Morgunblaðið - 13.11.2015, Qupperneq 14

14 FRÉTTIRInnlent
MORGUNBLAÐIÐ FÖSTUDAGUR 13. NÓVEMBER 2015
Benedikt Bóas
benedikt@mbl.is
Jólabjórinn kemur í hillur ÁTVR í
dag en aldrei áður hefur verið boðið
upp á jafnmargar tegundir eða 34. Í
fyrra voru tegundirnar 29. Þegar bjór
var leyfður 1989 seldust 10 þúsund
lítrar af jólabjór. Í fyrra var magnið
670 þúsund lítrar. Séu tíu ár skoðuð
aftur í tímann seldust 268 þúsund lítr-
ar.
Meðal nýrra tegunda er belgískur
jólabjór sem eflaust mun vekja for-
vitni bjóráhugamanna. Einkenni
þessa bjórs er mikill styrkur í bragði
og áfengismagni en tvær tegundir
eru yfir 10%. Sigrún Ósk Sigurð-
ardóttir, aðstoðarforstjóri ÁTVR,
segir að stemningin sé mikil í búðum
ÁTVR um allt land enda búist við
fjölmenni. „Í ár eru 34 tegundir og 43
vörunúmer í boði. Á síðasta ári seld-
ust tæpir 670 þúsund lítrar af jóla-
bjór, þar af fyrstu tvo dagana um 100
þúsund lítrar. Það hefur verið mikið
að gera hjá okkur undanfarin ár í
þessum fyrsta í jólabjór.“
Daginn í dag ber upp á föstudaginn
13. og það verður seint sagt að sá
dagur boði heppni. Sigrún segir að
ÁTVR sé hvergi bangin við að hefja
sölu á þessum degi. Jólabjórskaup
landsmanna séu tilfærsla milli teg-
unda. Fólk kaupi minna af hinum
hefðbundna bjór yfir jólahátíðina.
„Tuborg-jólabjórinn hefur borið
höfuð og herðar yfir annan bjór.
Hvort það verður eins í ár kemur í
ljós en hann hefur verið á toppnum í
nokkur ár.“ Hún segir að eftirspurnin
sé alltaf að aukast eftir öðruvísi bjór
en sá bjór kemur til ÁTVR í takmörk-
uðu magni og er ekki líklegur til að
stoppa lengi í hillunum. ÁTVR skilar
þeim jólabjór sem ekki selst aftur til
framleiðenda. „Þetta er takmörkuð
framleiðsla sem er í sölu í takmark-
aðan tíma og markmiðið er að selja
helst allt. Það er allra hagur að ekki
þurfi að farga jólabjór í lok tímabils.
Reglurnar kveða á um að við skilum
umframmagni. Það er því hagstæðast
að framboð og eftirspurn haldist í
hendur.“
Bjór sem skorar
stóru mörkin
Einn af innflytjendum jólabjórs,
Elgur ehf. heildverslun, mun nú
bjóða upp á belgískan bjór en það er í
fyrsta skipti sem jólabjór frá landinu
kemur í vínbúðina. Skúli Ingimund-
arson, framkvæmdastjóri Elgs, segir
að íslenskur bjórmarkaður sé í stöð-
ugri þróun og hann sé ánægður með
að geta boðið markaðnum upp á slíka
munaðarvöru sem bjórinn hans sé, en
stykkið kostar hátt í þúsund krónur.
„Það hefur verið einn og einn belg-
ískur jólabjór sem hefur ekki skorað
hátt. Þetta er hins vegar bjór sem
skorar stóru mörkin. Hann er fyrir
gæðingana og því dýrari. Það er vel í
lagt og þarna er boðið upp á allt ann-
að en ódýra einfalda vöru. Þetta er
keimlíkt bjór sem er bruggaður í
klaustrum en bjórgæðingar horfa oft
til Belgíu þegar leita á að gæðum.“
530 þúsund lítrar bruggaðir
Ölgerðin framleiðir um 530 þúsund
lítra af Tuborg-jólabjór í ár – rúm-
lega 1,6 lítra á hvern Íslending. Eru
þetta um 1,6 milljónir bjórflaskna sé
miðað við lítinn bjór, tæpir fimm bjór-
ar á mann.
Í fyrra seldust 253 þúsund lítrar af
Tuborg og jókst salan um 6,5% á milli
ára. Tuborg er með um 38% af heild-
arsölunni. Í öðru sæti á síðasta ári var
Víking með 135 þúsund lítra, Jólagull
í því þriðja með tæplega 57 þúsund,
en það var í fyrsta sinn bruggað eftir
nýrri uppskrift, kryddað með appels-
ínuberki.
Þá fundust fimm hundruð öskjur af
Giljagaur nr. 14 af 2013-árgerðinni,
en hún var eingöngu fáanleg í gjafa-
öskjum sem seldust upp. „Fyrir
nokkrum mánuðum fundum við á
geymslusvæði fimm hundruð öskjur
af gripnum, sem nú hefur þá fengið
að þroskast í rúm tvö ár á flöskum.
Það er bragð sem engan svíkur,“ seg-
ir Óli Rúnar Jónsson hjá Ölgerðinni.
