 1997. Helstu
breytingarnar felast í því að nú er aukin
breidd fyrir kennara yngri barna og miðstig
en sérhæfing í kennslugrein eykst hjá kenn-
urum elstu aldurshópanna. Meiri áhersla er
lögð á íslenskukennslu og upplýsingatækni
og val nemenda og sjálfstæði þeirra í námi
eykst.
Guðmundur lýsti þeim breytingum sem
gerðar hafa verið á kennaranámi við HA á
síðasta ári. Sérhæfing var aukin en því er nú
skipt í yngri og eldri barna svið. Það síðara
skiptist síðan í raungreinar og hugvísindi.
Sérstök áhersla hefur verið lögð á vett-
vangsnám kennaranema og að sinna
menntun kennara fyrir fámenna skóla.
Bæði Auður og Guðmundur töldu æski-
legt að lengja kennaranámið í fjögur ár.
Hafdís fjallaði um helstu þróunarsvið
innan kennsluréttindanámsins við HÍ und-
anfarið en þau eru í fyrsta lagi ígrundun
(reflection) nemenda um nám sitt, til dæmis
með því að láta þá skrifa starfskenningar
sínar bæði að hausti og vori, færa dagbók í
æfingakennslu og útbúa ferilmöppu, í öðru
lagi efling æfingakennslunnar því að sögn
Hafdísar virðist hún vera sá þáttur sem hef-
ur mest áhrif á nemendur, í þriðja lagi upp-
lýsingatækni, sem er orðin fastur liður í
náminu og fer fram í fjarkennslu, og í
fjórða lagi að bjóða upp á kennsluréttinda-
námið í fjarkennslu.
Endurmenntun
Rósa Eggertsdóttir sérfræðingur á skóla-
þróunarsviði Rannsóknarstofnunar HA,
Karl Kristjánsson deildarsérfræðingur í
menntamálaráðuneytinu og Eiríkur Jóns-
son formaður KÍ og fulltrúi þess í stjórn
endurmenntunarsjóðs grunnskóla fluttu er-
indi um endurmenntun.
Rósa ræddi um starfsþróun kennara og
endurmenntun. Hún gagnrýndi fyrirkomu-
lag endurmenntunar, telur að hún sé ekki
nógu vel sniðin að þörfum einstakra skóla
og að lítið rúm sé fyrir kennara til að læra
ný vinnubrögð. Hún leggur áherslu á að
endurmenntunin fari fram á vettvangi inni í
kennslustofunum, að hún stjórnist af mark-
miðum skólans og verði sjálfsagður hluti af
starfsþróun kennara.
Karl lýsti skipulagi endurmenntunar fyrir
framhaldsskólakennara og fjallaði um aukna
áherslu á vettvangsnám úti í skólunum sem
mætir þörfum kennara fyrir endurmenntun
á starfstíma skóla og tengir saman endur-
menntun og þróunarstarf í skólunum.
Eiríkur fjallaði um úthlutunarreglur og
framkvæmd úthlutunar úr endurmenntunar-
sjóði grunnskóla sem hefur starfað í tvö ár.
Félag íslenskra leikskólakennara
Í lok ársfundarins kynntu Elna Katrín
Jónsdóttir formaður FF og Björg Bjarna-
dóttir formaður FÍL starf nefndar vegna
umsóknar FÍL um inngöngu í KÍ.
Skólamálaþing 2001
Kennarasamband Íslands mun halda skóla-
málaþing í samstarfi við Félag íslenskra leik-
skólakennara á þessu ári. Þingið verður haldið
í Reykjavík og á Akureyri í september.
Umfjöllunarefnið á skólamálaþinginu
verður fagmennska kennara og breytingar á
skólastarfi og munu bæði erlendir og inn-
lendir fyrirlesarar fjalla um það út frá ólík-
um sjónarhornum. Efnið er valið í ljósi þess
að á skólastigunum þremur, þ.e. í leik-,
grunn- og framhaldsskólum, hafa nýjar
námskrár tekið gildi á síðustu árum og í ár
voru gerðir nýir kjarasamningar sem eiga
að auka möguleika og svigrúm skólanna til
að laga skólastarfið að nýrri námskrá.
Hjördís Þorgeirsdóttir
Formaður skólamálaráðs KÍ
Breytingar á kennaramenntun
Ársfundur skólamálaráðs KÍ var hald-
inn sl. haust og framundan er skóla-
málaþing í samstarfi við Félag ís-
lenskra leikskólakennara. Hjördís Þor-
geirsdóttir formaður ráðsins segir frá.