Skólavarðan - 01.03.2001, Blaðsíða 14

Heimsóknin
16
• Í bóknámsskólanum hefur verið boðið
upp á margar brautir til stúdentsprófs, m.a.
ferðamálabraut, en í samræmi við nýja aðal-
námskrá framhaldsskóla verða brautirnar
framvegis þrjár, félagsfræðabraut, mála-
braut og náttúrufræðabraut. Síðan 1995
hefur verið kennt eftir hreinu áfangakerfi.
Nemendur sem stunda nám til stúdents-
prófs eru um 700. Auk þess er á bóknáms-
sviðinu boðið upp á stutta starfstengda
skrifstofubraut og almenna braut fyrir þá
sem hafa ekki staðist inntökukröfur á bók-
námsbrautir.
• Hótel- og matvælaskólinn er kjarna-
skóli matvælagreina sem býður jöfnum
höndum upp á langt eða stutt nám í mat-
vælagreinum og eru nemendur um 300.
Flestir þeirra stunda iðnnám til
sveinsprófs eða meistararéttinda í
fjórum matvælagreinum, bakstri,
framreiðslu, kjötiðn og mat-
reiðslu. Til þess að hefja námið
þurfa nemendur að vera á samn-
ingi hjá meistara. Á hótel- og
matvælasviðinu eru jafnframt
reknar styttri starfsmenntabraut-
ir, s.s. matartæknanám, mat-
sveinanám og hótel- og þjónustu-
braut.
• Ferðamálaskólinn er fagskóli
í ferðagreinum og er starfræktur
sem kvöldskóli. Hann er stærsti
ferðamálaskóli landsins þar sem í boði eru
fjórar mismunandi námslínur og er unnið
að áframhaldandi stækkun hans. Nemendur
eru um 250.
Mikil umskipti urðu í starfi Menntaskól-
ans í Kópavogi þegar byggt var við hann
nýtt, glæsilegt verkmenntahús, sérhannað
með þarfir matvælagreinanna í huga, sem
tekið var í notkun haustið 1996. ,,Allir sem
hingað koma eru sammála um hve aðstaðan
hér er góð. Uppbygging verknámsaðstöð-
unnar tókst mjög vel. Hún er til fyrirmynd-
ar og raunverulega á heimsmælikvarða. Við
sjáum það ef við berum okkur saman við
skóla erlendis að það sem við erum að gera
hér stenst fyllilega samanburð við það
besta sem gert er annars staðar. Enda kem-
ur árangurinn berlega í ljós þegar fagfólk
sem útskrifast héðan tekur þátt í ýmiss kon-
ar samkeppni um allan heim og vekur at-
hygli fyrir frammistöðu sína,“ segir Mar-
grét Friðriksdóttir skólameistari.
Gott sambýli
En hver er reynslan af þessu þríeina sam-
býli? „Reynsla okkar af þessu sambýli
ólíkra greina er mjög góð. Við þekkjum
auðvitað öll umræðuna um að verklegt nám
eigi undir högg að sækja í skólakerfinu og
leita þurfi leiða til að styrkja það. Þessi þrí-
skipting er okkar leið til að veita þessum
einingum eins mikið sjálfstæði og unnt er
og koma í veg fyrir að verklega námið verði
einhver aukastærð sem týnist í stórum
skóla.“ Margrét segir að mjög mikið sam-
starf sé milli verknáms- og bóknámsdeilda
sem hafi styrkjandi áhrif í báðar áttir og
bætir við: „Ég held að okkur hafi tekist í
þessum skóla að skapa jafnvægi og jafnræði
milli bóknáms og verklegs náms.“
Hún segir að bóknámskennarar við skól-
ann hafi unnið mikið starf og lagt mikinn
metnað í að laga bóklega námið á verk-
námsbrautunum að þörfum greinanna sem
þar eru kenndar. Tungumálakennarar skól-
ans hlutu nýlega Evrópuverðlaun fyrir þró-
unarstarf við að laga tungumálakennsluna
að þörfum og viðfangsefnum verk-
námsnema. „Námsefnið er af sömu þyngd-
argráðu og hjá nemendum á bóknáms-
brautum en áhersla er lögð á orðaforða og
texta sem tengjast þeim greinum sem nem-
endurnir eru að vinna með. Allir verk-
námsnemar læra dönsku og ensku og marg-
ir taka líka frönsku. Málakennslan er með
öðrum orðum skipulögð með til dæmis
þarfir matreiðslumanna og þjóna í huga
sem þurfa að geta skýrt matseðilinn á
erlendum málum. Matreiðslunemar taka
próf í frönsku inni í eldhúsi þar sem þeir
eru að matreiða og þurfa þá að gera grein
fyrir því sem þeir eru að gera og matnum á
frönsku.“
Verklegt val í bóknámi
Margrét segir að bóknámsnemendum sé
líka styrkur af sambúðinni við verknámið.
