Morgunblaðið - 23.10.2015, Qupperneq 17

FRÉTTIR 17Innlent
MORGUNBLAÐIÐ FÖSTUDAGUR 23. OKTÓBER 2015
Sigurður Bogi Sævarsson
sbs@mbl.is
„Þetta er hverfi sem er mjög vel í
sveit sett,“ sagði Dagur B. Egg-
ertsson borgarstjóri þegar málefni
Úlfarsárdals voru rædd í borgar-
stjórn sl. þriðjudag. Þar vék borg-
arstjórinn að því að sú ákvörðun að
hraða byggingu skóla og íþrótta-
mannavirkja í hverfinu hefði komið
sölu lóða þar á skrið. „Lóðirnar
hafa rokið út,“ sagði hann.
Eins og fram kom í Morgun-
blaðinu í gær var samþykkt í borg-
arráði á dögunum að hefja vinnu
við breytingar á deiluskipulagi
hverfisins. Þær miðað að því að
fjölga íbúðum í hverfinu um 700,
það er fjölgun um helming frá því
sem nú er. Þarna verða meðal ann-
ars lóðir fyrir fjölbýlishús en tals-
verð eftirspurn er eftir slíku, þá
ekki síst fyrrir litlar og ódýrar
íbúðir.
Þétta fremur en byggja nýtt
En þrátt fyrir að fjölga eigi íbúð-
um í Úlfarsárdal miðað við fyrri
áform sagði borgarstjóri að haldið
yrði áfram með þá stefnu að þétta
fremur þá byggð sem fyrir er í stað
þess að brjóta ný lönd undir bygg-
ingar. Sú leið væri í alla staði hag-
kvæm og drægi úr umferðarþunga
– auk þess sem margir fleiri kostir
fylgdu.
„Við erum sammála því að það er
til hagsbóta fyrir hverfið að fjölga
íbúðum,“ segir Júlíus Vífill Ingv-
arsson, borgarfulltrúi Sjálfstæðis-
flokksins. „Með fjölgun getur
hverfið orðið sjálfbærara og staðið
undir grunnþjónustu við borgar-
búa. Það er hins vegar mikilvægt
að tekið verði tillit til núverandi
íbúa og leitað ráða hjá þeim varð-
andi framtíðaruppbyggingu,“ segir
Júlíus Vífill sem telur að nýtt deili-
skipulag geti haft veruleg áhrif á
gæði núverandi byggðar og hag
íbúa. Því hafi borgarfulltrúar Sjálf-
stæðisflokksins lagt til að efnt yrði
til upplýsinga- og samráðsfundar
með íbúum Úlfarsárdals í þessum
mánuði um hugmyndir um framtíð
byggðar og þjónustu á svæðinu.
Þeirri tillögu hafi meirihlutinn
hafnað, sem sé miður.
Á borgarstjórnarfundi sagði
Dagur B. Eggertsson hins vegar
að vinnan við breytingar á deili-
skipulagi væri rétt að hefjast og
því fátt fyrirliggjandi til að kynna
eða ræða um.
Leitað sé til borgarbúa
„Vissulega verður íbúum gert
kleift að gera athugasemdir við
deiliskipulagstillöguna þegar hún
fer í auglýsingu en þá eru skipu-
lagsdrættirnir komnir og lítill vilji
til að skera það upp. Best er að
leita til borgarbúa á þessu stigi
enda þekkja þeir svæðið best,“
segir Júlíus Vífill.
Lóðirnar í Úlfarsár-
dalnum hafa rokið út
Morgunblaðið/Sigurður Bogi
Framkvæmdir Tilbúin hús og önnur eru í byggingu við Urðarbrunn.
Júlíus Vífill
Ingvarsson
Dagur B.
Eggertsson
 Gerir hverfið sjálfbærara  Þéttingu byggðar framhaldið
Guðni Einarsson
gudni@mbl.is
Eldgosið í Eyjafjallajökli vorið 2010
hafði mikil áhrif á smádýralíf. Erling
Ólafsson, skordýrafræðingur hjá
Náttúrufræðistofnun Íslands (NÍ),
greindi frá áhrifum gossins á
Hrafnaþingi NÍ í fyrradag.
Erling sagði í samtali að mikið
hefði verið vitað um ástand fiðrilda-
fánunnar nærri eldfjallinu fyrir gos-
ið. Þrjár gildrustöðvar höfðu verið
starfræktar þar og safnað fiðrildum
og vorflugum. Á Rauðafelli, um 10
km frá Eyjafjallajökli, hafði verið
gildrustöð frá árinu 2005 og í Skóg-
um, um 14 km frá eldfjallinu, var
starfrækt stöð frá 2006. Á Tuma-
stöðum í Fljótshlíð, um 24 km í
burtu, hafði verið starfrækt gildru-
stöð frá 1995. Það var því hægt að
sjá áhrif eldgossins á hinar einstöku
fiðrildategundir á þessu svæði.
