Skólavarðan - 01.03.2001, Blaðsíða 13

Félagsmál
15
fram allsherjaratkvæðagreiðsla meðal
félagsmanna Kennarasambandsins um aðild
FÍL í apríl 2001.
Verði aðildin samþykkt verður Félag ís-
lenskra leikskólakennara eitt af aðildar-
félögum Kennarasambands Íslands sex
mánuðum fyrir annað þing sambandsins.
Í nefndinni sitja Björg Bjarnadóttir for-
maður FÍL, Elna Katrín Jónsdóttir varafor-
maður KÍ og formaður FF sem jafnframt er
formaður nefndarinnar, Guðrún Ebba
Ólafsdóttir formaður FG, Ólöf Helga
Pálmadóttir leikskólastjóri, Sigurður Lyng-
dal grunnskólakennari og Þröstur Brynjars-
son varaformaður FÍL.
Að sögn Elnu Katrínar hélt nefndin alls
sjö fundi. Farið var yfir lög og starfsskipu-
lag Félags íslenskra leikskólakennara og
Kennarasambands Íslands og unnin grein-
argerð um starfsemi félaganna og lög
þeirra. Nefndin komst að þeirri meginnið-
urstöðu að aðild leikskólakennara að KÍ
krefðist ekki veigamikilla breytinga á lögum
sambandsins né þyrfti að raska miklu í lög-
um FÍL ef það yrði eitt af félögum KÍ.
Helstu breytingar sem félagsaðild leikskóla-
kennara myndi kalla á eru:
• Bæta þarf við nafni FÍL í 1., 6. og 16.
gr. í lögum KÍ.
• Í stjórn KÍ munu sitja þrettán manns í
stað ellefu.
• Í skólamálaráð bætist skólamálanefnd
FÍL.
• Í kjararáð bætist samninganefnd FÍL.
• Framtíðarskipulag endurmenntunar-
sjóðs KÍ er til endurskoðunar, sjóðir verða
óbreyttir fram að öðru þingi KÍ.
• Hugsanleg fækkun fulltrúa á þingi.
Rétt er að taka fram að teknar eru ákvarð-
anir um ofangreind atriði eins og allt sem
varðar lög Kennarasambands Íslands á þingi
sambandsins í samræmi við tillögur sem fyrir
kunna að liggja.
Félög grunnskóla- og framhaldsskóla-
kennara í Kennarasambandi Íslands lögðu
einnig spurningar um viðhorf félagsmanna
sinna til aðildar FÍL að KÍ fyrir í við-
horfskönnun um fagleg og kjaraleg mál sl.
haust. Sömuleiðis hefur FÍL kannað hug
félagsmanna sinna til aðildar að Kennara-
sambandi Íslands. Sagt er frá niðurstöðum
þessara kannana annars staðar í greininni.
„Verði aðild FÍL samþykkt í atkvæða-
greiðslunni sem stendur fyrir dyrum,“ segir
Elna Katrín, „höfum við stigið eitt skref
enn í áttina að því markmiði að sameina
kennarastéttina í samtökum sem vinna jafnt
að faglegum málum sem og málum er varða
kjör og réttindi. Ég vil leggja áherslu á mik-
ilvægi þess að félagsmenn okkar taki þátt í
atkvæðagreiðslunni í byrjun apríl þannig að
skýr niðurstaða fáist um vilja félagsmanna í
Kennarasambandi Íslands um málið.“
keg
Rætur vestræns grunnskóla og leikskóla liggja saman
í fortíðinni, í sögulegum stefnum og viðburðum eins og
upplýsingu og iðnbyltingu og í einstaklingum eins og
Pestalozzi. Innan tíðar skildi leiðir og kjarninn í hug-
myndafræði leikskóla varð leikurinn, hin sjálfsprottna
vinna barnsins, á meðan kjarni grunnskólans varð upp-
fræðsla, þar sem kennarinn miðlaði þekkingu og út-
deildi aga. Sagan bítur þó ávallt í skottið á sér og núorð-
ið eru leikskóli og grunnskóli á nýjan leik að nálgast
hvor annan. Hugmyndin um samfellu menntunar frá
getnaði til grafar á sér ríkan hljómgrunn sem enduróm-
ar í skipulagi kennaramenntunar, samanber flutning
leikskólakennaramenntunar inn í Kennaraháskólann.
