Morgunblaðið - 01.12.2015, Side 12

12 FRÉTTIRInnlent
MORGUNBLAÐIÐ ÞRIÐJUDAGUR 1. DESEMBER 2015
Heldur færri lömbum var slátrað í
haust en á árinu 2014 og meðalvigt
var aðeins minni. Það leiðir til þess
að kindakjötsframleiðslan verður
um 110 tonnum minni en í fyrra.
Upplýsingar kjötmats Matvæla-
stofnunar um sauðfjárslátrun í
ágúst til október 2015 sýna að
531.481 lambi var slátrað á þessu
tímabili. Er það liðlega fimm þús-
und lömbum færra en á sama tíma-
bili í fyrra. Jafnframt kemur fram
að út úr slátruninni hefur komið lið-
lega 150 tonnum minna af kjöti en
árið áður.
Þess ber þó að geta að í þessar töl-
ur vantar slátrun hjá SS á Selfossi
fyrstu vikuna í nóvember. Svo vill til
að talsvert fleiri lömbum var slátrað
eftir mánaðamót hjá SS en í fyrra og
skekkir það tölurnar. Þannig hefur
sláturlömbum hjá félaginu aðeins
fækkað um tæp 900, þegar á heildina
er litið. Kjötmagnið sem færist á
milli tímabila leiðir til þess að heild-
arframleiðslan minnkar um 110 tonn
frá fyrra ári en ekki 154 tonn.
Meðalfallþungi lamba var 16,19
kg. Það er heldur minna en í fyrra
þegar meðalvigtin náði áður
ókunnum hæðum, 16,33 kg. Eigi að
síður er meðalvigtin í haust með því
mesta sem sést hefur. Holdfylling
skrokkanna var að meðaltali 8,76 kg
sem er meira en nokkru sinni. Tíð-
arfari var misskipt á landinu í vor og
sumar. Kemur það einkum fram í
minni meðalvigt og holdfyllingu
lamba á austanverðu Norðurlandi og
Austurlandi. helgi@mbl.is
Kjötframleiðslan
minnkar um 110 tonn
 Færri lömbum slátrað og meðalvigt fellur frá fyrra ári
Sláturtíð 2015*
*Ágúst til október 2015 Heimild: MAST
2015 2014 Breyt.%
Heildarfjöldi sláturlamba 531.481 536.509 -0,94
Innvegið (kg) 8.607.022 8.760.753 -1,75
Meðalvigt (kg) 16,19 16,33 -0,86
Sláturhús
Fjöldi
2015
Fjöldi
2014 Breyt.%
Meðalvigt
2015
Breyt. frá
2014
SS, Selfossi 89.109 92.824 -4,00 16,25 0,43
SKVH, Hvammstanga 85.328 83.081 2,70 16,55 0,35
SAH Afurðir, Blönduósi 94.189 96.077 -1,97 16,47 0,22
KS, Sauðárkróki 99.894 101.463 -1,55 16,25 0,09
Norðlenska, Húsavík 75.557 74.765 1,06 15,88 -1,46
Fjallalamb, Kópaskeri 27.018 26.057 3,69 15,51 -1,42
SVV, Vopnafirði 30.946 30.402 1,79 15,63 -1,00
Norðlenska, Höfn 28.382 31.360 -9,50 15,88 0,13
Sláturhús Seglbúðum 1.058 480 120,42 17,97 0,74
Samtals 531.481 536.509 -0,94 16,19 -0,14
Morgunblaðið/Eggert
Réttir Ágætlega rættist úr sauðfjárframleiðslu í haust eftir erfitt vor. Lömbin voru léttari á austurhluta landsins.
Jökull Gunnarsson var einnig ráð-
inn í gær, sem framkvæmdastjóri
framleiðslu hjá PCC á Bakka. Hann
hefur starfað sem framkvæmda-
stjóri hjá Rio Tinto Alcan í Straums-
vík, síðast sem framkvæmdastjóri
steypuskála.
