Skólavarðan - 01.03.2001, Blaðsíða 16

Sjónarmið
18
Ég ákvað að senda Skólavörðunni þessa
grein þótt langt verði liðið frá atkvæða-
greiðslunni þegar hún birtist.
Formaður FG lét hafa eftir sér í fjölmiðl-
um að hún hefði viljað að fleiri samþykktu
samninginn og kenndi því um að rangar
túlkanir og blekkingar hefðu verið í gangi.
Þessar röngu túlkanir eru sem sagt aðrar en
þær sem forysta félagsins lét frá sér fara.
Nú er það svo að þegar kjarasamningar eru
gerðir hafa menn á þeim misjafnar skoðanir
og það er enginn einn réttur handhafi sann-
leikans í því máli. Ekki einu sinni þeir sem
eru í forystu.
Ég er einn þeirra sem tók eindregna af-
stöðu gegn samningnum. Það var ekkert
einfalt mál. Sumt er gott í samningnum en
annað slæmt. Niðurstaða mín var sú að
gallarnir vægju mun þyngra en kostirnir.
Kauphækkun greidd með vinnu
Samkvæmt samningnum er nemenda-
dögum fjölgað um tíu og starfsdögum
kennara um tvo. Þessir tólf dagar eru við-
bót við vinnu kennara. Laun fyrir þessa
vinnu tel ég ekki til launahækkunar heldur
er einfaldlega verið að kaupa meiri vinnu af
kennurum.
Mér er svarað með því að vinnu-
vikan yfir veturinn styttist sem þessu
nemur. Hver er styttingin? Jú, und-
irbúningur undir kennslu er styttur.
Með öðrum orðum, næsta vetur eiga
grunnskólakennarar að hugsa sem
svo: Ég á að vinna fleiri daga en í
staðinn á ég að eyða minni tíma í að
undirbúa kennslustundir!
Vitaskuld gerir enginn kennari
þetta. Þetta er orðaleikur sem marg-
ir kennarar sætta sig ekki við. Þessir
dagar eru aukin vinna. Líklega er
það einsdæmi að launamenn semji
um meiri vinnu á þennan hátt!
Önnur atriði
Önnur atriði sem taka varð með í reikn-
inginn eru meiri vinna undir verkstjórn
skólastjóra, afnám kennsluafsláttar og sú
staðreynd að flestöll sveitarfélög höfðu gert
viðbótarsamninga við kennara. Ég lít á
þetta sem frádrátt frá launahækkuninni.
Reyndar held ég að það sé einsdæmi að
stéttarfélag skili aftur launahækkun með
þökkum fyrir lánið eins og gert er varðandi
viðbótarhækkanirnar.
Á móti kemur að grunnlaun kennara
hækka og þau laun fá þeir greidd allt árið.
Einnig má nefna launaflokkana tvo eða þrjá
sem skólastjóri hefur til umráða. Þeir eru
einn af kostum samningsins. Á hinn bóginn
var ekki annað að skilja á þeim sem kynnti
samninginn í mínum skóla en að kennarar
ættu að reikna með að skólastjóraflokkun-
um yrði skipt meira og minna jafnt milli
allra. Það gengur þvert á hugsunina með
þessum flokkum.
Þá er mjög stór galli á samningnum að
hann gefur nánast engar launahækkanir
fyrstu átta mánuðina.
Ég gæti rætt ýms fleiri atriði en læt staðar
numið enda verður ekki aftur snúið: Meiri-
hluti kennara samþykkti samninginn. Því
miður.
Kynningin slæm?
Guðrún Ebba lét hafa eftir sér að kynn-
ingin á samningnum hefði ekki verið nógu
góð. Það má vel vera. Ég var aðeins við-
staddur kynningu forystumanns FG í mín-
um skóla. Hún var að mínu mati mjög vill-
andi. Ég öðlaðist miklu betri yfirsýn með
því að skoða samninginn rækilega. En léleg
kynning skýrir ekki andstöðuna gegn samn-
ingnum.
Þá er því ekki að neita að biðin eftir að
samningurinn kæmi fyrir sjónir manna og
asnalegi feluleikurinn vegna launalöggunn-
ar í ASÍ fór í taugarnar á kennurum.
En það skýrir heldur ekki andstöðuna
gegn samningnum. Hana er einungis hægt
að skýra með þeirri staðreynd að hann hef-
ur bæði kosti og galla og að margra mati
vega gallarnir þyngra en kostirnir. Og þeg-
ar eru farnar að heyrast óánægjuraddir frá
þeim sem samþykktu samninginn.
Þetta verður forysta FG að sætta sig við
og horfast í augu við meðan samningurinn
er í gildi. Verk hennar eru metin og hún
má ekki fara í fýlu þótt félagsmennirnir
myndi ekki halelújakór í kringum hana.
Hún verður að sætta sig við að kennarar
kunna að lesa og geta túlkað lesefnið hjálp-
arlaust.
Mér fannst mjög óviðeigandi þegar for-
maður FG sagði í sjónvarpi meðan at-
kvæðagreiðslan stóð yfir að sumir samning-
arnefndarmenn ætluðu að segja af
sér yrði samningurinn felldur og
að blásið yrði til verkfalls án tafar.
Svona hótanir eru fyrir neðan allt
velsæmi og samninganefndar-
menn sem eru með slíkar hótanir
eiga auðvitað að vinna við eitthvað
annað.
Að laða að unga kennara
Allir eru sammála um að endur-
nýjun er grunnskólunum nauðsyn.
Ella fer skólinn á mis við þær nýj-
ungar sem væntanlega fylgja nýút-
skrifuðum kennurum frá Kenn-
araháskóla Íslands og þeir sjálfir
missa af reynslu hinna eldri.
Ég er ekki vongóður um að þessi nýgerði
samningur verði til að laða unga kennara að
grunnskólunum. Fyrirkomulag á umbun
vegna endurmenntunar er til dæmis ekki til
þess fallið, fyrir utan aðra galla.
Niðurstaða mín er því að þetta sé ein-
faldlega lélegur samningur sem muni ekki
leiða til þeirra breytinga á skólastarfi sem
höfundar hans hafa talið vísar.
Höfundur er kennari í Austurbæjarskóla.
Eiríkur Brynjólfsson:
Kjarasamningur
grunnskólakennara
Andstöðuna gegn samn-
ingnum er einungis hægt
að skýra með þeirri stað-
reynd að hann hefur
bæði kosti og galla og að
margra mati vega gall-
arnir þyngra en kostirnir.
„Ég er einn þeirra sem tók eindregna afstöðu
gegn samningnum,“ segir Eiríkur Brynjólfsson.