Morgunblaðið - 28.11.2015, Síða 4

4 FRÉTTIRInnlent
MORGUNBLAÐIÐ LAUGARDAGUR 28. NÓVEMBER 2015
Björn Jóhann Björnsson
bjb@mbl.is
Stéttarfélög sjómanna, vélstjóra og
skipstjórnenda hafa enn ekki gert
nýjan kjarasamning við útgerðar-
menn. Samningar hafa verið lausir frá
árinu 2011 og kjaradeilan hefur verið
á borði ríkissáttasemjara frá 2012.
Snertir deilan á fimmta þúsund sjó-
farendur.
Hólmgeir Jónsson, framkvæmda-
stjóri Sjómannasambandsins, segir
fundi hafa verið haldna reglulega í
húsakynnum sáttasemjara síðan í
haust en enginn árangur orðið.
„Þessi deila er búin að standa svo
lengi að sáttasemjari er hættur að
telja okkur upp um ógerða samn-
inga,“ segir Hólmgeir en þó að kjara-
samningar við sjó-
menn hafi ekki
verið gerðir síðan
2011 þá hefur
kauptrygging
þeirra jafnan ver-
ið uppfærð til
jafns við samn-
inga á almennum
vinnumarkaði.
Megindeiluefni
sjómanna og útgerðarmanna er afla-
skiptakerfið en Hólmgeir segir mönn-
unarmál einnig fyrirferðarmikil þar
sem sjómenn hafi áhyggjur af mikilli
fækkun sjómanna á hverju skipi, sér í
lagi á uppsjávarskipunum.
Þá er gerð rík krafa um bætur fyrir
afnám sjómannaafsláttarins. Hann
var fyrst felldur niður af framtöldum
tekjum á síðasta ári. Samkvæmt upp-
lýsingum frá embætti ríkisskattstjóra
nutu um 5.500 manns afsláttarins
framtalsárið 2014. Samanlögð upp-
hæð fór þó lækkandi síðustu árin, þar
sem afslátturinn var markvisst
minnkaður eftir hrun. Mest nam hann
alls um 1,3 milljörðum framtalsárið
2010 en var 311 milljónir í fyrra.
Hólmgeir segir afsláttinn hafa
skipt máli fyrir sjómenn og þeir vilji
að útgerðin bæti þeim þetta upp.
Hann segir viðræðurnar hafa skilað
litlu til þessa. „Þetta getur ekki geng-
ið svona mikið lengur. Menn fara
hvað úr hverju að missa þolinmæðina
endanlega. Við höfum verkfallsvopnið
ef mönnum sýnist svo, en erum ekki
farnir að ræða slíkar aðgerðir, hvað
sem síðar gerist,“ segir Hólmgeir.
Án samnings frá 2011
 Ekkert gengur í kjaraviðræðum sjómanna og útgerðar
 Gera kröfu um bætur fyrir afnám sjómannaafsláttarins
Hólmgeir Jónsson
Þórunn Kristjánsdóttir
thorunn@mbl.is
Skólastjórnendur í Reykjavík eru uggandi
vegna niðurskurðar borgarinnar til skóla- og frí-
stundasviðs um 669 milljónir króna á næsta ári.
Borgarráð samþykkti að skera útgjöld borgar-
innar niður um 1,8 milljarða strax á næsta ári og
halda niðurskurði áfram næstu tvö ár þar á eftir.
Afkoma Reykjavíkurborgar er mun verri það
sem af er ári en gert var ráð fyrir. Gert var ráð
fyrir að 6,3 milljarða afgangur yrði af rekstri A-
og B-hluta en raunin varð 2,4 milljarða halli en
það er 8,7 milljörðum verri afkoma en gert var
ráð fyrir.
„Við höfum verulegar áhyggjur af þessu. Það
er skýrt í okkar huga að við teljum að ekki sé
hægt að skera meira niður í þjónustu í grunn-
skólum borgarinnar. Frá hruni hefur verið nið-
urskurður og hagræðing í grunnskólunum. Við
þurfum að setja í forgang lögbundna grunnþjón-
ustu við börnin og borgin þarf að skoða aðrar að-
gerðir til að hagræða,“ segir Guðlaug Erla
Gunnarsdóttir, skólastjóri Ingunnarskóla og
formaður Félags skólastjórnenda í Reykjavík,
spurð um fyrirhugaðan niðurskurð til skóla- og
frístundasviðs. Hún tekur þó fram að ekki liggi
fyrir hvað felst í aðgerðum Reykjavíkurborgar.
Magnús Þór Jónsson, skólastjóri Seljaskóla,
og Helgi Árnason, skólastjóri Rimaskóla, taka
báðir í sama streng og Guðlaug. Þeir segja
grunnskólana vera komna „inn að beini í nið-
urskurði“.
Þýðir minni þjónustu
„Þetta er alveg ferlegt. Það verður ekki skor-
ið meira niður í grunnskólunum nema stjórn-
málamenn fylgi því úr hlaði og tilkynni íbúum í
Reykjavík að það þýði minni þjónustu. Við
skólastjórnendur sitjum uppi með svartapétur
því við eigum að uppfylla þjónustuloforð
Reykjavíkurborgar. Að sjálfsögðu er því lofað
að skólar í Reykjavík séu þeir bestu, sinni átaks-
verkefnum, efli læsi og sinni sérkennslu og
fleiru eins og best verði á kosið. Þessum lof-
orðum fylgja ekki þær bjargir sem við þurfum
til að uppfylla þau. Það er vond staða að hafa
ekki möguleika á að veita þjónustuna,“ segir
Ómar Örn Magnússon, skólastjóri Hagaskóla.
