Skólavarðan - 01.04.2001, Blaðsíða 19

„Segja má að fulltrúar Listaháskólans hafi
allir fjallað um þær kröfur sem einstakar
deildir Listaháskólans gera til nemenda sem
sækja um nám við skólann og megináhersl-
ur í kennslufyrirkomulagi skólans,“ segir
Ingiberg. „Skýrt kom fram að hæfniskröfur
munu vega þungt. Þ.e.a.s. „það að hafa lok-
ið tilskildu aðfararnámi nægir ekki eitt og
sér til inngöngu, ef færni og sköpun í verk-
um sem fylgja þurfa umsókn eru ekki talin
fullnægjandi af inntökunefnd.“
Ingiberg segir að innlegg Harðar Lárus-
sonar á fundinum hafi verið sérstaklega
mikilvægt því að þar hafi loks komið fram
hvernig ráðuneytið hyggst útfæra leiðina til
stúdentsprófs af listnámsbraut. „Nú liggur
fyrir í hvaða námsgreinum nemendur þurfa
að bæta við sig einingum til að ljúka stúd-
entsprófi og hvernig þær skiptast á milli
skyldugreina og vals. Við erum afskaplega
fegin að þetta skuli vera komið á hreint, en
það hefur staðið svolítið í okkur hvað við
ættum að ráðleggja nemendum sem hyggja
á áframhaldandi listnám“.
Framhaldsskólinn uppfyllir kröfur
Ingiberg telur að þessi fyrsti samráðs-
fundur hafi sýnt og sannað mikilvægi þess
að samráð sé haft um framkvæmd og inni-
hald listnáms á framhaldsskóla- og háskóla-
stigi. „Ég er ekki í vafa um að undirbúning-
ur undir nám í Listaháskólanum mun í
framtíðinni fyrst og fremst hvíla á listnáms-
brautum framhaldsskóla. Af þessum ástæð-
um er afar mikilvægt að gott samband sé
milli skólastiganna og jafnan sé ljóst á
hvaða forsendum er unnið. Við viljum að
sjálfsögðu að full innistæða sé fyrir því sem
við erum að gera og nemendur fái hjá okk-
ur þá undirstöðuþekkingu og -færni sem til
er ætlast. Ég held að þetta hafi allt smollið
vel saman, þ.e.a.s. framhaldsskólinn upp-
fylli að flestu leyti nokkuð vel þær kröfur
sem listaháskólinn gerir“.
Á fundinum kom í ljós að með samráði er
hægt að koma í veg fyrir að nám skarist að
óþörfu. Áherslur í listasögu virðast vera
nánast þær sömu á báðum skólastigum.
„Það var niðurstaða okkar sem unnum að
námskrá fyrir framhaldsskóla,“ segir Ingi-
berg, „að leggja bæri meiri áherslu en áður á
nútímann í listasögu, en nú kemur í ljós að
Listaháskólinn ætlar einnig að leggja fyrst og
fremst áherslu á nútímalistasögu. Hugsan-
lega verðum við að breyta eitthvað áherslum
í þessu efni því að þarna eru bæði skólastigin
greinilega að heyja á sama túninu. Eldri
listasaga verður þó ekki þurrkuð út. Í áfanga-
lýsingum í nýju námskránni er þó gert ráð
fyrir að farið sé miklu hraðar yfir hana en
áður og meiri áhersla lögð á núlistirnar.“
Listnámsbrautir verði fjölbreyttar
Ingiberg segir ekki ljóst hve listnáms-
brautir á framhaldsskólastigi verði víða í
boði. „Það er ekki vitað ennþá. Listnáms-
brautir eins og þær eru skilgreindar í
námskrá geta verið með ýmsum hætti, þ.e.
með áherslu á myndlist eða hönnun sem
getur verið almenn hönnun, handverks- eða
margmiðlunarhönnun svo eitthvað sé nefnt.
Reyndar var því haldið opnu í námskránni
að skólar gætu, með samþykki ráðuneytis-
ins, byggt upp listnámsbrautir með sér-
stakri áherslu á staðbundnar aðstæður í við-
komandi heimabyggð. Auðvitað er spurn-
ing hvort grundvöllur sé fyrir margar slíkar
brautir. Mest er um vert að þær séu ekki
allar í sama farinu og að fást við það sama“.
Hve margir stunda listnám á framhalds-
skólastigi?
„Mér er ekki kunnugt um það, en aðsókn
að listasviði hér í FB hefur verið mjög mik-
il. Við höfum sjaldan getað tekið við öllum
sem sótt hafa um og að meðaltali ekki nema
um 60-70% umsækjenda. Undanfarin ár
hafa að jafnaði verið 180-190 nemendur í
dagskóla og í kvöldskóla er rúm fyrir u.þ.b.
90 nemendur“.
Verða meiri kröfur gerðar til framhalds-
skólastigsins eftir stofnun Listaháskólans?
„Það hlýtur að liggja í hlutarins eðli að
kröfur aukist þegar þessi skóli er formlega
kominn á háskólastig. Ég held að hann geti
líka orðið til þess að fleiri nemendur sæki í
einhvers konar listnám. Reyndar er það mjög
háð því hvernig skólinn þróast. Því fjöl-
breyttara sem námsframboðið verður, til
dæmis í hönnunargreinum og þar með tal-
inni byggingarlist, þeim mun meiri verður að
líkindum aðsókn nemenda að listnámsbraut-
um framhaldsskóla. Þetta styður hvað annað.
Ég held reyndar,“ segir Ingiberg í lokin,
„að mjög mikilvægt sé að listnámsbrautir
framhaldsskóla verði fjölbreyttar og skólar
sérhæfi sig að ákveðnu marki, þannig að
þeir bjóði ekki allir upp á nákvæmlega sama
námið. Þetta á að spanna alla flóruna, fag-
urlistir, hönnun af öllu tagi og handverk“.
Helgi E. Helgason
L istnám
23