Aldrei meira úrval af
jólabjór í hillum ÁTVR
 Sala á jólabjór hefst í dag  34 tegundir og 43 vörunúmer
Morgunblaðið/Ómar
Gert klárt Yfir 100 þúsund lítrar af jólabjór seljast yfirleitt fyrstu helgina
sem jólabjórinn fer í hillur ÁTVR. Jólabjórinn er til hægri á myndinni.
Ólafur Ragnar Grímsson, forseti Ís-
lands, og Dorrit Moussaieff, kona
hans, eru nú í opinberri heimsókn í
Singapúr ásamt íslenskri sendi-
nefnd.
Í heimsókninni, sem lýkur í dag,
hefur Ólafur Ragnar m.a. átt fundi
með Tony Tan Keng Yam, forseta
Singapúrs, og Lee Hsien Loong,
forsætisráðherra landsins. Segir á
heimasíðu forsetaembættisins að á
fundunum hafi komið fram ein-
dreginn vilji stjórnvalda í Singapúr
til að auka samstarf við Íslendinga
og efla þátttöku sína í málefnum
norðurslóða.
Í gær hófst ráðstefna sem stjórn-
völd í Singapúr og Hringborð norð-
urslóða – Arctic Circle buðu til í
sameiningu. Þar var m.a. fjallað um
lagalega umgjörð siglinga á
norðurslóðum, fjárfestingar í inn-
viðum samfélaga á norðurslóðum
og alþjóðlega samvinnu á sviði vís-
inda og rannsókna á svæðinu.
Íslensku forsetahjónin heimsóttu
á miðvikudag þjóðargrasagarð
Singapúrs þar sem sérstakt af-
brigði orkídeu var sýnt og nefnt
eftir forsetahjónunum; Dendodri-
um Grímsson-Moussaieff. Hefð er
fyrir því að nefna sérstök afbrigði í
höfuðið á þjóðarleiðtogum sem
heimsækja Singapúr.
Orkídea var nefnd
eftir forsetahjónum
Grasagarður Íslensku forsetahjónin skoða orkídeuna Dendodrium Gríms-
son-Moussaieff, sem nefnd er eftir þeim, í þjóðargrasagarði Singapúrs.
Samtök um krabbameinsrann-
sóknir, sem fagna 20 ára afmæli sínu
í ár, verða með opið hús í Iðnó á
morgun, laugardag, í þeim tilgangi
að vekja athygli almennings á þeim
fjölbreyttu rannsóknum, sem sam-
tökin standa að,
undir yfirskrift-
inni Saman gegn
krabbameini.
„Þetta verður af-
mælisveisla en
um leið viljum við
kynna það sem
við erum að
gera,“ segir Mar-
grét Helga Ög-
mundsdóttir, for-
maður Samtaka
um krabbameinsrannsóknir.
Margir með ólíkan bakgrunn
stunda krabbameinsrannsóknir.
Margrét Helga nefnir til dæmis
lækna, líffræðinga, lífeindafræðinga,
hjúkrunarfræðinga, faraldsfræðinga
og fleiri, en þeir eigi það sameigin-
legt að spyrja sömu grunnspurning-
anna með það markmið að bæta
meðferðarúrræði og greiningar-
tækni krabbameins. Spurninga eins
og til dæmis hvað er það sem að-
greinir krabbameinsfrumur frá heil-
brigðum frumum? Af hverju byrja
krabbameinsfrumur að skipta sér
stjórnlaust?
„Til þess að nálgast svona spurn-
ingar verður að fá einstaklinga með
mismunandi bakgrunn til þess að
vinna saman og það var kveikjan að
stofnun samtakanna; að efla sam-
starf þeirra sem stunda krabba-
meinsrannsóknir,“ segir Margrét
Helga.
Fjölbreytt dagskrá
Í veislunni verður boðið upp á fjöl-
breytta dagskrá klukkan 14 til 16.
Krabbameinsrannsóknir verða
kynntar með örfyrirlestrum og
veggspjöldum.
Margrét Helga segir að erindin
varpi ljósi á rannsóknirnar frá ólík-
um hliðum og að veggspjaldakynn-
ingin sé hugsuð til þess að gestir geti
spurt spurninga og fengið svör.
„Okkur finnst mikilvægt að fá
spurningar því þær geta í raun
hjálpað til við að móta rannsókn-
irnar,“ segir Margrét Helga.
Að loknu ávarpi formanns flytja
Helga M. Ögmundsdóttir, Laufey
Tryggvadóttir, Eiríkur Stein-
grímsson, Sigríður Gunnarsdóttir,
Magnús Karl Magnússon og Gunn-
hildur Óskarsdóttir örerindi. Greint
verður frá ólíkum rannsóknum,
meðal annars hvernig Krabbameins-
skráin er mikilvægt tæki til rann-
sókna og hvernig grunnrannsóknir á
ávaxtaflugu hafa leitt til betri með-
ferðarúrræða. „Allir eru hjartanlega
velkomnir,“ segir Margrét Helga og
bætir við að boðið verði upp á kaffi
og meðlæti. steinthor@mbl.is
Morgunblaðið/Árni Sæberg
Opið hús Samtök um krabbameinsrannsóknir á Íslandi bjóða almenningi til
veislu í tilefni 20 ára afmælis síns í Iðnó kl. 14-16 á morgun, laugardag.
Saman gegn
krabbameini
Margrét Helga
Ögmundsdóttir