Stjórnartíðindi fyrir Ísland: C-deild - 01.12.1892, Side 85

83
hreppi, þar sem sjóðurinn á heimili, skuli árlega kjósa 2 menn, sem athugi reikninga
Bjóðsins, og sumstaðar er þetta falið hutaðeigandi sýslunefnd.
Að eins 1 sparisjóður, sem sje sparisjóðurinn á Siglufirði, hefur það ákvæði í lög-
um sínum að taka megi við inulögum í sjóðinn í öðru en gjaldgengum peningum; í þenna
sjóð má einnig leggja inn gjaldgenga verzlunarvöru (að líkindum eptir því verðlagi, sem
er á hlutaðeigandi vöru á Siglufirði), sem sjóðurinn svo kemur í peninga.
það eru almenn ákvæði í lögum sjóðanna, að ef eigandi að innstæðufje eða erfingj-
ar hans vitja eigi sjóðsins í t. d. 15—20 ár, til að taka við vöxtum eða aegja upp höfuð-
stól og heldur ekki innan 6 mánaða eptir áskorun í blaði því, er sjóðurinn prentar aug-
lýsingar sínar í, sje öll innstæðan með vöxtum orðin eign sjóðsins.
Hjá sumum sjóðunum en eigi öllum er svo ákveðið, að þegar sjóðurinn með tím-
anum sje orðinn svo mikill, að hann megi nokkurs án vera umfram augnamið sitt, megi
verja slíku fje í almennings þarfir, ef að stjórnendur eða stofnendur sjóðanna með nógu
miklum atkvæðafjölda fallast á það og æðsti valdsmaður hjer á landi veitir því sam-
þykki. — Slík ákvæði hafa þegar á tveimur stöðum komið til framkvæmda. — Arið 1889
voru sem sje af varasjóði sparisjóðs Isafjarðar gefnar alls 2000 kr. til almennra fyrirtækja,
þar af 1000 kr. til stofnunar sjúkrahúss á Isafirði, 500 kr. til stofnunar bókasafns sama staðar
og 500 kr. til styrktarsjóðs handaekkjum og börnum Isfirðinga er í sjó drukkna, og árið
1892 gaf landsbankinn búnaðarfjelagi suðuramtsins 6000 krónur af varasjóði fyrv. spari-
sjóðs Reykjavíkur til búnaðarframkvæmda í suðuramtinu.
Auk þeirra sparisjóða, sem að frarnan eru taldir, hafa þessum sjóðum, sem ný-
lega eru stofnaðir, verið veitt hlunnindi samkvæmt tilsk. 5. janúar 1874:
1. Sparisjóði á Seyðisfirði (hlunnindi veitt 5. febr. 1891).
2. Sparisjóði Dalasýslu (hlunnindi veitt 22. marz 1892).
3. Sparisjóði í Ólafsvík (hlunnindi veitt s. d.).
4. Sparisjóði í Stykkishólmi (hlunnindi veitt 15. júní 1892) og
5. Sparisjóði Kirkjubóls- og Kellshreppa í Strandasýslu (hlunnindi veitt 7. júlí
1892).
En ókunnugt er um, hernig starfsemi þessara sjóða líður eða hvort þeir yfir höfuð eru
teknir til starfa, með því að engir reikningar hafa frá þeim sjest og hefur því eigi verið
unnt að taka neitt tillit til þeirra í skýrslunum hjer að framan.
Loks kvað á þessu ári vera stofnaður sparisjóður í Vestur-Barðastrandarsýslu, en
eigi hafa honum verið veitt hlunnindi.
Sjeu þessir 6 sparisjóðir taldir með, eru sparisjóðir þeir, sem kunnir eru hjer á
landi, að með taldri sparisjóðsdeild Iandsbankans og Söfnunarsjóði, þannig í árslok 1892
alls 21 að tölu eða 1 sparisjóður á hverja 3377 menn.