Hann bendir á að meiri peninga þurfi inn í
grunnskólana í Reykjavík til að standa jafnfætis
nágrannasveitarfélögunum.
„Mér finnst ekki mikill bragur á því að höf-
uðborgin, stærsta sveitarfélagið á landinu, getur
ekki ráðið við þetta verkefni. Menn verða þá að
vera heiðarlegir og bera það upp við ríkið ef þeir
ráða ekki við verkefnið. Það getur vel verið að
það sé raunverulegt. Það eru eðlilegri viðbrögð
stjórnmálamanna í stað þess að leita hingað nið-
ur í niðurskurð,“ segir Ómar ennfremur.
Ekki margar matarholur
„Aðhaldið hefur verið mikið undanfarin ár og
það gerir verkefnið krefjandi. Stefna okkar er
að draga saman í yfirstjórn en verja þjónustu-
stigið eftir megni, en það eru ekki margar mat-
arholur eftir,“ segir Skúli Helgason, formaður
skóla- og frístundasviðs Reykjavíkur, spurður
út í sparnaðinn á sviðinu.
Hann vildi ekki tjá sig um einstök dæmi um
niðurskurð því aðgerðaáætlun liggur ekki fyrir
fyrr en 1. febrúar 2016. Skúli bendir þó á að
hægt væri m.a. að draga úr húsnæðiskostnaði
með því að auka samstarf skóla og frístunda-
sviðs. Það myndi felast í því að frístundaheimilin
yrðu starfrækt innan skólanna.
Hann benti einnig á þann möguleika að hag-
ræða í rekstri skólamötuneyta til að mynda með
því að fjölga útboðum á hráefni til skólamötu-
neyta en árlega er varið 1.200 milljónum króna
til hráefniskaupa.
Ekki hægt að skera meira niður
 Skólastjórnendur í Reykjavík hafa áhyggjur af skólastarfi á næsta ári vegna niðurskurðar  Stefnan
að draga saman í yfirstjórn en verja þjónustustigið eftir megni, segir formaður skóla- og frístundasviðs
Morgunblaðið/Ómar
Grunnskóli Skólastjórnendur í borginni
segjast ekki geta skorið meira niður.
Í gærmorgun var jörð alhvít í fyrsta sinn á
þessu hausti í Reykjavík.
„Og það munar aldeilis um það. Snjó-
dýptin var mæld 21 cm sem er sú mesta á
landinu ásamt Ólafsfirði. En Ólafsfjörður
er snjóasveit en Reykjavik er snjóléttur
staður og þar er sárasjaldan mestur snjór
á öllu landinu einhvern dag,“ ritar Sig-
urður Þór Guðjónsson veðursagnfræð-
ingar á Moggabloggið í gær.
Síðast var alhvítt í höfuðborginni 11.
apríl í vor og hefur því verið snjólaust í
228 daga, 24 dögum lengur en meðaltal
þessarar aldar og 28 dögum lengur en
meðaltalið frá og með 1949, segir Sig-
urður.
Flestir voru þessir dagar 248 árið 2000
en þá varð jörð alhvít 12. desember og hef-
ur aldrei orðið alhvítt svo seint á hausti í
Reykjavik. Fæstir hafa snjólausu dagarnir
frá vori til hausts verið 144 árið 1990.
Snjólausir dagar í Reykjavík milli vors og
hausts hafa reyndar ekki verið fleiri en nú
síðan metið var sett árið 2000.
Að sögn Sigurðar er þetta mesta snjó-
dýpt í nóvember í Reykjavík síðan 1979
(29 cm), 1978 (38 cm) og 1930 (26 cm).
Snjódýptin núna er því sú fjórða mesta í
Reykjavík frá því Veðurstofan var stofnuð
árið 1920.
Meðalhitinn á landinu er enn meira en
eitt stig yfir meðallagi. „En nú fer að halla
undan fæti með kuldakasti til mán-
aðarloka,“ segir Sigurður í bloggi sínu.
sisi@mbl.is
Eftir 228 snjólausa daga í höfuðborginni varð loks alhvítt
Mesti snjór á landinu í Reykjavík
Morgunblaðið/Árni Sæberg
Bjart Hressilega hafði snjóað þegar borgarbúar komu út í gærmorgun og heldur bætti í er leið á daginn.
Nefnd sem innanríkisráðherra skip-
aði í ársbyrjun um meðferð kæru-
mála og kvartana á hendur lögreglu
skilaði í gær ráðherra niðurstöðu
sinni. Leggur nefndin til að ráðherra
skipi þriggja manna eftirlitsnefnd
með störfum lögreglu sem hafi það
verkefni að taka við erindum frá
borgurunum, yfirfara þau og greina
hvort um sé að ræða kæru um refsi-
verða háttsemi eða kvörtun er lúti að
starfsaðferðum lögreglu, og komi er-
indum í viðeigandi farveg, að því er
greint er frá á heimasíðu innanríkis-
ráðuneytis. Þá lagði nefndin einnig
fram drög að breytingum á lögum
sem nauðsynlegar eru með hliðsjón af
þessum tillögum.
Haft er eftir Ólöfu Nordal, innan-
ríksiráðherra, að henni lítist mjög vel
á tillögurnar og að þegar verði hafinn
undirbúningur að því að hrinda þeim í
framkvæmd. Sagði hún mikilvægt að
mál sem þessi hefðu öruggan farveg
og að borgararnir hefðu vissu fyrir
því að á þá væri hlustað.
Gert er ráð fyrir að innanríkisráð-
herra skipi formann nefndarinnar, en
Lögmannafélag Íslands og Mann-
réttindaskrifstofu Íslands hina tvo.
Lögð til
skipan eftir-
litsnefndar
 Taki við erindum
vegna lögreglu