Morgunblaðið - 07.11.2015, Page 11

fjöllunarefnið, sem snerist um grein-
ingar, matstæki, aðgerðir, lyfja-
meðferðir, þjálfun og þjónustu við
börn, ungmenni og fjölskyldur
þeirra.
Fyrirsæturnar ungu, Linda
María, Arnheiður og Árdís, eru með-
al tólf hundruð skjólstæðinga Æf-
ingastöðvarinnar, sem rekin er af
Styrktarfélagi lamaðra og fatlaðra.
Þar starfar fjöldi sjúkraþjálfara og
iðjuþjálfa og er þjónustan fyrst og
fremst ætluð börnum og fjölskyldum
þeirra. Um 10% skjólstæðinganna
eru fullorðnir, sem flestir hafa verið
hreyfihamlaðir frá barnæsku.
Tvíburasysturnar Arnheiður og
Árdís hafa verið í margvíslegri þjálf-
un mörgum sinnum í viku frá eins
árs aldri. Systurnar eru fyrirburar,
fæddar 14 vikum fyrir tímann og
greindust báðar með heilalömun
fljótlega eftir fæðingu.
Ánægð með þjónustuna
Þar sem faðir systranna, Heiðar
Arnfinnsson vélfræðingur, er lang-
dvölum úti á sjó, hefur að miklu leyti
komið í hlut Söru að sinna dætrum
sínum heima við sem og annars stað-
ar. Skutl kemur mikið við sögu í hinu
daglega lífi fjölskyldunnar og hafa
þær mæðgur farið býsna margar
ferðir frá heimili sínu í Mosfells-
bænum til Æfingastöðvarinnar við
Háaleitisbraut – yfirleitt með tvö
sett af rafmagnshjólastólum, hjóla-
stólum og göngugrindum í bílnum.
Og ferðirnar verða væntanlega fleiri.
„Stelpurnar eru til skiptis í iðju-
þjálfun, sjúkraþjálfun og sundi
nokkrum sinnum í viku allan ársins
hring auk þess sem sjúkraþjálfari frá
Æfingastöðinni kemur aðra hverja
viku í Krikaskóla þar sem þær eru í
leikskóla. Ég er afar ánægð með
þjónustuna. Þetta hefur allt saman
gengið mjög vel,“ segir Sara.
Hún er geislafræðingur að
mennt, en hefur ekki starfað utan
heimilis frá því rétt áður en dæt-
urnar fæddust. Í fyrrahaust hóf hún
meistaranám í fötlunarfræði við Há-
skóla Íslands, en kveðst ekkert vera
að flýta sér. Enda hefur hún ærinn
starfa við annað.
Aukið frelsi
Arnheiður og Árdís eru álíka
mikið fatlaðar, þær geta hvorki setið,
staðið né gengið án stuðnings. Að
öðru leyti eru þær í engu eftirbátar
jafnaldra sinna, hvorki andlega né
félagslega, og gengur ljómandi vel í
skólanum. „Rafmagnshjólastólarnir
sem þær fengu í sumar hafa létt
þeim mikið lífið og aukið frelsi
þeirra. Núna geta þær verið jafn
fljótar í förum og aðrir krakkar og
þurfa ekki sífellt að biðja aðra um að
ýta sér. Þær eru orðnar rosalega
flinkar,“ segir móðirin stolt og ætlar
að halda áfram að mynda daglegt líf
dætra sinna eins og hún hefur gert
frá því þær litu dagsins ljós.
Happdrætti Styrktarfélags lam-
aðra og fatlaðra er komið í heima-
bankann. Allur ágóði rennur til
starfs í þágu fatlaðra barna og
ungmenna.Ljósmynd/Sara Birgisdóttir
Í sól og sumaryl Arnheiður og Árdís Heiðarsdætur njóta veðurblíðunnar.
3. sæti Buslað í rigningunni Tvíburasysturnar Arnheiður og Árdís á rafmagnsstólunum sínum í Laugardalnum.
DAGLEGT LÍF 11
MORGUNBLAÐIÐ LAUGARDAGUR 7. NÓVEMBER 2015
Styrkur, þol, jafnvægi og samhæfing
4 vikna námskeið fyrir 60 ára og eldri hefstmánudaginn 16. nóvember
Skemmtilegir tímar sniðnir fyrir fullorðið fólk. Áhersla á persónulega aðstoð,
styrk, þol, jafnvægi og samhæfingu til þess að auka lífsgæði.
Verð: 26.900 kr.
Innifalið:Aðgangur að Spa, handklæði við komu, herðanudd í heitum pottum.
Tímar kl. 13.00 alla dagana
Mánudaga,miðvikudaga og föstudaga: Hóptími
Þriðjudaga og fimmtudaga: Prógram hjá þjálfara í sal - frjálsmæting
24. nóvember verður fyrirlestur umnæringu fyrir fólk 60 ára og eldri.
Hilton Reykjavik Spa – Suðurlandsbraut 2, 108 Reykjavík
Skráning og nánari upplýsingar á spa@hiltonreykjavikspa.is og í síma 444 5090.
60PLÚS
Þjálfarar: Agnes Þóra Árnadóttir, Patrick Chiarolanzio og Guðbjartur Ólafsson
Á Æfingastöðinni, sem er eitt helsta verkefni Styrktarfélags lamaðra og
fatlaðra, er veitt sjúkraþjálfun og iðjuþjálfun í nánu samstarfi við skjól-
stæðinga, fjölskyldur þeirra og aðra sem veita þeim þjónustu og/eða
umönnun. Lögð er áhersla á:
 samhæfða þjónustu
 lausnamiðaða þjónustu sem miðast við þarfir hvers og eins
 sveigjanleg úrræði
 aðgengi að upplýsingum og fræðslu
 skipulagða samvinnu við aðra þjónustuveitendur
 virkt foreldrasamstarf
Markmið þjónustunnar er að efla þátttöku, auka lífsgæði barnsins og
fjölskyldunnar og aðstoða barnið við að nýta styrkleika sína til að ná
auknum þroska, sjálfstæði og lífsgæðum.
Leið til aukinna lífsgæða
STYRKTARFÉLAG LAMAÐRA OG FATLAÐRA