„Það var allur gangur á því sem
gerðist við gosið,“ sagði Erling.
Hann sagði að hjá flestum tegund-
unum hefði orðið algjört stofnhrun
fyrsta sumarið eftir gos. Sumar teg-
undirnar hafa ekki enn náð sér þótt
fimm ár séu liðin frá gosinu. Þeirra á
meðal eru grasvefari, grasygla,
birkivefari, jarðygla og straumbytta.
Fyrir gos var grasvefari algeng-
asta fiðrildið á þessum slóðum.
Grasygla (lirfa hennar er kölluð
grasmaðkur) hefur ekki heldur náð
sér. Lirfur þessara tegunda éta
gras.
Lirfur reyrslæðu eru einnig gras-
ætur. Reyrslæðustofninn rauk upp
eftir öskufallið en hefur síðan horfið
aftur til eðlilegs horfs. Skýringin á
snöggum vexti reyrslæðustofnsins
er sú að hún var í samkeppni við
grasætur sem hurfu. Auk þess vill
reyrslæðan hafa sendið land og má
segja að henni hafi orðið að ósk sinni
við öskfallið. Hún sækir einnig í
jarðhitasvæði. „Sendið jarðhita-
svæði er algjört kjörlendi reyr-
slæðunnar. Segja má að heit aska í
sólskini hafi verið eins og jarð-
hitasvæði,“ sagði Erling.
Svo eru fiðrildategundir sem
hrundu en eru að ná sér hægt og bít-
andi. Þær eiga þó enn nokkuð í land
með að ná fyrri stöðu. Þeirra á með-
al eru túnfeti, tígulvefari og skraut-
feti. Nokkrar tegundir hrundu en
náðu sér það vel á strik að nú eru
þær orðnar sterkari en þær voru
fyrir eldgosið. Þar á meðal eru víði-
feti, haustfeti, dílamölur, brandygla
og sytrubytta.
Humlurnar hríðféllu eftir gos
Víðifetinn lifir á víðiblöðum. Hann
hrundi þegar askan féll. Hún auðg-
aði jarðveginn og ýmsar plöntur
tóku við sér sem aldrei fyrr. Þeirra á
meðal voru víðir, barrtré og gras.
Dýr sem lifðu á tegundunum sem
tóku vaxtarkipp nutu góðs af því.
Ýmis áhrif eldgossins lágu í aug-
um uppi þótt ekki væru þau mæld.
Erling nefndi þar á meðal áhrif
öskufallsins á humlurnar.
„Humlur eru algjörlega háðar
víðireklum á vorin. Þegar drottning-
arnar koma úr vetrardvala þurfa
þær að byggja upp orku og hana fá
þær fyrst og fremst úr víðireklum.
Þeir gefa bæði frjókorn og blóma-
safa. Víðireklar sprungu út seint og
um síðir en þöktust ösku svo nær-
ingin var ekki aðgengileg. Nýju
drottningarnar lágu dauðar út um
allar þorpagrundir,“ sagði Erling.
Humlurnar þurrkuðust út gosárið á
öskuslóðunum og þurftu ábyggilega
að nema það land upp á nýtt.
Eftir eldgosið hafa færri tegundir
veiðst í gildrurnar en veiddust fyrir
gosið. Að jafnaði eru tegundirnar
sem veiðast nú fimm færri yfir
sumrið en áður. Áhrifa eldgossins
gætir því enn.
Fiðrildategundir
hrundu við eldgosið
 Eldgosið í Eyjafjallajökli hafði mikil áhrif á smádýralíf
Ljósmynd/Erling Ólafsson
Grasygla Hefur ekki enn náð sér á
strik þar sem áhrifa gossins gætti.
SAMKVÆMT BÓKSÖLU Í PENNANUM EYMUNDSSON UM LAND ALLT
METSÖLULISTI EYMUNDSSON
VIKAN 14.10.15 - 20.10.15
1 2
5 6
7 8
109
43
Gildran
Lilja Sigurðardóttir
Sjóveikur í München
Hallgrímur Helgason
Lausnin
Eva Magnúsdóttir
Stúlkan í trénu
Jussi Adler Olsen
Þarmar með sjarma
Giulia Enders
Skuggasaga - Arftakinn
Ragnheiður Eyjólfsdóttir
Grimmi tannlæknirinn
David Walliams
Íslensk litadýrð
Elsa Nielsen
Hrellirinn
Lars Kepler
Hundadagar
Einar Már Guðmundsson