Fréttablaðið - 04.08.2016, Blaðsíða 40

fótbolti „Lífið leikur við mig. Síð-
ustu dagar og vikur hafa verið alveg
frábærar,“ segir framherjinn Viðar
Örn Kjartansson og skal engan
undra að hann sé með sól í hjarta
þessar vikurnar.
Hann varð faðir í fyrsta sinn í
upphafi sumars, er orðinn marka-
hæsti leikmaður sænsku úrvals-
deildarinnar og lið hans, Malmö,
trónir þess utan á toppi sænsku
úrvalsdeildarinnar.
Veit ekki hvernig ég fer að þessu
„Þegar sjálfstraustið er svona
mikið þá finnst manni ekkert mál
að skora tvö til þrjú mörk í leik.
Mörkin koma án þess að maður
viti af því hreinlega. Ég veit ekki
hvernig ég fer að þessu en vonandi
heldur þetta áfram svona,“ segir
Selfyssingurinn en hann er búinn
að skora 12 mörk í 16 leikjum.
Tveimur mörkum meira en næst-
markahæsti maður deildarinnar.
Það gekk þó mjög illa framan af
hjá Viðari Erni sem og liðinu. Hann
skoraði ekki í fyrstu fimm leikjum
liðsins en hefur síðan skorað 12
mörk í 11 leikjum. Liðið hefur í
kjölfarið farið á flug.
„Bæði í Kína og Noregi hóf ég
tímabilin með því að skora strax
mörk og komst því í gang. Það var
nýtt að byrja illa og pressan var
orðin gífurleg. Allir hættir að trúa á
mann og farið að tala um að ég væri
lélegur og svona. Svo skoraði ég
þrennu og þá fóru hlutirnir að rúlla.
Framherji getur verið að skora
mörk í öllum deildum heimsins ef
hann er með sjálfstraust. Það er fátt
mikilvægara fyrir framherja,“ segir
Viðar Örn en hann fékk styttra
undir búningstímabil en hann er
vanur er hann kom til Svíþjóðar
frá Kína þar sem hann var að spila.
Var of þungur í upphafi
„Ég var byrjaður að spila mánuði
eftir lendingu en er vanur að fá að
minnsta kosti tvo mánuði. Ég held
ég hafi verið of þungur er tímabilið
hófst. Þá var ég 90 kíló en er núna
84. Ég var líklega að lyfta of mikið.
Það munar um þessi sex kíló. Ég er
líka sex kílóum léttari í höfðinu.“
Það kom mörgum á óvart, þar á
meðal Viðari Erni, að hann var ekki
valinn í EM-hóp Íslands. Hann lét
þá leiðinlegu reynslu ekki brjóta sig
niður heldur styrkja sig.
„Ég reyndi að nýta þetta svekkelsi
á jákvæðan hátt. Mér finnst ég allt-
af eiga skilið að vera í landsliðinu
og það var auðvitað sjokk að vera
ekki valinn. Ég varð samt að taka
því eins og maður. Í stað þess að
grenja yfir þessu ákvað ég að nýta
mótlætið sem hvatningu. Ég ákvað
að reyna að verða betri og finnst
það hafa gengið vel,“ segir fram-
herjinn sem getur þó ekki neitað
því að það hafi verið einkar sárt að
komast ekki til Frakklands.
Erfitt að fá fréttirnar
„Það var skelfilegt að komast ekki
eftir að hafa verið með liðinu alla
undankeppnina. Það var rosalega
erfitt að fá fréttirnar. Maður gladd-
ist auðvitað með liðinu á mótinu en
langaði samt svo mikið að vera með
strákunum. Ég taldi mig eiga góða
möguleika á að vera valinn og var
frekar hissa á að vera ekki valinn.
Mér fannst ég eiga skilið að vera
valinn en ber virðingu fyrir valinu.
Strákarnir stóðu sig frábærlega og
hefðu ekkert farið lengra með mig
í liðinu.“
Pressa hjá Malmö
Selfyssingurinn hefur svo sannar-
lega hrist af sér svekkelsið og ef
hann heldur áfram að spila svona er
leiðin í landsliðið greið á nýjan leik.
Hann segir að það sé aftur á móti ný
reynsla að spila með besta liði Sví-
þjóðar.
„Það er erfiðara að spila með besta
liðinu. Það fylgir miklu meiri pressa
að spila hér en með Våler enga sem
er þó stórt lið. Hér þarf helst að
skora í hverjum leik og væntingarn-
ar meiri. Ég kann samt vel við þessa
pressu sem maður lærir af,“ segir
Viðar en það var mikil pressa á öllu
liðinu framan af á meðan illa gekk.
Síminn hringir mikið
Þegar leikmenn spila vel í sterkri
deild eins og í Svíþjóð þá vekja þeir
athygli. Viðar neitar því ekki að
hann finni fyrir áhuga.
„Ég verð að viðurkenna að sím-
inn er búinn að hringja mikið. Ég
er samt nýkominn en Malmö er vel
statt félag og þarf ekkert á peningum
að halda. Það er samt gott að vita af
áhuga liða á manni þó að mér líði
vel í Malmö,“ segir Viðar. En eru ein-
hverjar líkur á því að hann söðli um
á næstunni?
„Maður veit aldrei. Það er mikill
áhugi í gangi en miðað við þann
verðmiða sem er á mér þá tel ég
ekki líklegt að ég fari. Það er samt
í góðu lagi mín vegna því hér líður
mér vel og gengur vel. Ég get ekki
kvartað yfir neinu.“
henry@frettabladid.is
Nýtti mótlætið sem hvatningu
Viðar Örn Kjartansson er á flugi í sænsku deildinni þar sem hann er markahæstur. Hann segist finna fyrir
miklum áhuga frá öðrum liðum. Viðar komst ekki í EM-hópinn og viðurkennir að það hafi verið sárt.
Markamaskína
2013 Fylkir
13 Mörk 22 lEikir
2014 Vålerenga
25 Mörk 29 lEikir
2015 Jiangsu Suning
9 Mörk 28 lEikir
2016 Malmö FF
12 Mörk 16 lEikir
Henry Birgir
Gunnarsson
henry@frettabladid.is
Pepsi-deild karla
ÍBV - Fjölnir 0-2
0-1 Tobias Salquist (34.), 0-2 Þórir Guð-
jónsson (93.).
Eyjamenn misstu af tækifæri til að
fjarlægjast botnbaráttuna er þeir
töpuðu fyrir Fjölni, 2-0. Grafarvogs-
liðið vann sinn fyrsta sigur í síðustu
fjórum leikjum.