„Þeim stendur til boða að taka alls konar
valáfanga í verknámi sem er mjög vinsælt,
til dæmis í matreiðslu, bakstri, konfektgerð
eða jafnvel vínsmökkun sem er að sjálf-
sögðu hluti af námi framreiðslumanna.“ Af
þessu má ráða að Menntaskólinn í Kópa-
vogi er um margt ólíkur öðrum mennta-
skólum. „Já, það finnst mörgum sérstakt að
ganga hér um skólann og kíkja inn í
kennslustofu þar sem verið er að smakka
léttvín, jafnvel klukkan átta að morgni. En
þetta eru bara hefðbundnar kennslustundir
í þessum skóla hjá nemendum í fram-
reiðslu,“ segir Margrét.
Samhliða gildistöku nýrrar aðalnámskrár
fyrir framhaldsskóla hefur orðið mikil
breyting á skipulagi bóknáms við skólann.
Mikið þróunarstarf hefur átt sér stað innan
bóknámsins og í haust hófst kennsla á nýrri
braut, almennri braut. Þá eru
kennarar á bóknámsbrautum
að laga kennsluaðferðir að
nýjum og breyttum kennslu-
háttum með tilkomu fartölva í
námi og af orðum skólameist-
ara má ráða að mikill metnað-
ur og áhugi ríki meðal kenn-
ara skólans.
Undanfarin ár hafa nem-
endur í bóknámi átt kost á því
að taka stúdentspróf af sér-
stakri ferðamálabraut. Breyt-
ing verður nú á þessu því að
samkvæmt nýrri aðalnámskrá
framhaldsskóla verða stúdentsprófsbraut-
irnar framvegis aðeins þrjár, félagsfræða-,
náttúrufræða- og málabraut. „Við ákváðum
því að stilla ferðamálanáminu okkar upp
sem sérnámi, þ.e.a.s. starfsnámi, sem nem-
endur máladeildar geta tekið samhliða námi
sínu til stúdentsprófs án þess að það sé
verulega íþyngjandi fyrir þá. Þetta er ágæt
lausn því að tungumálin eru sameiginleg
fyrir þessi svið,“ segir skólameistari MK.
Prófin koma frá Sviss
Þriðji hornsteinn Menntaskólans í Kópa-
vogi er ferðamálasviðið, oft nefnt Ferða-
málaskóli MK, sem starfrækt er á kvöldin
sem öldungadeild. Þar gefst nemendum
kostur á fjölbreyttu námi í ferðamálafræð-
um sem er starfstengt og yfirleitt tvær til
þrjár annir. Það er mjög markvisst starfs-
nám, sniðið fyrir viss störf í fyrirtækjum á
Merki Menntaskólans í Kópavogi er
þrjár súlur undir einum hatti, enda
má segja að hann sé þrír skólar í ein-
um. Hann er menntaskóli í víðasta
skilningi og starfar á þremur sviðum,
bóknámssviði, ferðamálasviði og hót-
el- og matvælasviði. Alls stunda um
1.300 nemendur nám við skólann.
Menntaskólinn í Kópavogi
Þrír skólar í einum
„Uppbygging verknámsaðstöðunnar tókst mjög
vel. Hún er til fyrirmyndar og raunverulega á
heimsmælikvarða“, segir Margét Friðriksdóttir.