Margir telja að stofnanir samfélagsins endurspegli og elti stærri gildi þess og
orðræðu en það taki nokkurn tíma fyrir þær að aðlagast nýjum gildum. Heild-
stæð sýn á manneskjuna sem siðræna, hugsandi tilfinningaveru, en þó ekki síst
sem einstakling með einstaklingsbundna hæfileika, áhugamál og þarfir, kallar á
stofnanir sem hvíla á stoðum samvinnu en um leið sjálfstæðis. Þess vegna er
rökrétt að kennarafélög sameinist í einu félagi sem stendur vörð um sameigin-
lega hagsmuni alls skólalífs í landinu og virkji möguleika sína til gagnkvæmra
skoðanaskipta og samvinnu, en haldi jafnframt í þau séreinkenni sín og sjálf-
stæði sem eru þeim nauðsynleg til vaxtar og viðgangs. Stærð er vissulega styrk-
ur en í fjöldanum er líka hætta á að týnast ef ekki er að gætt. Skipulag Kennara-
sambandsins býður upp á að aðildarfélög njóti tilstyrks hvers annars og meira
til, því að þegar margir leggjast á eitt verður afurðin stærri samanlögðu framlagi
heildarinnar og nýsköpun á sér stað. Þetta er þó ekki sjálfgefið því að hugmynd,
hversu vel sem hún lítur út á pappír, verður ekki að veruleika nema með vinnu
einstaklinganna sem aðhyllast hana. Af þessum sökum eru aðhald, ígrundaðar
skoðanir og ábendingar hvers félaga innan heildarsamtakanna nauðsynleg.
Kannski mætti orða þetta svo að hvert félag lifi aðeins að því marki sem félagar
þess blása því lífi í brjóst. Nú er það ekki flugvöllinn burt eða kjurt sem spurt er
um, heldur hvort núverandi félagar í KÍ hafi hug á að bæta leikskólakennurum í
sínar raðir. Hvað kýst þú?
keg
Frá getnaði til grafar
Slóðin whyfiles.org/teach/index.html
hýsir kennslufræðilega hlutann af The Why
files vefnum sem er skrifaður af vísinda- og
fræðimönnum á ýmsum sviðum. Á þess-
um hluta vefsins er hægt að nálgast frá-
sagnir um forna orma, dularfulla skips-
skaða, siðferðileg álitamál í einræktun, til-
urð tungumálsins og allt þar á milli, með
krosstengingum í skylt efni á sama vef.
Frásagnirnar eru ætlaðar krökkum á mis-
munandi aldri og gætu til dæmis nýst í
enskukennslu ellegar sem ítarefni fyrir
kennarann þegar kafað er í hin ýmsu við-
fangsefni. Góður vefur.
V e f a n e s t i
Hvers vegna -
vegna þess
Út er komið námsefnið Hljóðskraf um g
og k, og Hljóðskraf um b, d og p. Áður hef-
ur komið út Hljóðskraf um einfaldan og
tvöfaldan samhljóða. Námsefninu er fyrst
og fremst ætlað að mæta þörfum nemenda
sem eiga við lestrarörðugleika að etja en
efnið má einnig nota við almenna kennslu.
Hljóðskraf hefst á umfjöllun um kennslu en
er að öðru leyti ætlað nemendum til að
vinna að inni í almennum bekk. Í hverri
möppu eru textar og vönduð spil auk verk-
efna af öðrum toga.
Hljóðskraf er útbúið sem bekkjarmappa.
Skólar fá ótakmarkaðan ljósritunarrétt um
leið og þeir festa kaup á efninu.
Fluglæsi og Stafur á bók eru eftir sama
höfund.
Hljóðskraf
námsefni í lestri
og réttritun eftir
Rósu Eggertsdóttur
N á m s g ö g n