Skólavarðan - 01.03.2001, Blaðsíða 15

Heimsóknin
17
sviði ferðamála. Fyrsta önnin er sameigin-
legt grunnnám. Að henni lokinni skiptist
námið annars vegar í hótel- og gestamót-
tökunám, sem lýkur með starfsþjálfun á
hóteli eða veitingahúsi, og hins vegar sér-
hæfðara ferðafræðinám sem spannar alls
þrjár annir og miðast m.a. við störf við
upplýsingaþjónustu á sviði ferðamála og
störf á ferðaskrifstofum.
Auk starfstengda ferðamálanámsins býð-
ur Ferðamálaskóli MK upp á alþjóðlegt
IATA-UFTAA nám. Um er að ræða staðl-
að nám sem miðar að því að þjálfa einstak-
linga til starfa við alþjóðleg bókunarkerfi
ferðaskrifstofa og flugfélaga og er það
skipulagt af Alþjóðaflugmálastofnuninni í
Sviss. ,,Við fáum öll kennslugögn þaðan og
kennslan fer að mestu leyti fram á ensku.
Prófin koma líka frá Sviss og þau eru yfir-
farin þar. Þetta er tveggja anna nám sem
veitir nemendum alþjóðleg réttindi til að
starfa hjá flugfélögum og ferðaskrifstofum.“
Nú er í undirbúningi ný námsbraut
ferðamálaskólans í samstarfi við flugfélögin.
Það er flugþjónustubraut fyrir verðandi
flugliða. Búist er við að hún eigi eftir að
verða mjög vinsæl.
Þriðja meginstoðin í ferðamála-
námi MK er Leiðsöguskólinn. Mark-
mið með náminu er að þjálfa nem-
endur til að veita erlendum ferða-
mönnum leiðsögn um landið. Þetta
er sérnám eftir stúdentspróf og út-
skrifast nemendur eftir einn vetur
sem leiðsögumenn á a.m.k. einu er-
lendu tungumáli.
Það vekur athygli að þó að
Menntaskólinn í Kópavogi tengist
matvælagreinum í ríkara mæli en
aðrir skólar landsins hefur hann lítil
tengsl við sjávarútveginn. Fisk-
vinnsluskólinn í Hafnarfirði braut-
skráir fiskiðnaðarmenn sem geta tek-
ið að sér gæða-, verk- og framleiðslu-
stjórnun í fiskvinnslufyrirtækjum og
er í raun eini skólinn á matvælasviði
sem tengist fiskvinnslufyrirtækjum.
„Þegar þessi skóli var byggður var sú
ákvörðun tekin að hér skyldi fara fram viss
kennsla sem tengdist fiskiðnaði, einkum
framleiðsla á fullunnum réttum. Ekki var
gert ráð fyrir að við menntuðum fólk til
starfa í frystihúsum en það hefur Fisk-
vinnsluskólinn í Hafnarfirði séð um. Hér er
hins vegar sérbúin aðstaða fyrir þessa
kennslu og er það eina rýmið í húsinu sem
ekki er ennþá að fullu nýtt. Ekki hefur ver-
ið mótuð endanleg stefna um hvað eigi að
kenna á þessu sviði, hvernig námið eigi að
vera, eða hversu langt. Þetta hefur verið á
undirbúningsstigi í um það bil tvö ár og ég
tel að kominn sé tími til að það komist á
framkvæmdastig.“
Lykilnám í íslensku atvinnulífi
MK er eini framhaldsskólinn í Kópavogi.
Hvernig sér skólameistari fyrir sér áfram-
haldandi þróun skólans? ,,Við erum í nokk-
urri húsnæðisþröng hér í Kópavogi. Bæjar-
félagið hefur stækkað mikið á undanförnum
árum með þeim afleiðingum að þessi eini
framhaldsskóli bæjarins getur nú ekki tekið
við nema hluta þeirra framhaldsskólanema
sem eiga heima í bæjarfélaginu. Mikil um-
ræða er í gangi um hvort stækka eigi skól-
ann eða byggja nýjan. Menn hafa ekki kom-
ist að niðurstöðu um þetta enn, en ég er
þeirrar skoðunar að gera eigi hvort tveggja.
Það má enn stækka þennan skóla, bæta við
nokkrum bóklegum kennslustofum, en
einnig þarf að byggja nýjan skóla í ein-
hverju af nýjum hverfum bæjarins. Annars
sé ég fyrir mér að Menntaskólinn í Kópa-
vogi haldi áfram að þróast á þeim sérsvið-
um sem hann starfar nú, þ.e. á ferðamála-
sviðinu og hótel- og matvælasviðinu.Ég tel
ljóst að í framhaldi af þeirri góðu aðstöðu
sem búið er að koma hér upp munum við
halda áfram að þróa kennslu á þessum svið-
um samhliða því sem við munum að sjálf-
sögðu leggja mikla áherslu á sterkan bók-
námsskóla. Ég hef fylgt þeirri stefnu að
ekki eigi að bjóða hér upp á alla skapaða
hluti heldur takmarka námsframboðið við
tiltekin svið. Ég sé ekki fram á að við förum
að bjóða upp á fleiri iðngreinar en hér eru
fyrir. Við ætlum að vinna áfram á þeim
sviðum sem við höfum sérhæft okkur á og
ætlum að gera það vel. Vaxtarbroddurinn í
íslensku atvinnulífi er einmitt í
ferðaþjónustu og matvælagreinum,
þess vegna er námið sem hér er í
boði lykilnám fyrir þróun íslensks
atvinnulífs,“ segir Margrét Friðriks-
dóttir að lokum.
Helgi E. Helgason
Ljósmyndir : Arnaldur Hal ldórsson og Jón Svavarsson