kr - Þróttur 2-1
1-0 Björgvin Stefánsson (8.), 1-1 Kennie
Chopart (44.), 1-2 Jeppe Hansen (45.).
KR náði að lyfta sér frá fallsvæði
deildarinnar með mikilvægum sigri
á botnliði Þróttar eftir að hafa lent
1-0 undir.

Breiðablik - Fylkir 1-1
1-0 Damir Muminovic (54.), 1-1 Emil Ás-
mundsson (57.).
Blikar gáfu eftir í toppbaráttunni
en Fylkismenn kræktu í mikilvægt
útivallarstig. Árbæingar eru þó enn
í fallsæti.

ÍA - FH 1-3
1-0 Þórður Þorsteinn Þórðarson (16.), 1-1
Atli Viðar Björnsson (34.), 1-2 Atli Viðar (51.),
1-3 Jeremy Serwy (62.).
ÍA var loks stöðvað eftir fimm leikja
sigurgöngu en Íslandsmeistarar FH
vann sannfærandi 3-1 sigur á Skag-
anum og er með fimm stiga forystu á
toppi Pepsi-deildarinnar.

Valur - Víkingur Ó 3-1
1-0 Sigurður Egill Lárusson (8.), 2-0 Kristinn
Freyr Sigurðsson, víti (23.), 2-1 Pontus Nor-
denberg (65.), 3-1 Kristinn Freyr (69.).
Valur vann mikilvæg stig gegn Ólafs-
víkingum sem féllu niður í áttunda
sæti með sínu þriðja tapi í röð.
Efst
FH 28
Fjölnir 23
Stjarnan 23
Breiðablik 23
ÍA 19
Valur 18
Neðst
Víkingur R 18
Víkingur Ó 18
KR 16
ÍBV 14
Fylkir 9
Þróttur 7
Nýjast
Eiður Smári Hætti Hjá moldE
Eiður Smári Guðjohnsen hefur
spilað sinn síðasta leik fyrir Molde
í Noregi en það var tilkynnt í gær.
Hann er óviss um hvort hann muni
finna sér nýtt félag en Eiður Smári er
37 ára og hefur ekki ákveðið hvort
ferlinum sé nú lokið.
Í dag
15.50 Írak - Danmörk Sport
17.50 Hondúras - Alsír Sport 2
18.50 Brasilía - S-Afríka Sport 3
19.05 leiknir - Selfoss Sport 4
19.30 Stjarnan - Víkingur r Sport
19.55 Mexíkó - Þýskaland Sport 2
20.50 Portúgal - Argentína Sport 5
21.50 Svíþjóð - kólumbía Sport 3
22.00 Pepsimörkin Sport
22.50 Fiji - Suður-kórea Sport 2
00.50 Nígería - Japan Sport
Pepsi-deild kvenna
19.15 Breiðablik - Selfoss Kópav.
Pepsi-deild karla
20.00 Valur - Víkingur Ó. Valsvöllur
inkasso-deildin
19.15 Haukar - Fram Ásvellir
19.15 leiknir r. - Selfoss Leiknisv.
SvEkkjandi Hjá u-20
Íslenska U-20 karlalandsliðið í
handbolta mátti þola erfitt tap gegn
Frakklandi, 38-31, á EM í Danmörku
í gær og komst liðið þar með ekki
í undanúrslit mótsins. Strákarnir
munu þess í stað spila um 5.-8. sætið
og mæta Dönum á morgun. Spánn,
Króatía, Frakkland og Þýskaland
komust í undanúrslitin.
4 . á g ú s t 2 0 1 6 f i M M t U D A g U R28 s P o R t ∙ f R É t t A b l A ð i ð
sport
0
4
-0
8
-2
0
1
6
0
4
:2
7
F
B
0
6
4
s
_
P
0
4
1
K
.p
1
.p
d
f
F
B
0
6
4
s
_
P
0
4
0
K
.p
1
.p
d
f
F
B
0
6
4
s
_
P
0
2
4
K
.p
1
.p
d
f
F
B
0
6
4
s
_
P
0
2
5
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
A
2
9
-7
C
C
0
1
A
2
9
-7
B
8
4
1
A
2
9
-7
A
4
8
1
A
2
9
-7
9
0
C
2
7
5
X
4
0
0
.0
0
1
8
B

F
B
0
6
4
s
_
3
_
8
_
2
0
1
6
C
M
Y
K