Jökull tekur til starfa í mars
næstkomandi og mun vinna með
Hafsteini að uppbyggingu kísilvers-
ins á Bakka við Húsavík. Áformað
er að hefja rekstur á síðari hluta árs
2017 og framleiðslan verði komin á
fullt í byrjun árs 2018. Hafsteinn á
von á því að byrjað verði að ráða
fleira fólk upp úr miðju næsta ári.
helgi@mbl.is
Verkefnið er
mjög spennandi
Hafsteinn
Viktorsson
Jökull
Gunnarsson
„Verkefnið sem er að fara af stað er
mjög spennandi. Mig langar að taka
þátt í því. Þegar komið var að máli
við mig til að athuga hvort ég vildi
skoða það, stóðst ég ekki mátið og
sagði já við því,“ segir Hafsteinn
Viktorsson sem ráðinn hefur verið
forstjóri PCC BakkiSilicon frá 1.
mars 2017. Hann tekur raunar til
starfa í júní næstkomandi og starfar
sem framkvæmdastjóri tæknisviðs
kísilversins þar til hann tekur við
rekstrinum.
Vonar að heppnist vel
„Ég hef áður tekið þátt í svona
uppbyggingu. Þótt hún væri erfið og
tæki á var gaman. Það var sér-
staklega áhugavert að fylgjast með
áhrifum sem starfsemin hafði á nær-
samfélagið. Ég vona að þetta verk-
efni heppnist jafnvel og verkefnið
fyrir austan og hafi jafngóð áhrif á
samfélagið,“ segir Hafsteinn. Hann
starfaði hjá Alcoa Fjarðaáli frá 2005
til 2008, síðast sem framkvæmda-
stjóri framleiðslu og staðgengill for-
stjóra. Síðustu ár hefur hann starfað
að fjárfestingaverkefnum fyrir móð-
urfélag Alcoa Fjarðaáls.
 Stjórnendur ráðnir hjá PCC
Íslendingar hafa náð miklum árangri
í minnkun kolefnislosunar en þurfa að
gera meira. Þetta er meðal þess sem
kom fram í ræðu Sigmundar Davíðs
Gunnlaugssonar forsætisráðherra á
loftslagsráðstefnu Sameinuðu þjóð-
anna í París í gær.
„Jöklarnir okkar eru að hörfa“
Í ræðu sinni sagðist Sigmundur
vonast til þess að á næstu dögum
næðist samkomulag sem mundi
„koma í veg fyrir hörmulegar lofts-
lagsbreytingar.“ Sagði hann jafn-
framt að samkomulagið gæfi von um
að mannkynið gæti sameinast um að
berjast gegn þeirri miklu ógn sem
loftslagsbreytingar hefðu í för með
sér.
„Loftslagsbreytingar eru nú þegar
sjáanlegar á Íslandi. Jöklarnir okkar
eru að hörfa. Við höfum ákveðið að
auka eftirlit með jöklunum okkar og
gera niðurstöðuna, og jöklana sjálfa,
aðgengilegri gestum og almenningi,“
sagði Sigmundur og bætti við að Ís-
land geti virkað sem kennsluvett-
vangur um áhrif loftslagsbreytinga.
„Ef ekkert er gert til að minnka losun
geta jöklarnir á Íslandi horfið að
mestu leyti næstu hundrað árin.“
Í ræðu sinni sagði Sigmundur frá
því hvernig Íslendingar hefðu minnk-
að kolefnislosun í orkuframleiðslu og
sagði næstum því 100% orku hérlend-
is koma frá rafmagni og að endurnýj-
anleg orka væri notuð til hitunar.
Aukin skógrækt og uppgræðsla
Sigmundur greindi frá því hvernig
ríkisstjórn hans hefði tilkynnt um
verkefni þar sem markmiðið væri að
hraða minnkun kolefnislosunar af
samgöngum, fiskiðnaði og landbún-
aði, í samstarfi við fyrirtæki á þeim
sviðum. Einnig að til stæði að auka við
skógrækt og uppgræðslu.
Samkomulagið söguleg stund
Sagði Sigmundur jafnframt að
samkomulag til að takmarka hlýnun
jarðar yrði söguleg stund. Að minnka
losun kolefnis í hagkerfunum yrði
mikið og flókið verkefni en nauðsyn-
legt væri að nálgast það með jákvæðu
hugarfari. „Takmarkið er innan seil-
ingar,“ sagði Sigmundur Davíð að
lokum og bætti við að Íslendingar
styddu samkomulag til að takmarka
hlýnun jarðar við 2 gráður.
AFP
Handaband Sigmundur Davíð Gunnlaugsson og Francoise Hollande Frakk-
landsforseti takast í hendur á loftslagsráðstefnunni í París.
„Takmarkið er
innan seilingar“
 Ísland kennsludæmi um loftslagsáhrif